小t生日泰仔仔之旅2023-10-22第四天(晴天)

3月9日...中午食IES~諗住去買護膚品點知下周先有折..夜晚叫外賣~….3月10日….星期一夢幻西餐廳都幾多野做..又做到個頭濕哂~….3月11日…今日做夢幻西餐廳做到條頸扯扯下...3月12日...然後今日演變成頭痛....呵呵~.....3月13日...無啦啦今日夢幻西餐廳勁多野做~老夫人去左旅行...我放工自己去食comma~....3月14日...我今日係夢幻西餐廳做錯兩單野..但兩單都貴人高照救得番~~~吉日~....放左工去試間新韓燒為貞開生日趴~D豬係濟洲島運過黎既熟成豬~~~~豬真係好好味~但其他一般~....3月15日....呢日有朋自遠方回來~~同港女去左食醉江南~~好開心港女送左佢地做野個酒莊支酒俾我同毛寶~~仲有東涌Bakehouse限定既大澳蝦籽卷~~~好鐘意好鐘意~~然後去Cafe途中落爆勁大雨~一落就黃雨~~唯有去有停車場既地方飲~~之後我地去左探豬子~~夜晚食shake shack~...3月16日...中午試左M8間泰國餐..都幾好~~去terra嘆杯啡~~又去探豬~~夜晚食左勵王軒~~~....3月17日...忙呀忙呀忙~~星期一真係好忙呀~~...3月18日...我個老母親去完旅行番黎喇~~....3月19日...肚~仔~痛~~....3月20日..少少多野做~夢幻西餐廳D客同我以前D客係唔同既西...好好玩~...3月21日...呢日係我係夢幻西餐廳最多野做既一日~...放左工約左芝朗去食healer bar~好食但貴~....3月22日...朝早去拜老豆~然後老夫人請我同毛寶去食上河內...個喉有D痕痕地~....有人為左年尾個旅行買左相機呀~~~好大件事~攞埋個新相機去探豬幫豬影相~點知佢嬲我地掛住搞相機唔同佢反唔送我地走XXXXD...夜晚痴痴貢~



2023/10/22
Day 4(泰國,曼谷 Thailand,Bangkok->香港 Hong Kong->澳門 Macau)
由於噚晚我地食唔到豬手飯...噚晚叫野見餐牌封面寫開朝早7點...心心念念之下...我地一齊話：不如朝早去食豬手飯做早餐咯~XXXD....邊個小朋友咁得意企係門口呀*3*

今日咁早~早餐時段~終於有喇~~流口水~~




由於諗住食完陣間去飲啡...所以依家唔飲野~好乖咁叫支水飲~泰國系統默認..你叫咩都俾冰~如果可以...中女其實想叫常溫樽裝水XXXXXD




令人心花怒放的早餐~




整左個大既豬手飯~70฿=16.3hkd...放心叫大...因為大既都唔係好大XXXXXD好味呀!幾年無食~個汁依然咁濃濃咁好送飯~豬手D皮又黏黏既~仲記得第一次食...我地係買外賣番酒店做下午茶XXXXD




另外叫左雞米~都幾正~但係會有D熱~因為呢間餐廳無冷氣~~




食完豬手飯又熱辣辣行去EmQuartier搵下有無啡飲~






見到間Starbucks~幾靚咁~不過睇下有無其他先~




行一陣見到...咦...你咪噚日我地係paragon搵得好辛苦既刨冰?XXXXD....乜酒店附近原來都有XXXXD...見呢個商場都幾多野食~有機會來吃吃~




最後揀左佢XXXXXD應該係俾門口D可愛萬聖節冬甩吸住左XXXD








我睇佢餐牌有咸食(三文治..意粉哥D)...不過岩岩食完豬手飯就唔食了~就咁叫下咖啡同個冬甩試下~...不過環境都幾靚~






咖啡忘了幾錢~冬甩揀左科學怪人...120฿=27.9hkd...杯啡唔岩我口味~冬甩其實我平時都唔鐘意食XXXXD...因為我好怕好甜既甜品~佢充滿左好多朱古力~我好驚XXXXD






行入沙北有我平時鐘意儲既細杯杯~不過見佢畫得無乜特色XXXD就算了~






好啦~咁我地係KKday訂左車11點黎接我地由酒店直接去BKK機場~(記得有分BKK同DMK兩個機場...睇清楚機票唔好去錯~)...大約一小時去到機場~134hkd~online check in左...去到self check in同bag drop就ok~回程個篋都係得10.8kg~






出境都排左好一陣~話時話...BKK真係幾大~








疫情前去曼谷已經試過呢個lounge~覺得幾好~(好似呢個lounge係Oman Air Bisness Class都係去呢個lounge~但諗諗下信用卡都可以入都幾雜..........著數既係我XXXD)




雖然信用卡都可以入...但係去兩次都唔算好多人~




雖然野食真係唔算多...但其實ok既~酒水算幾多品種~鐘意飲番兩杯真係唔錯~










猛飲~猛食~






臨走仲攞到隻BKK皮皮~開心~




食飽飽行去等上機~








我地搭Thai Airways既TG638由曼谷直飛香港...本身飛13:55...點知買左機票又change schedule變15:00飛~...算啦~番到香港都係18:45~好似回程隻機D裝置好似新D~螢幕都好似新D快D~




派飛機餐時無派野飲~派哂餐先派野飲~揀左食蝦麵~淡味但唔難食~個前菜泰式三文魚個汁好味~但魚肉好鞋好鞋~個甜品芋頭蛋糕個質感差差地XXXXD唔岩我食~....睇左Sex and the city 2既下半部~再睇埋Her~




由於有D皮皮趕唔切我係曼谷時攞到禮物俾我...到我番左澳門佢地再係曼谷行番黎澳門搵我...有D慢既皮要行8日先番到黎澳門XXXXD辛苦你地喇~好過係日本番黎架喇XXXD(但之後試過係更遠既地方番黎~)




好啦~拜拜~完成左我個2023年生日泰國之旅喇~番到香港諗住到左買機場禁區巴士番直回澳門...點知...由於我地delay左番到香港...最後一班車如果有托運行李就唔夠時間.....又搭唔到....又搭的士去自己去港珠澳再搭金巴番澳門....其實到香港先18:45....




總結：
1.使費：2,806hkd(機票)+1,274.1hkd(酒店)+135hkd(來回酒店至機場車費)+130hkd(澳門至香港機場禁區單程車費,已減120hkd機場保安費)+2,969.8hkd(食買玩現金+信用卡)=7,314.9hkd....由於今次我生日...毛寶請我去~機票+酒店+SPA+食野~所以其實我淨係出左買野錢XXXD多謝寶寶~呢個旅行好開心~
2.好耐無去過曼谷~去左今次之後...上左癮XXXXXD(之後去多左兩次)
3.雖然出發前個心都離一離既...因為園區太恐怖...我地都係搭公共交通...同埋都係去遊客區多...唔好去靜既地方...當人企係Phrom Phong...又感覺安心左D....
4.疫情哥時我地太悶...試左兩次澳門酒店既Spa...哥時都覺得好正~但就係...貴囉....所以好恨去泰國按摩做Spa~因為真係抵好多好多~....我地今次旅行就做左3次按摩...你咪話~都攰架喎~日日按摩~日日都好攰~XXXD
5.曼谷D野真係抵玩抵食...所以先忍唔住今年無乜假都要用公眾假期再去~去按下腳仔都要啦~

~The End~

~多謝收看~

2025/03/22的開心事：
有~人~買~左~新~相~機~



報時：距離公子復活節曼谷之旅仲有---26日~
報時：與老小孩s北海道賞花自駕遊之旅仲有---70日~