澳洲探險自由行之旅2014-04-04第十四天Part 4(陰天及小雨)

今日算係無風又無浪....順行收工...不過我呢個禮拜個頭都係赤下赤下...隻眼扯住扯住痛咁....頂住呀~~~~就黎去旅行架喇~~~~~



2014/04/04
Day 14---Part 4(悉尼 Sydney)
去完水族館開始落微微雨~梗係打的番民宿啦~水族館番民宿AUD8.50=59.5hkd~抵~番民宿坐左陣攞埋傘再出去搵食~中午餐馬拉野唔得~~依家去搵下午茶~去左World Square入面間Nando's買燒雞食~Diana推介的~地址：680 George Street, Lower Ground Level, World Square Shopping Centre, Sydney, NSW 2000, Australia....電話：+61-2-9283-6444....網址...但我地無係哥度食呀~買外賣番民宿食~

外賣盒好似雞蛋盒咁既質地~有趣~佢有得揀味~有咩BBQ呀...檸檬香草呀...或者揀唔同程度既辣~~不過原來同隻雞點燒法無關~因為d汁好似茄汁咁俾你點既~我去馬來西亞時都見到呢間~

我地叫左一隻雞4份食....Whole Chicken既價錢係AUD18.45=129.2hkd.......一吃......驚為天人!!!!!好好吃的燒雞呢!!!!!外皮燒得香脆....但肉還是嫩嫩的!!!有汁的!!!真係好好味!!!最buy呢隻雞哥個係神秘團友...佢常常說念念不忘呢隻雞!!

哈哈~我地又飲啤酒送雞~

仲買左雪糕三文治同雪條番去吃~呢個牌子好味~但我記得唔平....要成30幾hkd一個~不過算啦~去旅行~好食就好~

俾番大家睇~呢日係動物園俾AUD35=245hkd影既熊貓相喇~每人有一幅團體照~單獨照每人3張~仲有張證書~相質是很差的....但每人先60幾hkd....咁就唔好計咁多喇~重點係仲可以用自己相機影喎~

仲有呀~~~我就係買左呢個樹熊俾小公子喇~~~係咪好襯佢咁天然呆呀~~~~又唔貴~好似140hkd左右~

夜晚食飯揀番之前話好好味哥間泰餐encore~我的Longan Juice同毛寶的Coconut Juice....各AUD4.50=31.7hkd....椰青哥個好好飲~我哥個麻麻~

叫左個Som Tum Pu....AUD14.50=101.5hkd....d沙律係幾好味...但有落埋生蟹我唔係好敢食......因為d蟹個樣好似我以前細個去踩單車...係路中見到食垃圾哥d蟹~

以下叫哥d就同之前哥次既野食差唔多~唔再逐樣仲紹喇~想睇番詳細介紹同埋價錢就按我....但唔知點解我地都覺得上一次好食d~(唔知係咪因為食完燒雞太飽呢~~~)

最尾一晚喇~要去試埋Diana推介的朱古力甜品專門店食個飯後甜品先~Max Brenner....地址：Level 6, Westfield Shopping Centre, Corner Pitt Street Mall & Market Street, Sydney (Westfield Sydney), NSW 2000, Australia....電話：+61-2-9238-0022....網址...我見日本都有~

Diana話佢d朱古力好好飲的~所以我叫左Hot Dark Chocolate(Served with Hug Mug)....AUD5.50=38.5hkd...又真係幾好飲喎~

還有一個Diana說必試的Chocolate Dip....AUD8.50=59.5hkd.....wow~真係好好味呀!!!佢d朱古力好滑好香濃~~~~配有少少酸的士多啤梨...很好的味覺體驗呢~~~~~

(大家都知我平時唔係幾鐘意食朱古力架啦~)



Banana Praline Crepes....AUD15.50=108.5hkd....呢個外觀認真麻麻....但係食起黎又幾好食喎!!

跟住食食下...見到隔離枱班亞裔後生仔女飲緊樣外表好cool既野!!!!研究左好耐....呢杯野叫Suckao....AUD6.50=45.5hkd.....係自己調較你自己杯朱古力奶既奶和朱古力比例的!!!!!好想試呀.....但我已經飲左一杯喇喎.....er...去旅行....肥就肥啦!!!!!!!!!!哈哈~~

哈哈~~又真係幾好玩喎~又真係幾好飲喎~奶可以再加的~如果係同朋友傾計飲真係唔錯~可以慢慢飲~~~~支搞搞棒可以當飲管飲的~

個故事既最後....就係因為我一晚飲左兩杯朱古力太燥.....生左好多粒暗瘡出黎~(抵你架)



聽日就出最後一篇澳洲blog了~
不捨~






2014/06/18的開心事：
我噚晚已經入緊d洗頭水呀~
洗面哥d去旅行野~
心情已在生花中~



報時：距離日本東京自由行之旅2014仲有---3日~
報時：距離沖繩陽光海灘海鮮自駕遊之旅2014仲有---100日~
今次去東京係香港飛~又有衝上雲霄既感覺喇~
不過今次搭唔到機場船呀~~~
要係碼頭坐巴士去機場~~~~