關西哈利波特之旅2015-06-27第七天Part 3(天陰及後轉晴)

哈哈~~經過好幾日既努力....我個gip大致上執好~~~拿..係大致上咋.....仲未可以將個gip合埋架...我要好好咁紀念....陣間去影下個爆哂炸既gip先~~~~~~~今日工作算係幾好~希望個優勢會keep到聽日~~~



2015-06-27
Day 7---Part 3(日本,大阪 Japan,Osaka)
由於呢晚係我地最後一晚係日本lu~所以想留番d時間執行李就無行出去其他地方食飯~都係酒店連住d商場搵食~但係你知啦~一經d商場女仔又失控~~~~幾開心呀~~呢度有Loft~~~終於俾我搵到我平時用開哥隻香水喇~~~~~大手入6支~~因為下年唔知有無機會黎~~~~~

我好欣賞佢呢張有風鈴既立體卡~~玩左佢好耐~~

呢間Birthday Bar又係超多精彩的雜貨賣!!!!推介!!

我地之後去番第一晚食壽喜燒哥層揀餐廳食飯....竟然3個不約而同地想：食左咁多日日本野...有d想食下意粉~~~~於是就揀左呢間意大利餐廳喇~叫Lavagna~

驚喜在：又有中文餐牌~......呢間野都幾多人食~~不過由於我地上到黎哥時已經係9點~所以d人都差唔多食完先有枱呢~而且研究下個餐牌佢又唔係貴喎~有個Lavagna Course...2,800円=175.3hkd.....已經有個沙律有個麵包有個自選意粉有個自選肉類有個自選甜品有個自選飲品....我覺得好抵喎~我地叫左兩個餐黎share~

我地另外叫左Sangria飲~超大杯!!!一杯才580円=36.3hkd!!好抵飲!!!

另外單點左火腿芝士拼盤...1,680円=105.2hkd....好抵!!!份量好大~~~~而且好味~~~

套餐的沙律和麵包~

我地叫左兩個餐~咁有兩款意粉~一個係Carbonara~另一個係煙肉芝士蕃茄醬意粉~都唔錯~

肉類就揀左焙煎西冷牛扒~唔錯喎~幾正~

另外一個叫左意式蕃茄水煮鯛魚~魚肉過鞋~但味道不錯~

餐飲揀左凍檸茶~

甜品想揀Tiramisu...但無哂~所以要左朱古力蛋糕~不好吃~另一個要左Assorted Gelato~雪糕好好味~~~~~

呢日既戰利品~~~~

最開心買左我第一對New Balance~~~~你無錯睇錯..真係我第一對~~~~而且是Made in USA呢~~~~27,000円(稅込)=1690.2hkd......其實我想講...我未買過咁貴既鞋俾自己架...有真係...有d肉痛......不過我都幾鐘意既~~~

實在係唔夠擺...有d買番公司d手信都入唔到鏡....我仲霸左人地將床少少位黎影~~~~今次成績真係唔錯喎~~~~~~但我竟然塞得哂入gip唔使hand carry喎~~~~係幾叻喎~

由於聽晚同我阿媽提早去食中秋節飯~
所以大阪之旅大結局會係星期六早上發佈~
敬請留意XD
我會好乖咁樣出埋個大結局先去旅行架喇~~
記得黎睇我呀~



2015/09/24的開心事：
梗係你啦~咁乖放左工都特登黎探我~
貞公子~今日最開心獎得主非你莫屬*3*



報時：距離冰島格陵蘭自由行之旅2015仲有---2日~
報時：距離台北跨年倒數之旅2015仲有---99日~
報時：距離南美洲4國新奇探險之旅2016仲有---141日~
番到黎之後d倒數有排計番~~~~~~~
台灣之旅踏入雙位數!!!!!!!
冰島格陵蘭之旅行就黎起行喇~~~緊張~~
番埋聽日工~星期五晚訓個靚覺再出發~