2019/06/09
Day 3(台灣,台北 Taiwan,Taipei->澳門 Macau)早呀喂~今日要走喇~又係勁好天~
![](https://blogger.googleusercontent.com/img/b/R29vZ2xl/AVvXsEjTA6YEQmJxthHW1D0Qa2Ilkj_6gERDBpcY7JnfvcPO9cYpZlwTlIToxrzCy7AFUcKPtwLFM9am_gp8NE1pSB3XKg_XXMRjRvAO33PfA8WEL2eLAmknV3N5dUvYOWSfUyUpeV9KqvNCZR0/s640/E3C9DCD6-2F5F-4C18-A187-BE0B79C064F3.jpeg)
呢日得一個活動~就係食一個Bruch~XXXD...揀左呢間當時既網紅店Les Piccola~地址:台北市大安區金華街164巷5號....可以係佢網頁訂位~
![](https://blogger.googleusercontent.com/img/b/R29vZ2xl/AVvXsEjdkvyaYCPqV_7YNLJbEhqLaVeIdtNMGv5-vDm-Pl9TFQ_kzZQviLMI2kUJXHE-irWw0zBxgHB_Mzb6kIQd8F9s4J-3ULwhEnzaotGLqYyFjgZxJhHyBWWNsLMqMwbW-lpd806VhJgKeSc/s640/E643007F-0136-439D-952C-400D3BC7FB92.jpeg)
![](https://blogger.googleusercontent.com/img/b/R29vZ2xl/AVvXsEhNmhx6e6FaihMyW1aQEiO9LajfMVJfgph4Ii1eYQSc5U0mSWK6-yILVzUaShVyf6g618IMjUdPAGXyH3S4lDSipk3FRP5WvhNS3zIic3GwhBqaBNWmk75HyytpYtRuywYdneFKJTiSQbg/s640/B7399EB0-25CA-4191-9786-37AE81129A10.jpeg)
係一間餐酒館~
![](https://blogger.googleusercontent.com/img/b/R29vZ2xl/AVvXsEit8q-iku58i9UWfys6Tj4DDkOWoSXVutKoILWJSE0mhWkcHpnEC_suvp56nYJSE2aq45E3sqX_lWYZSCP9g5reyu4YNH4lHHLK9vVowLv2BfsruMI3ygv_Z2KeakOLq1q8QWaNLMpqXH8/s640/3058B7C2-8D75-4ACF-AC7F-CC688A4C1F0D.jpeg)
等候入座區已經咁靚~已經要喪影!呢張係我地狂歡三寶既合照黎架~搵唔搵到我地呀~
![](https://blogger.googleusercontent.com/img/b/R29vZ2xl/AVvXsEild_2_YFnYYLAyJcFdzBNFMQs76OXdGeuUurSNUAP0nL22eG0IgiVztrNpjumlO4NoyDWeKs_5dWn7BkpQ775f5H06zHhvjULzR_ahM8WGyrfx_XFgXrryLfzR6r5uGi32Gj_9UzuufAM/s640/16CFBFDC-4BC4-4345-8E94-6D555E56B52A.jpeg)
吧枱位好靚呀!
![](https://blogger.googleusercontent.com/img/b/R29vZ2xl/AVvXsEiZLUI8xvahZ06o8hJk5_6Q7fcsjl11pQr4sR9wxp0WRIvLRLhHXsMbfXin7a6Bda04lEd8fR4Y0Q2RJtgx-_XREmXoPRAcsNAtFTd3CEgvSKFyGBs0y3uJi47wF4ilyGMjlK6RxJlJw-I/s640/D7D7D9D1-ABB1-4D30-AAD0-888D813E6009.jpeg)
我好鍾認透光度高既餐廳~食落個人好精神架~難怪D網紅咁鍾意黎呢度食飯影相~
![](https://blogger.googleusercontent.com/img/b/R29vZ2xl/AVvXsEgQ-wzIQyfUV2TFIjZQdLNu5K4dODW5M9-mF8v53F0q1Q8xi37wgGN2gnC8VO3waTGRggLrLlGnaEwKMU1CSzej4IxqbvPQahjXCNdDmhNN02LJTZV3AJ7vcfc_IUfMWVF69a3wZfFfWYs/s640/D514FB54-8709-45C0-8F73-89796F38DE40.jpeg)
![](https://blogger.googleusercontent.com/img/b/R29vZ2xl/AVvXsEiNnZgIfCWJmrY98Ocam7Wtu2wc-yMst26vmeNOGtKc61TA9tYrn7xHKi6xH8FGZUBrjis31C8RvmrRsoDN_oFDOpasPiEfI0Lv_mqi3QrcJf8LVjl498djgavBKn87a4bhUM9R1WXn9WE/s640/5D335350-2AA2-42C9-B46B-027D2EF2731F.jpeg)
![](https://blogger.googleusercontent.com/img/b/R29vZ2xl/AVvXsEjsqoI6L3O3v2gcsfL3Lz61hz8nh9WPgtpnxXQmBFeZvKwDk83Y9L-YzQIZPZgrwi7_jboQaQ-XjNcArPU-anAQ653ezmK7Iolw3bKP92zPKU9UZA9h54uslKadRf5wPLOs7C7R87PaNcE/s640/0B24F3FD-DA1D-481E-A640-5EB700157021.jpeg)
![](https://blogger.googleusercontent.com/img/b/R29vZ2xl/AVvXsEhA0wo3n10HGQS8Ahm9N6A0J0Mpq3KVVVY_6Wr8nxD7NGOp1miEAf_lauY8YyEEDQHWUeSFFpnHboWdUcUd1K_o7BKXK5GGmSyJEqSCsvODFanTbV_hR2j2VCLyp04pKhOHZuObFvPx-HQ/s640/CFA3B77D-D4DC-4C14-98B1-15A2F3F2781E.jpeg)
![](https://blogger.googleusercontent.com/img/b/R29vZ2xl/AVvXsEgjl6NDoMWPY-kPbMjiSwoTXWcWz1Z27kNoSbgZ-qHyGJTYPP3Ty3RurLpL9ELKoPBJ1WG28m_c6y_cOwujBJGDqwHQ955gYTgThELBhGicuTh3tNFYKQqKr2uGqDgMHGA4aDDnpABB5ks/s640/20C329F0-D2A5-40A5-8EDC-1FE070FBBD31.jpeg)
訂位時要求坐窗邊位~餐牌面甩哂色....話哂網紅店...好心print過張啦XXXXXD
![](https://blogger.googleusercontent.com/img/b/R29vZ2xl/AVvXsEiFn1NubARgggqJrXQRwVNGqkYC5z8s0Iy23wupqPz5C5YRks_ay2Z3mD8g_ncz5egP8NBLGYLMs7q4jMRL1WpQx3ic5YzxEeDnMcwRw1MXrRSgLmfBNgjW0_owXViyzMJJHdmyhEz1GE0/s640/E2A963EF-4E23-485C-BE7C-6F17C0B6F948.jpeg)
以為有好多野揀~但原來有D係只到5點.....有D就晚6點先可以點~
![](https://blogger.googleusercontent.com/img/b/R29vZ2xl/AVvXsEiIXgTLg1mswxQ2Ixj2lknVr6nTX_gpdMI6RNhcrT0bytBirCfH7qXPj1HRZbCGHYSy5exSF2r9ytIaTzsRLZMZwnULeI7BUqaqci-OGaF0IBsLsqE2WAfRUyBfIo9MSQUP5nYHAyfRcoI/s640/F5991B5E-A135-4E79-BAF6-014697DA180B.jpeg)
![](https://blogger.googleusercontent.com/img/b/R29vZ2xl/AVvXsEhJTEkLtbccjIdiKz3j9NXl2xH1q5iACrQdTH1680ZTPdvSWoU8KG6P0Ud_mkDbejUy-C0KD9EhGENpS92GUlc9CS0rEHdcaVntKCpIjiYBr2mmW09u3xTt_PkWSY9P2MmhlggSUl-u7Do/s640/C47FABFC-BC98-4DED-87C5-70DC6F4B6C44.jpeg)
軚泰的海鹽焦糖拿鐵....NT$160=41.1hkd
![](https://blogger.googleusercontent.com/img/b/R29vZ2xl/AVvXsEiyXECDUWfx1Fuz8-wqZc3FS1TsMOrcOnA3mgb3cobIMPI6y2uhp8xpPBiOlsplV2gohHaC-c-T_JSnEekfSD0a8xNuNzRF799huH0-ObbghNUHxpe99UoNT_WMKn8uLHGDK1i1dkkw3Lk/s640/D65F59F1-AF29-4417-AE74-F02E7BC91771.jpeg)
毛寶的Black Tea...NT$150=38.6hkd
![](https://blogger.googleusercontent.com/img/b/R29vZ2xl/AVvXsEh2coJxBICEu6zhm0xp4cJp71lMp1vWC3QnIbk5-E3bkevGUw8ROvnfR-Q6OxRkm0pHL2IOGnzFHbYY5seYwOFUK3gKpQu_f73QMhb7tilwaaXb1pCU6UkKfT8o83Wz_qrHriPPmR7J0Vw/s640/33A5B5C8-A239-4035-B201-CFB39FBEF83C.jpeg)
春天的玉米濃湯...NT$160=41.1hkd....唔...無咩特別~
![](https://blogger.googleusercontent.com/img/b/R29vZ2xl/AVvXsEjFEFRW3oY_n4RyDI4cQ4qTz64cr7see6-LqUxcPMIjGJF69UNw-7rykym3fMFOcAbs7XriRowM-2gP62ERK4qImQ6TLsH7B6EnKtugbO1CjKh9nFVEhFF_xk6r4GFX6LMyvz-muSGlB_U/s640/9EE66C30-270B-4419-B8F2-36D04F4D340E.jpeg)
招牌洋蔥湯...NT$180=46.3hkd....講到招牌害人家好期待~都....唔錯既....但....有好多地方都可以做到咁上下~
![](https://blogger.googleusercontent.com/img/b/R29vZ2xl/AVvXsEhTVRoOC_08pp3RCujVFl1CbLuqklpSSAkbvpIo-0E55XqJYiWv5UgJpKfRN4pX3Res3HvDwLtUL3Ou3welX5MyzPoJJWr7r2ZwE-ErFYH0mD9aOsnvklq18LqzGCm0MPJ_2TxNUBpduPk/s640/29F004B1-28FA-4292-9576-BCD3BAE83AC0.jpeg)
蕃茄和牛牛尾手工麵....NT$320=82.3hkd...佢寫住係home made既....麵質確係不錯~味道也佳~...會係我想回頭再吃的菜式~
![](https://blogger.googleusercontent.com/img/b/R29vZ2xl/AVvXsEi66IHxQnxOdAFsKPrIv_Btume8uIXr3g7k8c6ubWwJCAPPH3BJh92gmmttmg2q7PysahFb6-ziuphgkt6JdYZPv5yysQDoTUDxMMhnFnCn5R6PimmTaZC9sHwXw0ALt7WTGYBuYdkyfUw/s640/6D03F8A7-EEBC-48DE-A909-65FC0457E9E2.jpeg)
但轉眼又黎左我地叫既招牌海鮮燉很多飯....NT$360=92.5hkd....見到同個意粉一模一樣既色...有點不安.....食落...就是差不多呀~不小心點到同樣口味的飯麵~(沒有喇~就想吃吃別的味道...一餐中不想吃到飯麵都是同味道~)....其實張餐牌就得5樣飯麵...都可以整整不同味啦~
![](https://blogger.googleusercontent.com/img/b/R29vZ2xl/AVvXsEiAL0-ZACstyNBrxJ9Ss2RQBGPojsKh8fEpeSNsVg8TyDsYfKGZbFQpme5VFLbJWJvhvVmWDYk8LAW27xeIwyUE_7W3WlWpB7oVrwghWhrxcBSDLL2S-jn9dqFnnXd6QQTgxSoOH77JwT0/s640/3178E41F-1CD1-420B-B6CE-C74125EE3DAE.jpeg)
招牌熱烤牛排三文治(+鴨肝)...NT$280+100=97.7hkd...牛排還好...但這個醬汁ok~加上鴨肝~好味~(其實我想食番羅浮哥個...但羅浮疫情黎到依家都未開番;[ )
![](https://blogger.googleusercontent.com/img/b/R29vZ2xl/AVvXsEhp7iwE8Ft-R_rDpM82imuNQ4DFHDkIuNmp3yXTFW8IXpdvP8uReBl6JUzNRiuChAUT6mhMU3fhvWWSDCdAOldBmSffmKY-TF2kLJXmnFftyHuJfQdayreZstgsTMi1UlPpa4_r2rUSxRQ/s640/EAA4E66F-A836-4072-B61F-5771E7B0C17F.jpeg)
![](https://blogger.googleusercontent.com/img/b/R29vZ2xl/AVvXsEgwNE2_A_wOn9TViDs2w8JFWJtYEqWETjXgC-qc0aGEWBEXF4btXvOqNsTUGbD9WSOY7rfk6l57b_u6fW9xUEzq10hYBSuBbSEuTccOf8LaUcQ_euS6mVE-nj7o9B_LnfuPYX7qMr60meU/s640/AF8C926E-EEE1-4568-B4FF-0CA0394FA8B5.jpeg)
上甜點了~本人來杯熱美式...NT$150=38.6hkd
![](https://blogger.googleusercontent.com/img/b/R29vZ2xl/AVvXsEjS28EKm3YCmP7xj2XToAZ0Do4XbEJDadM-vwkjR5vmNvP-0PLkX0_gZhWXFyiJEkljGn1DCkon85JjYfxyM2dwfXZPvUPFswdBiVrmOEtB9yB7CpMZ9dKF7ia3T7TwrxEGUkZP1YaCLVc/s640/C306C265-5674-4368-B05C-3A67D79E2B6C.jpeg)
主廚特製奶油蜂蜜香蕉起司煎餅....NT$220=56.6hkd....又唔係熱香餅又唔係梳乎厘~係超紮實的熱蛋糕口感....挺不錯~不過一定要同人share~
![](https://blogger.googleusercontent.com/img/b/R29vZ2xl/AVvXsEil4iSuGFfpca82nVkz_mJhUL2rybKw39LkmPwo9A4Ge_y_pKeLAuxKAIfVSQ06j-kNycgxmMizUkNO3Hsz5TvjsXpf3GW7-qxte15z9gzxGEM8NvHUo70b5hgG6J1QmJSOZ9Lf62gNnCI/s640/08FA3583-F8ED-47DB-AC29-1E48AB9BCBA9.jpeg)
![](https://blogger.googleusercontent.com/img/b/R29vZ2xl/AVvXsEiT5gt9oT3zcjbrkGqO4VgJhNOmasixyC_F1S9RCNK7PEAJWNKxpw7UY_Wod-k_IQNK5jZojAg5qW6M5NDIq4yVoSG4HbeTTi1SF2CgyXjac5x05Nq-LtEWrxJLC81IcXaIy9oTek852oc/s640/F2A548CE-72FE-4EB9-9197-23B6CB883669.jpeg)
![](https://blogger.googleusercontent.com/img/b/R29vZ2xl/AVvXsEiOV2TuWHDupr2aa7XEa2w_-CAzH1hhxMCQ5YKG27GEqDB-EewziQo-SYwbmE2XYCxEdsufZ6UKEY6-3B98sBsCC4Q2_ezUItYRWISr0OVrHe5bBjfBIaQRD3uvqoh0iRGqUWcaLZhu7wE/s640/E7D4D5E8-4CFD-4BFD-BD57-E7AC292AC13E.jpeg)
自家製濃口原味焦糖烤布丁...NT$120=30.8hkd....價錢不貴...但不出色~
![](https://blogger.googleusercontent.com/img/b/R29vZ2xl/AVvXsEiyKlrj7Pp_bqrwfNan9jzDPO4Eb_JBykfPmpzZUlavozXj7G8EJ7BoMm0nSLo2WdXIX74EGZhgvO9oj8y0BLndlvDDRo3fKoUN72gL36BZUhlSO7pFi7aJAFUIy0snCd-D6bRxfcDgnd8/s640/7ABDE827-0E29-43C5-9F09-E4879940AE9C.jpeg)
呢餐食左NT$2,420=622.1hkd...每人食左207.4hkd...貴又唔係好貴...去影下相囉...食環境多過食食物~
![](https://blogger.googleusercontent.com/img/b/R29vZ2xl/AVvXsEiKfBMbwYy-2r5YzCD6_gr4TV_fTkN-xKhi3byQwQ39TZbUPLReuOsDgbuUP-YR5GiTM_sySGm1SA-lM-P1SqmZwmnD7kPbXVt-fvp8jQ0oXfpPym7eDsRx11kVmAgWCoR3hQl-aGzGtvk/s640/04B42B21-1BB1-49BB-A3A1-A4D95AFBB125.jpeg)
食飽番到酒店哥頭....唔得呀~要食番碗阿宗呀!雖然係遊客野...但我真係鍾意~
![](https://blogger.googleusercontent.com/img/b/R29vZ2xl/AVvXsEgB2_EICaGy-MqmCtyoXK8buApwPfuEUxJ5uoc1fnrqC3QhtUPxYfQYO8OIpmuY52smq6vZNOZy81P3BEb-lNhunTUtnaoVF02FYXEP_fJ3NgpRRWt_JIl1NdEsYNn9xQXta2RcumrZPLU/s640/271E70A3-B64F-449D-BD7B-7735E09782D3.jpeg)
買番酒店嘆~叫左個大既3份食~NT$70=18hkd...多香菜真係好正好正~
![](https://blogger.googleusercontent.com/img/b/R29vZ2xl/AVvXsEhXnFbP9NerbiK2A3aZpvQe4v4lp4poSkBNglg-VPTM1W3YfpdZvl7GLljVccLSfd4tR03Y858iyRygk5RbmCWbXu8yvL8b8fKqrVZ701vNRY6y3_NNwDND9o_HxtBBp_mjXfJLZ-EQCiY/s640/BC63CD77-6A72-4EE5-A86C-A6BFDAA1EB61.jpeg)
食飽check out~直接係街口截的士走人~乾手淨腳~截到架大的士~仲自覺好運~個司機仲要唔chur住同我地傾計...太好喇~點知上車....開左10幾分鐘...上到高速公路......我地3個都係坐後座既.....毛寶:喂...你望下倒後鏡...司機隻眼....咁似...梅梅地...想訓覺咁既?.....我:唔會既...卦........然後我地密切留意住倒後鏡...唔係喎!!!有一野佢差D合埋眼!!!架車仲有D飄!!......毛寶:你快D同佢講野!!....我:講乜X野好呀XXXXD..........大佬...就快無命...求其搵野同佢講:大哥大哥~我想問一下~你有沒有包車的服務呀~.....司機即時堅醒哂:呀~有咧~你想去那裹耶~.....我:沒有咧~我想跟家人12月來台灣時想去一下下宜蘭耶~想看看你有沒有大一點的車~....司機:有耶有耶~......我:那有沒有可以推薦的景點咧~可以一家大小都可以去的~.....司機:我告訴你咧~宜蘭超多景點的~....其間我叫另外兩位嘈D俾多D笑聲人聲嘈醒下佢......然後他blablabla的講了6天行程給我......然後狂歡三寶就安全的到了桃園機場第一航廈........這年頭乘客也很難當...看見司機就快睡著自己快沒命又不想鬧司機因為自己性命還在他手上只好自己找話題跟司機聊....但我明明就不想聊天呀XXXXD
好喇~check左in就入禁區...回程行李6.5kg...因為軚泰好似無帶入lounge既信用卡~所以我地陪佢唔入....但唔知點解又肚餓了~唔想入餐廳只好買飯盒坐係閘口食~成NT$380=97.7hkd一個....雖然係雞腿~但肉極鞋~好難食~我地搭台灣虎航IT305本身係17:15由台北飛回澳門...點知航空管制...delay到18:45....第一次坐虎航出現delay...灰....人家聽日仲要番工架~
![](https://blogger.googleusercontent.com/img/b/R29vZ2xl/AVvXsEjVceiLiq9bekDjk4wmztkfBy1-buAT-XdXeMPw7YlyKKecRnfjno96QE8bjhqcc7S-OWUoG4lrWU9Cetjn9GFTFpfUmmxIc8YlfyaPHH3YDVl-GGkqY6d63z1g5wiBD-Tr2RHcnytQOaU/s640/EA8E4193-7EB6-4F24-80E4-17A599048335.jpeg)
![](https://blogger.googleusercontent.com/img/b/R29vZ2xl/AVvXsEhjyFa-JJSeiS9Pe5t1STkG5WxTfOzolnZ5c7GrMots5nqGoMihVkHO4XN5qFKdvkp_qW8BTOtmenpmaqU1AYmwdKa4LtEargfZn3kZXvcBPgDftopvekJ-uclz7J-35unzXierOMV13Nk/s640/C53963A9-8835-4AF7-BD1C-ACF0C86448AB.jpeg)
好啦~又完左一個旅行喇~拜拜~(呢三條友仲笑...頭先差D無命)
![](https://blogger.googleusercontent.com/img/b/R29vZ2xl/AVvXsEiZNZ2KveZd0Q8xOpMo_VMsA-ZEsjVzkMj7eg3qOkapJ-RgzJ-p0Y2JGU-pL7WMBHdG-HXiEJkSoEUi7xo_SH6oGJndBqhtf-gKiKrq1vMiH5w03-qxKMZJqyGo52jujAnqJ6abfLZoY-s/s640/1FCA8C1F-34AE-4586-ADD9-FDA17DE4F600.jpeg)
總結:
1.使費:1,548.9hkd(機票)+1,042.8hkd(酒店)+4,957.4hkd(食買玩交通)+90hkd(保險)=7,639.1hkd....喂!快閃3日咋喎!咁都咁貴?無計啦~3日都食左3餐好野~係咁架喇~家陣我想快閃食好野都無呢個機會.........
2.好耐無試過以狂歡三寶名義去旅行~好難得~因為想當年....我地3個去日本真係太多蝦碌野XXXXXD我記得自己一手一腳既第一次自由行就係我地3個一齊~我地3個臭皮匠....好像真的沒有一個諸葛亮XXXXXXXXD但D笑料係可以笑一世那種~
3.多謝兩位陪我試左我想試既餐廳呀~我好開心~
4.唔寫台北blog都唔知自己係幾想快閃台北
5.到底全世界幾時先可以脫下口罩舒舒服服周圍去旅行?
~The End~
~多謝收看~
2020/10/03的開心事:
今晚開紅酒P~
聽日開生蠔P~
重點星期一仲係假期~
好彩妳地發覺得早、如果唔係就.........
回覆刪除我都遇過一樣的經歷、但我無妳地咁好彩啦..........
發生在東區走廊去緊"柴灣"...司機突然講食左藥好眼訓、佢又帶住黑超、我又睇唔到司機己經訓左。佢講唔夠六秒、我只見架貨Van慢慢撞去水嚨頭、然後再撞燈柱跟住架車四腳朝天。好似拍戲咁、我同司機慢慢爬出車外.好彩我無搶軑盤否則其旦死一個。新車落地三個月咁就報銷啦......
真係好驚~
刪除下!!你經歷過D咁恐佈既事!!!好彩你無事咋!!
大難後必有後福!祝福~
同賀中秋&國慶
回覆刪除無得出外
在家過節一樣
開心愉快
希望疫情快過
再次開心出遊
多謝~希望成個世界快D無事~
刪除金華街,香港都有一條同名金華街,我細個時住過^_^脫下口罩舒舒服服周圍去旅行?我都等緊這一天快啲出現﹗
回覆刪除好似澳門同香港都有條街係同一街名!!
刪除唉~依家真係好悶~
又一個旅程~ 無得去睇吓都好⋯⋯ 原本我今年想去多啲亞洲地方,可惜⋯⋯
回覆刪除我諗緊努力啲清遊記😅
仲有想問問,遊記po相係咪複雜咗?見你po咁多相想問吓點po?
刪除你本身今年想去亞洲邊度~你大把遊記未寫!
刪除好多野都複雜左好多...超唔好用XXXXD
刪除我都係以前咁插入咋~
龍山寺站有間麵線好好味.
回覆刪除我都有咁嘅經驗,個的士司機半睡半醒咁揸車,唯有嗌住咁嚟講嘢,又撩吓佢答你,堅驚驚,驚過平時司機呃水吹.
好似之前都有聽過人講哥間麵線~你記唔記得叫咩名呀?陳記?
刪除真係好驚...好彩有發現....因為去機場條高速都幾長下....仲要係高架橋....
好似就係陳記
刪除係喎,喺橋飛出去冇得剩啦
點解我咁聰明!
刪除真係好L驚
好多人去台灣都要食阿宗麵線...但我唔係好中意台灣啲麵線嗰種"杰撻撻"既感覺~~
回覆刪除所以食過一次,之後再去台灣都無再食過了
😂😂嗰位的士司機真係幾危險,好彩你地醒目撩佢傾計!!我諗起有一次係澳門坐的士,唔知個司機係咪未瞓醒定係唔識路(或者係有心兜路🤫),係石排灣兜左兩個圈,仲要衝左紅燈,然後我問一問佢,「你係咪唔識路?點解好似行錯左既」,佢呆左一呆😂然後好似你個司機咁即刻醒左😂
好期待有得再飛~ 希望繼續有得睇你既旅遊blog😎🤟🏻
我~鐘~意~杰撻撻好正~果然各有所愛~
刪除真係好驚....我地以後坐的士都要留意下司機對眼有無梅到...
好多謝你黎睇我寫D無聊旅行野呀~
我都好想再去旅行~係勁想~
係因為諗唔到放假理由...
回覆刪除近年都有唔少意外係司機過度疲勞所致,好彩最後冇事...
想唔戴口罩出國,樂觀諗都要大半年...
你講得非常之啱~真係放黎都唔知為咩~所以唔放算喇~不過帶唔到咁多落下一年...點都會放D
刪除真心好驚...夾硬搵野同佢講XXXD
我已經好樂觀...但我覺得多一年都唔得;[