北方館

點解呀...點解呢幾日我長期都咁肚餓架~~~成日都好想食野....已經俾人話我肥到爆炸....但係....我真係好想食野~~(尤其零食...).....扁咀中~~~~~~



好喇~~我終於都去左試北方館喇~~~~位於威尼斯人賭場旁邊1015鋪的北方館~都有條通道係不經賭場去到既~唔使擔心~係食川菜京菜滬菜的~~我去哥時係新年呢~超級多人去食~~~我就中午去食既~都等左大約半個鐘先有位~~可打去訂位~電話：8118 9980

內裏一貫食中菜的紅噹噹~

秘制手抓羊排 $148.....我估唔到係咁的~~(因為我少食川菜京菜之類的~)原來手抓係炸羊架咁既~~仲有少少孜然的香味~平時食到孜然味我會覺得似臭狐味的....但呢個又整得幾唔錯喎個味~~~花生也相當可口~~唯一要擔心的...係真係幾熱氣~~食完一舊個咀已腫腫地~但配啤酒同吃一流~

新彊大盤雞 $108....少少辣...仲有埋薯仔~好送飯~

京城酥皮蝦 $168.....蝦既質地麻麻...不過佢個汁好好味~酸酸甜甜的~五個人食~得我一個鐘意食~口味呢家野真係好奇怪的~

鮮肉小籠包 $48...比秀蘭貴~但秀蘭好食d~原因都係衰係個皮度~

鮮肉白菜餃 $48...呢個我覺得幾平喎~水餃大大粒~12隻先$48~而且都幾好味~

老北京炸醬麵 $70...ok~

陝西涼皮拌雞絲 $70....呢個好味呢~佢d餸都幾大個~又唔算貴~

抹茶鍋餅 $48.....豆沙鍋餅質感換上綠茶口味....對綠茶控來說是很新鮮的~~~~~其實不錯吃~不過多食會好漏呢~最好多人一齊分享~~~

拔絲香蕉/紅薯 $48...我地揀左一半一半~咁就兩樣都試到~~我第一次食~~~感覺好新奇~~~將拔絲香蕉/紅薯食前放入後面碗冰水度浸一浸~外面層糖就會變硬~咁食落就會外脆(糖)內軟(香蕉/紅薯)了~開頭估死一定係香蕉最好味~點知紅薯都唔錯喎~

總括黎講我覺得北方館d野食都唔錯~價錢唔算貴質素亦有番咁上下~份量都幾大添~難怪阿霆峰同發哥黎澳門拍賭場風雲時日日都係食北方館啦~~





2014/07/01的開心事：
我以為今日香港公眾假期我地會好忙~
但輕輕鬆鬆過了一天~~
(很羨慕香港的blog友有公眾假期放呢~~)



報時：距離沖繩陽光海灘海鮮自駕遊之旅2014仲有---87日~