法國食遊記2012-10-28第十三天(晴天)

噚日好攰好攰….所以我自己都乖早早地跑上床訓架啦…..我仲覺得自己會訓得好快訓得好深層睡眠哥隻……….點知碌左個幾兩個鐘都訓唔著!!!!!!激死我…仲要狂醒…..咩事先…..我唔甘心我咁乖去早訓但訓唔到…今朝又係唔夠訓咁起身…….加上肚痛之如此類…..成個人都好忟!!!!!!!!!!!!!!!!!!!!!!!!!!!我唔明…我今朝洗完頭吹頭熱到成個身出哂汗囉…..好似夏天咁熱呀今日真係!!!



2012-10-28
Day 13(法國里昂Lyon->巴黎Paris)
起身~訓左成十個鐘有多~精神爽利~由於呢日搭兩點幾TGV番巴黎~所以都無咩諗住再去行景點~去番之前哥間商場食飯算…..媽媽就話好想去食番之前哥日間意大利餐~好囉~唔使排隊~食囉~(呢間野中午十二點半後超級多人排!!!!!)

wakakak~呢日兩母女忍唔住~~~終於叫左個pizza試下啦~~~叫左Mare e Monti(€14.5=145hkd)跟前菜或甜品…..點知呢….原來佢個餅底超薄呢~~~所以不會食得太吃力~~唔怪得d法國美女一人一個啦~~超好吃呀!!!

仲叫左個類似牛肉燴長通粉既物體Boeuf au Chianti(€15.5=155hkd)跟前菜或甜品….華….一黎到…超級超級的細囉..我同媽媽O哂咀~~成150蚊喎~~~不過不過真係真係好好味囉~~~佢d牛肉整得好淋好好味~~~~~難以形容~~

媽媽加錢轉左呢個甜品~夠哂多姿多采呀~

我就叫左個tiramisu囉~不過我覺得唔好食!!

成餐飯食左€34=340hkd~ok喎~

今次黎里昂無咩行到景點(係直頭無)….係咁行黎行去….又凍又剩……算啦…下次再黎過啦…..之後先知原來我地哥日係里昂係得2度囉!!!唔怪得咁凍啦!!好彩媽媽無凍親咋~

拜拜里昂~呢程搭first class~因為有優惠~同second class一樣價~不過可惜…無野食的~仲無查過飛!!!!又兩個鐘多少少就番到巴黎lu~番到去四點幾…一落車發現巴黎天氣極好~藍天~暖和~



番到酒店(又住番同一間novotel)……坐一陣就出去食野~搭地鐵去到Bastille站….一出8號出口….左面就會見到我地想食既Leon喇~~(其實兜左成個巴士底廣場成個圈搵左好一陣先知係8號出口)

唔知有無人記得我地之前黎巴黎時都有食過Leon呢??不過唔係Bastille呢間~係Chatelet哥間~



今次我醒呀!!!!上次睇唔到呀……又係睇緊食咩餐既時候….睇到餐牌右下角有個公仔呀…原來有個Unlimited Mussels!!!!!!!!!!!!!€17.6=176hkd…….青口薯條可以任食!!!仲有個甜品添呀!!!!!!!!!!!!!!!!(不過淨係星期日既晚餐先有!!)咁岩線係星期日…唔係唔食下嘛!!!

叫杯酒嘆嘆先~希望明日搞蘇州屎順利~cheers~

華~~我同媽媽每人食左兩盤呀!!!!一個食原味~~一個食忌廉味的~~~好好好好好好味呀~~我見隔離位個男人食左四盤囉!!!!!!!!青口肉嫩嫩的!!!真好吃!!!!!!!!!

甜品要了新鮮菠蘿呢~真清新~

巴士底廣場(Place de la Bastille)~上次黎係落雨的~~今次影番個晴天夜景補數~

我好似無係度講過….
本身媽媽今年生日我又諗住同佢去一個短短的自遊行…
3~4天左右…….首選是泰國的….
點知…….因為係諗住復活節去既關係…
加d附加費呀機場稅呀燃油附加費之後…
一個人去3日泰國索價4000hkd囉!!!!!!!!
點去??????
最後放棄了………咁我寧願食好d算喇..
後尾我訂左一間香港日本餐廳既放題…
我自認為間野好勁….所以我已在期待中~~~



係呢…
我其實唔係好明…..
去澳門既國際大酒店要人講英文都算….
點解要我講普通話呢???
開係澳門喎???我係客仲要就番你d員工講普通話?????
(我係員工時又要就番d客講普通話喎???)
連我噚日去醫院覆診……
個醫生都係講普通話????公立醫院喎?????
可能將來有機會迪迪尼開係澳門…
我同米老屎溝通…可能都係要講普通話~

倒數：距離台北喪食之旅仲有—-36天好咯~~~對可以食好野~
又近了一天咯~~