澳洲探險自由行之旅2014-04-04第十四天Part 3(陰天及小雨)

今日好多野做呀~~~仲俾個超衰既男人狂窒我...咁我幫佢小朋友做緊手續....一入黎小朋友已經不停狂喊...扭黎扭去...咁做某一手續時因為佢喊到癲左完全做唔到..我都好有心機氹個小朋友....佢阿媽都不停安慰佢...咁我同爸爸講：爸爸有無帶d咩小朋友食開既零食呀...或者野玩黎呀??如果有你攞俾我幫你引下佢......點知佢話：無喎...你個器材可唔可以攞去第度做?如果係去我屋企做就得....如果唔係無任何野氹到佢.............跟住佢老婆話：你咪講野啦...人地做緊野架...講埋d無謂野........仲唔夠喎仲講：唔知點解你地要做呢個步驟.....簡直係自己玩死自己.............跟住繑埋雙手企埋一邊無幫手....er...阿生....你發咩瘟呀??!?......小朋友唔識野...以為打針所以喊我唔怪佢...佢細個嘛....而媽媽亦有盡力幫忙.....反觀個阿爸唔幫手不特上....仲要串到d工作人員飛起....就算係喇...我地器材唔掂喇...咁我都有盡力幫助你做啦...我又唔係發脾氣鬧小朋友....我地做既野有根有據....而做既野我做之餘...你既然上得黎做都要雙方配合架.........如果真係因為咁做唔到都係因為你唔配合...唔係我地唔想幫你......哥刻我真係無再駁佢咀...唔係我諗唔到點駁...係我覺得佢係度無理取鬧同情緒失常緊....再駁佢只會再搵其他野講...不如快d送走個瘟神好過~有時d野唔係因為你把口好叻嬴左人人地唔夠你講.....係因為人地當緊你係傻佬咁睇咋.....d咁既男人......其實去到邊都係發唔到圍....得把口....無大將之風亦無容人之量.......hehe~~~



2014/04/04
Day 14---Part 3(悉尼 Sydney)
食飽飽咁我地就去左Sudney Wildlife World隔離既Sydney Aquarium...因為買兩個entry會抵d~地址：Aquarium Pier, Darling Houbour, Sydney, New South Wales...電話：+61-2-8251-7800.....網址..

本身就無咩期望架喇....見旅遊書有介紹咪去下囉~有兩本旅遊書都講到必去哥隻....第一張圖係睇海馬既....佢成個玻璃球咁凸出黎的~咁放大左就容易d睇到~不過重點想影既....其實係d中文：新春賞海馬  馬年福自來........你好野!

成個館我諗我最開心係見到Little Penguin..唔知呢....我其實幾鐘意睇企鵝的(尤其睇哥d佢地行路成日x街d紀錄片...好好笑的XD)

喂~~~~~呢條就叫海底隧道喇~~~~~~~唔係呀下~~~~好長呀~~~~~~~仲要無咩野睇喎~

成個海底隧道最吸引我既...就係呢條海牛(係咪呀?)...睇見佢食生菜個樣就得意~原來...佢就係美人魚喎..................人地好鐘意小魚仙架~~~~~以~~~~~~~~

從下面睇佢....更靚仔~~~

行到上2樓就見到頭先海底隧道既頂~工作人員餵緊海牛中~

點先~真係好少野睇.....淨係記得不停的上上落落斜路....

有d可以掂下海洋生物的小水池...可以掂但不可拎起佢地

救命...好似蜘蛛...我唔敢掂~

毛寶你好野~



個職員好似話呢d係鯊魚既蛋.....但你知啦..我記性咁好都唔知有無記錯~~~~~

最勁我覺得算係呢個上下左右都係玻璃既小通道!!

其實佢個水族館真係細到無朋友....種類也很小......實在100個巴仙唔推介人去.......海洋公園會比較多野睇~~~~~~搞到人地好想去沖繩同杜拜的水族館看看~如果去悉尼旅行....呢個水族館真係唔去都擺就~~其實隔離個動物園唔係去影樹熊既話我都唔推介~~~

2014/06/17的開心事：
最開心梗係我一講：今日呀!!有個xx衰x呀!!!...既時候
你聽都未聽就：邊個!!邊個咁衰!!
hehe~



報時：距離日本東京自由行之旅2014仲有---4日~
報時：距離沖繩陽光海灘海鮮自駕遊之旅2014仲有---101日~
係啦~我噚日唔應該咁無病呻吟~
係我唔岩~