澳洲探險自由行之旅2014-04-04第十四天Part 1(陰天及小雨)

我噚晚終於早番dd咁多多訓喇~原因就係因為烈火雄心做完~而世界盃又開波~暫時未有新劇做~咁我就可以安心早d訓~今日中午同左chlo子同麻甩仔中午去飲茶~好開心~但係中午無訓下午覺成個人下午都好迷糊~今個星期五晚無街出~媽媽下午同佢d fd友去左食pizza hut下午茶~自己食到六點幾先走順便自己唔使食飯喎....跟手買埋個細批+6隻雞翼俾我做晚飯....阿媽..你好慳水好環保呀~~~~



2014/04/04
Day 14---Part 1(悉尼 Sydney)
玩埋呢日第二日就要番澳門喇~~~嗚嗚~~~不捨~~早餐食番之前哥晚d韓國野~咁早就咁刺激~

今日要去既係Sydney Wildlife World...我地咁懶梗係搭的士去啦~~~由民宿坐黎呢度用左AUD11=77hkd....每人20hkd都唔使~費事行又費事搵路~地址：Aquarium Pier, Darling Harbour, Sydney, New South Wales, Australia.....電話：+61-2-9333-9288....網址...

講講票價先....如果walk in買飛既話就Single Entry要成AUD40=280hkd....好貴!!!如果See Two Attractions(其他Attractions包括Sydney Aquarium..Madame Tussauds..Sydney Tower Eye..Manly Sea Life)就walk in價AUD60=420hkd...每個210hkd....咁我黎之前上過官網睇....網上買入價Two Attractons係AUD54=378hkd..每個189hkd.........但原來最抵的買飛方法係.....係唐人街d旅行社買~~~~我地哥日買鮑魚時順便買埋的~哥間旅行社叫三聯旅行社...地址：A/ Shop A, Ground Floor, 388 Sussex Street, Sydney, NSW 2000, Australia....電話：+61-2-9264-6832.....其實佢有好多旅行社的..我地事但撞入一間.....唐人街Two Attractions價AUD46=322hkd~~每個161hkd~

佢哥日俾左張單我地...叫我地去到換飛....但係搞左好耐~~~應該唔會係第一次做呢d啦~~~好彩唔趕時間~個職員又有禮貌~好喇~換左飛可以入去喇~

一入去...佢俾我既感覺就係...唔方大得去邊~第一part好似係熱帶雨林既動物...呢區好熱....條蛇好濕呀~

喂~你係咩黎架~做咩望我鏡頭呀~

成個熱帶雨林區我最鐘意睇佢地~吸住塊玻璃好得意呀~~

係咪咁八呀你地~

又黎無聊~

咦~呢隻小魔怪~我地係塔斯曼尼亞成日都見到佢架~不過我地見既....係佢公路旁俾車輾死既同胞.....今次見到活生生的Tasmanian Devil呀!!!!

聽講佢既叫聲好尖~成隻魔鬼咁~所以才叫Tasmanian Devil吧~

呢隻衰野超難影!!!!行得超快速的!!!



行過少少....望上去~~咦!!!係我最想睇既樹熊呀!!!考拉呀!!!Koala呀!!!

行過少少望下你先...超遠...要zoom埋去影的~幾靚仔喎你又~~唉...咁遠咋..無得親親架~

華~隻袋鼠咁趣怪既~原來呢d叫沙袋鼠~

坐到成個人咁~~

又係只能隔住玻璃看~~~慘慘~~我見我同事係Tasmania個動物園係可以同袋鼠玩的~好懶呀佢地~~

呢張毛寶影得好好呀~~~影到好似小女孩同緊袋鼠玩緊咁~個小朋友同袋鼠仔都好得意~~~~~

下~~~真係有d咁高既袋鼠架~~~我好想睇下呀!!!

很大條鱷魚!!!好核突~~好恐怖...

hi~你條緊衫好靚呀~

睇到黎呢度...我覺得係無咩野睇的....................



之後行到一個地方....見到有Outback Adventure Show....仲請d遊客同條蛇影相~~巧恐怖~~~我先唔會影...咁見到有個叫Koala Keeper Talk....心諗：會唔會好似呢個咁近?!?!...我要去親親樹熊~於是就跟指示去搵親親樹熊既地方喇~

話咁快世界盃又黎了~
記得上一個世界盃我仲同老豆一路睇一路食薯片~
不過賽事睇到一半佢就走左~
淨低我一個睇決賽了..........
都係同老豆一齊睇波最開心~
因為佢成日睇睇下波會爆肚笑d球員~
阿媽就會做阿四幫我地添薯片~
今屆世界盃無左你.....我決定淨係睇決賽算喇..
原因係：南美洲既時間差太遠了~~~
都係唔好捱夜睇波喇~~~~我驚我訓著~



2014/06/13的開心事：
成日都係咁架...原來我都諗唔起架...
成日都係睇fb先會知...
原來今日係黑色星期五!!!
我覺得本身可能無咩野架...
但係一知係Black Friday就硬係覺得有野..
d人可唔可以唔好一大早就係fb講呢日係黑色星期五呢?
好彩今日無俾佢影響~
d籌鬆左之餘~仲準時收工~



報時：距離日本東京自由行之旅2014仲有---8日~
我噚晚都有好努力咁行地圖實景~
因為到時想唔睇地圖都識點行~
hehe~唔知得唔得呢~