日本東京自由行之旅2014-06-23第二天Part 1(晴天及後轉陰)

雖然今日都有幾多野做...又有少少麻煩野....但係都係準時放工了~~~好感恩~~~~~無啦啦聽日有節目~~~~臨時今日諗架~~我又幾乖呀~~~我出街食飯呀~~~特登跑番黎出左blog先架~~~~番黎再覆留言同去大家度呀~



2014-06-23
Day 2---Part 1(日本,東京 Japan,Tokyo)
咦~呢日睇日本既天氣報告話陰天後轉雨架~~點解咁好太陽既~~~~好啦~在晴朗的一天出發~

我地自己有帶到自己之前哥張Suica卡呀~所以先增值~~

增值唔難的~~放張卡入去左邊黑色哥度....之後係螢幕揀要增幾錢~入紙幣係中間~(都可以找番紙幣的~幾方便~~~)...同埋有英文睇的~唔使驚~~不過咁簡單就費事轉英文黎睇~(好氣餡~)...我地次次都係1,000円=76.6hkd咁增值~

係池袋駅都幾方便架~除左JR可以搭到之外~仲有東京Metro~我之前就上網睇哂地圖...睇下去既地方個站係近JR站多定Metro站多就決定搭邊樣~而且Metro有d站又真係JR無的~仲可以上佢個網打出發地同目的地...咁佢就會教你搭邊條線...邊個站轉車~詳情請睇佢地既網址....而且Suica卡都可以用於Metro和JR~不過Metro d站呀...車廂就比JR舊囉~

我地係池袋就搭丸之內線(向荻窪方向)....大約18分鐘左右就到左銀座駅(Ginza)喇~~我地本身係想食竹葉亭呢間米芝蓮一星鰻魚飯(我好愛鰻魚飯)...點知...去到佢A5出口既分店.................裝修無開............而本店呢就有古色古香裝修....雖然我識行去...但係起碼要行20分鐘先到...唉....放棄了~

咁算啦~求其跑入去三越~~佢11..12樓好似全部都係餐廳~(好似時代廣場咁~)...咁多餐廳求其揀一間試下啦~~撞下手神都好呀~毛寶揀左呢間~估佢唔到揀呢間~諗一萬次都估唔到佢揀呢間~~~~~~~~~~

11點左右~唔算多人~~~~~裝修簡潔~~好光猛~~而且很貼心的有中文餐牌~~唔使驚唔知自己叫左咩~~~~

木枱真係影咩都好睇~要隆重推介佢個菜甫!!!!!!!堅秋好食!!!!!超級惹味!!!!勁好送飯!!!!!(毛寶對菜甫完全不起勁...失望...呢樣可能係我同你係食物上既唯一分歧......講到好嚴重咁~~~~)

叫左野食佢就放低左呢3樣野喇~聰明的朋友應該知呢間餐廳食咩啦~~~~~~呢個醬係原味.....枱面有擺住有辣味的~

連醬既餐具都咁用心~



手工制冷豆腐....371円(稅拔)=29.2hkd.....估唔到個形狀係咁架~~~~滑度係唔係幾夠的...但係真係好香豆味!!加薑同蔥同豉油同吃....口味唔錯呀下~~

跟住黎沙律~~超級大碗~~好似唔使錢咁~~好新鮮~~加埋佢d沙律醬一齊食~~~清新~好味~(唔知係個個都有定跟餐既呢?)

毛寶的茶泡煎豬排飯套餐....1,666円(稅拔)=127.6hkd....好靚呀個餐~~~有邊個估到毛寶話要食炸豬扒喎~~~不過由於係鐵板上既炸豬扒我覺得有點過熟!!!

其實佢重點係想食茶泡飯~~~~~佢食得好津津有味~~~好養生呢~~

我叫既係腐皮卷時蔬卷炸蝦組合套餐....1,666円(稅拔)=127.6hkd.....我成日叫d餐都好有氣勢!!!!!佢d醬瓜好好吃呢~~~(哀c~~~)

呢個炸時蔬真係唔錯喎~左邊係類似淮山絲蘿蔔絲炸成的~口感唔錯~....中間係腐皮包住南瓜~無諗過咁食~但都幾好食~右上係炸蝦餅~~呢個好好味喎~~蝦餅彈彈的~...仲有右下細細粒既係炸蕃茄~~~~除左平時點開既炸豬扒汁外~仲有碟上呢個酸酸地既汁~同埋綠茶鹽和和咖哩鹽~

漂亮的和風餐具總係令人食得特別開心~~~

哥時既髮型又幾好睇喎~依家成隻長毛狗咁:P...寶...你幾時理下我個頭呀~~~~原來我係去日本前剪過~到依家成個月無剪過頭髮喇~~~唔怪得啦~~





2014/07/25的開心事：
就係!!!!!!今日臨急臨忙決定的!!!
我聽日要黎香港呀~~~~
因為有d野做~~~~
急急腳決定的~~~
咦~~~有d開心添~~又可以過香港食野~~
係呢......有邊個可以話我知....
香港邊度有德國隊波衫買呀~~~~~~~~~~



報時：距離沖繩陽光海灘海鮮自駕遊之旅2014仲有---63日~