與媽媽慶生台北吃喝之旅2018-04-02第四天(天晴)

星期二......食完咸蛋薯片唔使還咩....放左工去跑步....跑左3.44km......星期三....朝早又飲左我近排既新歡"長黑"(long black)....而且有特定一間好鐘意飲既....所以我成日個心都好痕好想去哥間買早餐.....唔知點解呢日勁攰.....臨放工好似有少少頭暈暈...但都有去跑跑...跑左3.58km~天氣勁熱....出得超多汗~同一時間但同上兩個星期比....好像已經早了點日落~星期四....除了受了點氣.....無咩特別事發生~也是好消息呀~~~~~~~好野好野好野!!!!!!打工仔們捱到星期五喇~~~



2018/04/02
Day 4(台灣,台北 Taiwan,Taipei->澳門 Macau)
早~今日要走喇~~~~~臨走前既早餐....我將呢個配額....送左俾我好鐘意食既顏家蚵仔麵線~~~地址：台北市大同區延平北路四段253之1號.....營業時間：07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~(由地址開始段野我都係copy上上次個blog~懶到~)




睇下佢門口d臭豆腐~~~起勢係咁炸~~~~帥!




簡單的餐單~




蚵仔麵線(大)...NT$55=12.6hkd......萬眾期待~~我的愛~~




救命呀~佢d滷大腸真係好好味呀~好吃得不能自拔~但係今次蚵仔我食到係外面有層炸粉咁既?定平時都係咁?(因為我對上一次叫左淨大腸麵線~所以忘了蚵仔係咪有炸粉包在外~)




仲有仲有!!!我都好鐘意食佢呢度既臭豆腐!!!!!!NT$40=9.2hkd.......記得記得~~叫臭豆腐時問靚女可唔可以俾多d川泡~~~~(川泡=臭豆腐上的酸菜...超好味的~)




同埋我覺我佢地臭豆腐個汁都好好味~~~諗起都興奮~




枱上有辣醬~請隨便~個臭豆腐加d紅色辣醬都好好味~~~但之前好似無蒜蓉係枱架喎~是但啦哈哈~




每次都食得咁開心~咁滿足~(記得~有可能的士錢貴過呢餐早餐...抵唔抵見人見智~)





番酒店攞埋行李出機場~都係搭的士~NT$1,000=229.9hkd.....由於今次無安排outlet行程~所以直接到機場~(唔去outlet先有得去食顏家架~)....一去到機場澳航counter仲未開..唯有排住隊先~我排隊老夫人作最後衝刺~買左呢個我好鐘意食既咸蛋麥芽餅~(見仁見智~有人好鐘意食有人覺得好硬一般~...但警告..此餅極度熱氣!!)....澳門都有代購賣...代購價70多mop....台灣賣30多hkd~




好喇~過左海關梗係要嘆嘆~去番上次去過既過左海關之後見到Airline Lounge個牌跟住行就到~




老實講...以唔使錢入黎講野食算係咁~隻茶葉蛋幾好食~冬瓜荼好飲~今次即煮麵叫左藥膳菇麵~淡左少少~但不錯~左上角既送酒小食好好味~




食飽行去閘口時見到有攝影比賽展覽...我最鐘意呢張!好靚呀呢個地方!!!同埋影得好有希望!!但只係得優異獎...





我地搭澳門航空NX609班機係14:40由台北飛番澳門~拜拜台北~我一定會回來~(係囉...下幾個星期就回來喇)




黎哥時無食到佢個飛機餐...本身諗住番到屋企唔再食晚餐所以回程認認真真食個飛機餐...一打開......勁似有好多獲撈黑色屎既焗豬扒飯但無豬扒........食落簡直無眼睇.....算啦...我番屋企食外賣喇...成個餐最好食係舊芭樂!....澳航台北線d飛機餐點解可以難食到咁?




hi~一粒雲都無~5點左右就到澳門~呢個時間番到澳門幾好丫~因為第二日又要番工喇~復活節假期結束了~




老夫人台北慶生之旅完滿結束~同大家說聲：拜拜~~~





總結：
1.使費：3,032mop(機票)+877.3hkd(3晚酒店)+92mop(保險)+5,137.9hkd(食買玩+交通)=9,048.2hkd(每人....今次無碌過卡...同埋請左我娘親食左餐omakase...差唔多啦~).....今次請我娘親去玩賀壽...幫佢俾埋機票加酒店~復活節出遊好貴..但開心~好彩有hotels.com既十晚送一晚優惠~
2.食左餐我好滿意既飯~好開心~我好鐘意樂埔町~
3.蟹膏粥仲係咁好味!
4.去台北真係會肥親人...
5.我估...不久既將來會有多次台北行~因為太近~

~The End~

~多謝收看~

我成日跑跑下步都會忽發奇想...
就係....
我依家成日跑步既地方...
就係我老豆以前日日跑步既地方...
我有諗過.....
我會唔會....
跑跑下步.....
係度撞番佢........................
(因為我成日跑哥時同我迎面跑有個阿叔好似我老豆)
我只係忽發奇想呀下...唔係憶父成狂呀下~



2018/08/02的開心事：
毛寶黎探左我兩日班呀~~~~~~~*3*<3



報時：距離Supper Moment[Dal Segno]專輯巡迴台北站2018仲有---21日~
報時：距離與毛寶慶生泰國食揼嘆之旅2018仲有---56日~
報時：距離天團蘇格蘭高地之旅2018仲有---72日~
報時：距離鳥取自駕遊之旅2018仲有---120日~
仲有3個星期見仕燊喇~
我到底見過呢個人幾多次?
到底我前世有幾多年既修行....
先換黎今世見佢咁多次面?(打左個冷震)