關西哈利波特之旅2015-06-26第六天Part 3(雨天)

食左5日消炎藥我喉嚨又生猛番~呢幾日我要好好保重先得喇~~~星期六就為出發前做準備~~去左買野食啦買水煲啦~~之後夜晚係屋企執gip先發現大大獲....我完全塞唔哂d野gip~~好開心星期日去左食園林牛肉粉絲驚現有泰國遊客入去食野~~由於佢地唔識睇中文餐牌於是幫佢翻譯一下~我宣佈園林走進國際!!夜晚呀~公子幫我同毛寶慶生~~~~~好開心的一晚~~d野好好食~~~



2015-06-26
Day 6---Part 3(日本,京都 Japan,Kyoto->大阪 Osaka)
一番到大阪又衝番去同一間酒店攞房~想睇番酒店情形~請按我~..........我地放低d野之後又衝出去行左陣喇~~~無計啦~~連住酒店實在太多商場~~~~跟住我地呀~~就去左商場既B1層排隊買老爺爺cheese cake喇~~~(日文字~唔識打~我地都係叫佢老爺爺~).......其實佢心齋橋都有分店的~但我覺得唔係好順路有諗過唔食架喇...點知有日搭車前經過....咦~~我地酒店樓下咪有老爺爺囉~~~~~老爺爺網址

咩話?!?!?!?!?!成個蛋糕先648円(稅込)=40.6hkd????好平話~~~~~日本真係恐怖~~~~~~~




一路排隊一路可以睇佢整蛋糕既過程~~~幾過癮~~~(好多人排隊~不過好快~等左10分鐘左右~~)...首先鋪好個圈同張底紙~

跟住呢~曬d提子係底~唔多架~10幾粒架咋~

倒蛋糕漿~隻手好有力~

之後就可以攞去焗~~~焗好就係大家面前蓋個老爺爺樣係蛋糕面~

認真的嗎??咁大個先40hkd!?!?!?!

買到之後我地即刻跑番上酒店房喇......3個人都流哂口水...

一攞出黎...發現佢好跳脫~~~~稍為郁佢少少....佢就會左搖右擺........佢哥種動L....我好後悔無拍片......熱辣辣的~~~~我地用手搣開佢...........放入口..................超軟綿綿!!!!!!!!入口如無物!!!!好似食緊梳乎厘咁~~~~~~~~完全唔漏~~~~~而佢個底d提子可以話係畫龍點睛!!!!!!!!!!!!!!!!!!!!我排隊睇哥時覺得落咁少提子架...但依家食落....就是味道剛剛好喇!!!!!!!!!!!!!我地3個人...食淨少少咋~~~~差不多清哂~~~~~~~之後宵夜佢凍左架嘛...我地再食佢....熱食同凍食都咁好食!!!!!!

老爺爺的樣子好慈祥呀~~~本身佢地兩位小姐想買個番去同家人分享...點知機場原來無分店..........咁又keep唔到咁耐喎....唯有放棄了~



拿~~今晚都有特色餐食架~~~~今日帶左團友去超市體驗乾引壽司呀~~~~~~~~~~~~~~到左7點之後...d刺身呀~壽司呀~就會開始減價~梗係啦~~~唔驚賣唔去咩~~~~盒上貼既円貼紙...就係會減既價錢~~~真係好興奮呀~~~~~(不過後尾我地等左好耐~呢間超市都減得唔算多既~)

呢盒壽司我地等左超耐~~~~~~~~~~佢先有得割引~~~五顏六色咁~幾靚~

等佢減價期間~我地就去左睇下生果先~~~~~華~和歌山既桃呀~~~~~~~~~864円=54.1hkd一個~~比起澳門梗係平d啦~~~

後尾發現有個果盆...賣1,080円(稅込)=67.6hkd....有齊桃~奇異果~同埋我想試既橙橙黃黃車厘子~

仲入手埋呢隻車厘茄~~~~唔記得幾錢~大約廿幾hkd一盒~

跟住望下人地d牛肉豚肉....靚到呢!!!!!!!!!!!!!!!!!!!!!!!!好想買黎食呀~~~~~~~~~~~~~~~~

好喇~買齊野番酒店房開餐喇~~~~割引後既壽司~每盒最多只係平左200円=12.5hkd..好姑寒呢~~~~~仲買左貞好鐘意食既中華冷麵~

開埋其他野食都算幾有氣勢啦~~~~左上就係哥隻wasabi京漬淮山~~~~~~~~好爽~~好正~~~~右上就係超大隻火雞脾!!!估唔到的咁好味~~~~~~~~~~~~~~

呢盒拖羅壽司真係不得了的好吃!!!!!!!!!!!一盒有齊赤身..中拖羅同大拖羅~~~~~好好味~~~令我好掛住沖繩d大拖羅~~~~割引後1,312円=82.1hkd~

呢盒我地等左好耐等佢割引....點知麻麻地~割引後826円=51.7hkd~不過50幾蚊都幾抵食既~

我最鐘意d豪邁既女仔架喇!我buy你!!!應該睇唔到係邊個呀可~

食飽飽梗係要食飯後果啦~~~~~~~~好吸引~~蕃茄真的超超超超超好食!!!!!!!!!!!!!!!!!!!!!!!!!!!!!!!!!!!!!!!!!!!!桃也很很很甜很好食~~~~~~~~~~~~~~~奇異果就留到走哥日先食~不過一般~

係咪好少女呀隻色~~~~~~連入面d肉都係黃色的~夠新奇~不過新奇歸新奇~隻味我就覺得唔太似食緊車厘子~食過就算~

呢日成績都唔錯~米奇太靚靚~

京漬物我只可以買到我很喜歡吃的牛蒡~因為唔使入雪櫃~我有買黎做手信~有人仲用黎夾包~~~話好好味喎~~~

呼吸朱古力呢隻包裝係498円=31.2hkd....細少少哥隻可以成包送俾人都幾好架~不過佢無咁多貨....哥隻就258円=16.2hkd~

毛寶入手日本製眼鏡!靚!

2015/09/21的開心事：
今日既開心事係~~~我因間出街睇珠峰浩劫~~~
好野~~~可以睇到喇~~~仲要有人請我睇~~~
其實我仲有兩套戲好想睇架...
點知佢10月1日上...係我去緊旅行哥時...
我21日番黎都唔知仲有無上緊lu....可能睇唔到...
有d失望~~我想睇火星任務同埋心蹤罪~~~~~
我真係好鐘意睇戲架~~~
有人請我真係會無限個應承~~~
但最好唔好係鬼片同埋恐怖片啦~~~
******************************************************
仲有呀~~我姑媽煲左花膠螺頭瘦肉湯~~~
好正呀~~~~飲完又覺得自己變左靚女~~



報時：距離冰島格陵蘭自由行之旅2015仲有---5日~
報時：距離台北跨年倒數之旅2015仲有---102日~
報時：距離南美洲4國新奇探險之旅2016仲有---144日~
點算呀~第一次執gip執到咁梅咋~
去25日....太多野執................