和媽媽去永利軒嘆茶~

呢兩日既工作簡直可以用半死不活黎形容都不為過……超~勁~攰~囉~癲架….今日d客個個都好似超賴皮….死賴爛賴……浪費我做其他野既時間….傻架……….噚日….唉…又去左殯儀館走左一轉….伯娘既媽媽唔係度…..我係農曆正月…..去左三次喇….希望不好的事好好過去!!!!!!!!本身噚晚番到屋企都諗住寫下blog….但實在係太攰太攰…..沖完涼….一條死魚咁撻左落梳化度….就俾on call 36小時吸左入去……………………..哈哈~所以懶左一日~~~~



某天….好乖女帶媽媽去飲茶~因為媽媽未試過永利酒店既永利軒~所以請佢去嘆下茶~





最吸引既原因係：佢有個158蚊既套餐~~你可以係呢個餐牌度任揀六個點心~~~

酒店喎~~~158蚊六個點心即係….平均26.3一個….出面d酒樓都唔得啦~~



哥日同媽媽book左位~~所以有得坐卡位~~坐得超舒服~環境又好~




唔會話因為你叫套餐既點心就差d~佢d點心真係好有保證~~我諗我係呢個blog大大話讚左佢三次~~~無論係炸既定蒸既點心都係咁好~~!

個咸水角係另叫既~~因為媽媽想食但套餐內無~



好好味的蒸蘿蔔糕~~仲有腸粉~

呢個甜品係：冰花紅棗燉鮮百合蘆薈~~好好吃呀~~




d點心真係唔錯唔錯架~~又唔貴喎~~重點係佢個套餐餐牌會時時轉~所以唔使驚食到悶~~不過記得去飲茶要訂位….因為哥度任何時間都好爆~要等超耐位~~




唉呀….
好驚呀~~
聽日…..
就要進行我人生日第一次洗牙~~~
根據blog友miss k話齋：人生人第一次洗牙?!unbelievable~
哈哈..
我真係未洗過…..完全唔知有d咁既事~~
我其實有10幾年未睇過牙醫喇..
依家都有d驚驚地~~
聽日洗完番黎同大家分享下呀
(應該都唔使同大家分享啦~全世界得我一個未洗過之嘛~)



yoho~
今日有人問我：你睇唔睇梁靜茹演唱會?
仲俾飛我呀~
多謝哂~唔洗錢喎~
梗係睇啦~
多謝阿bean~



噚日係公司有個人話我：點解你又好似瘦左咁既?
我：無呀…邊有呀…
另一個同事又話我：唔係喎…我覺得你真係好似又瘦左喎..
夜晚見到姑媽佢又話：華….咩事呀你做咩瘦左咁多呀?
我：下….邊有呀??
姑媽：你唔係唔食野呀下…
我：梗係唔係啦(其實中午哥時我仲食左兩條炸春卷兩粒馬介休球兩隻咖哩角)
為左回應訴求…
我今晚….食左兩碗飯~



報時：距離日本東京血拼美食之旅仲有—-17日~
報時：距離台北吃吃吃之旅仲有—-43日~
報時：距離法國瑞士塵世美之旅仲有—-86日~
好驚呀~~~~~
原來仲有兩個禮拜度就會去日本喇~~~
本身之前仲有d yen既…諗住話唔再換~~(d yen係之前7.8兌換率換架….超耐之前..)
點知見佢跌到10….好啦~~換多4000蚊啦~
之後見佢跌到9.76….又忍唔住~~換多4000蚊~
我….要忍手喇…….
大家明白我點解呢期咁窮啦..
真係窮得連一包鹽酥雞都買唔到~