吉隆坡慶生自由行之旅2014-04-18第一天Part 1(陰天酷熱)

今日比平時既星期一仲要多野做~不過因為噚日過左個好開心既星期日~歡樂氣氛得以延續~~~~~星期六：食左好耐無食既滿記~(因為無位泊車)...不過收得貴左同埋細碗左(粉又少左烤肉又少左...)...有少少失望..不過好彩keep到好味度~~~...->去超級市場準備星期日既節目~..->約左Karen同Lucinda佢地去食阜岐任食火鍋...又估唔到任食都幾唔錯喎~~牛肉同豬肉都好正~~...星期日：諗住食華星冰室既重口味湯底...點知又話賣哂...決定唔食走人~....最後食左附近既Pizza Hut~~...->星期六準備既野就係~~~~我地去左黑沙曬太陽~~~(下少少再詳講)->食左榮江~



2014/04/18
Day 1---Part 1(澳門 Macau->馬來西亞,吉隆坡 Malaysia,Kuala Lumpur)
哈哈~今次去旅行連一本書都無買過~~~~問左同事同diana借書黎睇....仲有上網搵下資料就算~~~~謝謝你們~

由於係復活節既關係~我諗住唔好咁遲出門口啦~我地大約9點3左右就到左澳門機場喇~好多謝毛寶車我同媽媽過機場呀~~~~~check好in就入禁區坐係度等~~我都有帶囉jer同炳門去架~~

第一次去馬來西亞~就係帶媽媽去~呢次去旅行係為左預祝娘親生日既~機票酒店食野都係我包~希望你玩得開開心心~(其實我地兩個似唔似呀XD)

今次揀左搭Air Asia~~因為佢係復活節之中算係最平既航空~原來想去4日3夜...點知見佢出左早一日番平一半...唔諗喇~~咁就3日兩夜啦~~~呢日我地搭10:45...AK183班機由澳門飛去馬來西亞既吉隆坡~~~~估佢唔到超準時地起飛~~~

澳門一起飛確係無咩野影~因為向海咁飛~

就算地面點落雨都好~最鐘意飛機飛上天後永遠見到藍天~

由於Air Asia係廉航...無野食又一早上機....去到吉隆坡又可能未必即時有野食...怕餓親阿媽...所以訂機票時訂埋飛機餐....上網訂有8折....呢個雞飯....$33mop....兩個字講哂：難食~

大約3小時50分左右就到左吉隆坡(Kuala Lumpur)喇~~~同澳門無時差的~~~到既時侯大約14:35...天氣好似麻麻咁喎~厚雲~

一落機.....華....好悶熱呀...我感受到我去到馬拉喇~~~行去入境大樓~我地哥時仲係用緊LCC呢個機場(廉航先去既機場)....而佢既國際機場叫KLIA....但係2014/05/08之後.....LCC就停用左.....佢地起左個新既航廈叫KLIA2.....連Air Asia都有得用新野~~~無喇~~用唔到新野添~~~~(因為哥個LCC真係舊得滯~)......一到入境大堂....等緊過關時....感覺上就係....d關員好hea....有個係最邊位...舉左手無旅客見到佢....於是佢就算數......唔做野.....咁都得?!?!?!(唯一可以一提係....入左境唔好行咁快....記得睇睇佢有無真係幫你吸到入境印!!!咩事我唔講喇....總之記得睇)



好喇~咁入左境就去攞行李同換錢...事前我係一蚊馬幣都無換過既~因為去過既表姐同我講係當地換抵d.....佢話機場個匯率都ok的....好彩行李出得都算快~跟住就有人"琴琴青"咁行去換錢喇~幾心急~(個機場係咪好舊呢~好羨慕有新機場用既人呢~)

出發之前都有諗住搭類似地鐵既物體出市區...但上網睇過人地既評語係：好唔方便!!....有d要轉兩次車先去到酒店之類....加上我研究左好耐.....其實吉隆坡既鐵路分有單軌火車(Monorall)同埋輕快鐵(Light Railway Transit)....由兩間唔同既公司經營....如果想轉線...有可能要行出個站...再去挵另一個站入番去轉線(聽友人講).....而且地鐵出市區票價(2人)係同的士(2人)差唔多的...咁唔使諗啦...



咁同媽媽一齊去梗係唔好要佢辛苦啦!!!一於搭的士出市區!!一出去就會見到呢個寫住Taxi & Budget Van既counter(舊機場咋~)....行埋去同佢講你既酒店名就ok...不過穩陣d去到岩既目的地我就印左酒店地址佢睇~

機場去到我地既酒店係RM74.30=185.8hkd(匯率因間講)

一行出機場經過Starbucks再行前少少就會見到呢d Budget Taxi~ 又幾舊喎~而且冷氣唔係好夠~不過就唔使煩~

真係一個鐘頭岩岩好~就黎到我地呢兩晚既酒店~Prince Serviced Apartment....地址：4 Jalan Conlay, Kuala Lumpur, 50450, Malaysia....電話：+60321708661....由於今次只係住兩晚....又想媽媽住得舒服d....所以都唔想搵d太平地點又唔方便既~見咁岩呢間booking.com有折嘛~見圖片同地理位置又幾唔錯~咁咪訂呢間囉~2晚1,647hkd....每晚823.5hkd....每人每晚411.8hkd~房內無wifi..得大堂有~

大堂幾大~原來我訂左呢間有hotel同apartment兩種的~

點知我4點左右去到.....仲未有房攞囉....................佢俾左張餐飲劵我上去佢個cafe度飲杯welcome drink.....不過無咩野可以叫.....(得咖啡茶...凍檸茶都無....我寧願快d有房好過)...但要講既係....佢要黎送啡哥塊曲奇異常好吃!!!(我平時不吃曲奇的!!)

我阿媽條褲好靚好玩味~



襯坐係度得閒望下係機場換既錢~個匯率係2.6....(即1RM=2.6hkd)....之後試過求其係街換就1RM=2.4hkd.....所以今次文中我會攞個平均數2.5黎計d價錢~(係街度換匯率好d~)

大約等左成大半個鐘先有房...5點先有房...一入房...華~又幾大喎~今次個廚房作用不大~

房就反而比較細~

望出窗外~對面係地盤...有d殺風景喇~不過都叫做斜斜地望到雙子塔既~~~wakakakaka~~(我呢d叫偷睇雙子塔~)

好喇~5點幾放低行李去個廁所就跑出去玩啦~~~~(最衰間酒店浪費左我個幾鐘啦!!!)......但係吉隆坡真係熱到飛起~~~~一行出酒店無冷氣既地方就熱到出哂汗....初時睇覺得酒店地理位置唔錯...因為對面就係吉隆坡既人氣商場Pavilion....點知原來係對住Pavilion既屁屁~過對面亦無馬路過去...係一條超急既行車路....得過天橋先過到去.....5點已經係咁塞車喇~~~

我地星期六去超市買左西瓜~~蓮霧~~
仲買左d薄荷葉~青檸~七喜~
自己係屋企再溝d Vodka~~懶係變做Mojito咁~~
仲有用保溫杯入哂冰呀~Cocktail呀咁去沙灘~
(超多個保溫杯~~不過保溫真係幾得~成個鐘d冰都無溶過~)
又買埋薯片之類去~~
毛寶就曬太陽~我就租左把太陽傘食生果飲Cocktail食薯片~
享受陣陣海風睇雜誌~(仲有狂搽防曬)
雖然中間發生左兩件掃興事......
不過....唉~算啦~
總之我有過很快樂的時光~
因為我覺得自己好似去左外國渡假咁~
(拿~一兩日我就得...日日係咁既行程真係唔得囉~)



2014/07/07的開心事：
哈哈~今日無飯食~
我以我既麥叔叔鐵腳豬柳蛋漢堡+兩隻脆香雞翼+一包細薯條=$24.5
食得好飽飽~~~~
即使我見到新既麥爆雞套餐...
我都不為所動!(原因係因為佢要成$4x...太貴~哈哈~)



報時：距離沖繩陽光海灘海鮮自駕遊之旅2014仲有---81日~