關西哈利波特之旅2015-06-25第五天Part 7(晴天)

今日隨左有d頭痛之外~一切安好~星期五去左睇哥套絕地狂逃(No Escape)...拍得好緊張~幾好睇~~~~但睇完覺得好驚~~番到屋企都未平伏到~~~搞到我應該唔敢去泰國~~~~星期六我地乖乖再深入寫下冰島個行程~~(查實我係乖乖坐係度陪大脾同毛寶寫~~).....星期日又去左睇戲~~睇左移動迷宮2：焦土試煉(Maze Runner：The Scorch Trials)~雖然第一集我覺得麻麻..但係有時d野就係...你睇得第一集就無理由唔睇埋第二集既~而且我覺得呢集拍得幾緊張~~~~下禮拜仲有套珠峰浩劫(Everest)~~~我要睇埋先出發~~~



2015-06-25
Day 5---Part 7(日本,大阪 Japan,Osaka->京都 Kyoto)
好喇~再深入去行哥個竹林喇~好有樹既氣息呀~

唉呀唉呀~~行到呢到真係覺得靚喇~~~左右都係竹林~好有氣勢~不過呢度超多蚊滋...野野都衝住塊面而黎既!!!!!!隻腳仲要不停郁....防止有蚊咬~

呢張影得好靚!!!simpson真係識享受生活~~~我記得毛寶影完呢張相起身講既第一句說話係：我好頭暈.....

頂~~~呢張相我地3個好似key上去咁~

越行越上~影d景就越黎越靚~

行到呢個位我地就覺得係最靚喇~~(因為唔想再行落去~所以相信眼前的事物已是最好的~)

毛寶幫我拍的帥照!大家鐘意打橫定打直哥幅?我鐘意打直哥幅~因為佢又幫我影到好高~~~~~件衫係大阪第一日哥時新買架~~~~~

行番出去...咦...咦...咦!!!!係咪哥時係大阪食到哥d青瓜漬呀?????一條300円=18.8hkd.....好貴一條....滿心歡喜咁食...點知原來係一條普通既凍青瓜...咁都係成$20一條????

我地之後就坐車出去四条河原町呢個站~都搭左成個鐘出去好似~其間有個人訓到個口mark得超大~~~邊個?我唔講~一落車我地就睇下個牌....睇下番京都駅最遲班車係幾點開...點知一望...下???閒日8點半就無喇???咁我地食飽飯點番去呀??

點知貞好叻~一眼望到呢個牌~原來有一班車係京都駅直行!!中間無停其他站~點對點由四条河原町直去京都駅~10點到11點42分~咁都定d~

開始天黑了~呢頭都幾熱鬧喎~

其實我地要去既係皮皮推介既先斗町~~~~網址

呢度係江戶時代末係風月場所黎架~~~~行入去都有d尋幽探秘feel~依家成條街兩旁變哂食肆~~~~~~~~~超級超級多間餐廳食野!!!!!!!!!!我地行哂成條街慢慢睇有咩食.....都行左半個多鐘~

如果同我地同一個入口入呢....多數都係右邊d食肆會比較多人食d~~~點解?因為呢邊既食肆大多都有鴨川納涼床呢!!!睇見有呢個燈籠就有架喇!!!不過要留意~如果要坐納涼床食野有好多餐廳都要加錢的~有d加每人1,000円=62.6hkd...不過納涼床唔係全年有架.....夏秋天先有~

其實我好想食呢間架~~~超多牛揀~~~不過~~~佢無納涼床坐呢~

2015/09/14的開心事：
今日朗仔請我食左半個芝士撻~~~~~
又真係幾好味~~~~~



報時：距離冰島格陵蘭自由行之旅2015仲有---12日~
報時：距離台北跨年倒數之旅2015仲有---109日~
報時：距離南美洲4國新奇探險之旅2016仲有---151日~
下~~~~~唔夠兩個禮拜喇~~~期待~~~~