毛寶生日會@貝隆 Belon Steakhouse & Oyster Bar 2011

噢…..今日做野又係做到死死下…..不過好彩今日心情好番d~~如果唔係都幾難應付~星期五有一個親愛的係北區番黎我地哥邊….但係又有另外一個親愛的由我地哥邊出北區….真係有得必有失……..本來今晚要出街同一個好耐無見既媽媽舊同事食飯…佢係新加坡番左黎…….點知佢唔得閒囉…但又訂哂野….局住又要出去食….sad呀…所以今晚提早出blog~



大朋友生日喎~又咁慘生日打風喎~點可以唔補番餐好味生日飯俾佢呢?~於是我改左第二日再同佢去食過~位於銀河裏面間Banyan Tree既一間新開既餐廳…叫貝隆Belon….想黎呢度食既原因係因為毛寶成日話想食生蠔~咁生日梗係要實現下佢既願望啦~咁上網搵得呢間餐廳係靚靚地~又係steakhouse and oyster bar~咁就一於試下啦~

一入去~環境攞滿分~成間餐廳哥種白色~靚呀~

哥晚我地有訂位~不過現場所見….人就真係無乜……一坐低…就發現…..點解張櫈坐得一d都唔舒服架?!黎到呢d咁高級既餐廳….我認為首先將櫈要坐得舒服卦…唔係點享受成餐飯???好似唔夠位俾我坐咁….(我要求過高?)

本身諗住叫兩杯香檳開心下~(兩個香檳愛好者~)…不過佢既welcome drink竟然係一大杯紅酒….咁唯有飲得唔好浪費~

慢慢研究個餐牌(事實上我地真係睇左好耐….)….因為一打開…其實選擇非常之少……揀黎揀去唔知食咩好……

最有驚喜係：一打開個餐牌….佢識著燈囉~好勁呀~

第二個驚喜係：佢話由於之前幾日打風…..所以呢幾日都係無船番….唔使旨意有生蠔食………..聽完當堂覺得被騙了………



由於真係睇黎睇去都唔知食咩好…..適逢係國慶黃金週…有個套餐推出….價值898per person….見佢有前菜湯主菜又甜品咁…於是叫左一個….另外再叫其他野食~去呢類餐廳食飯我都好重視食麵包同牛油呢個環節…不過可惜呢度既麵包同牛油都係麻麻地~

呢個係送既小食….話實在…幾好食~一舊炸唔知咩~上面有d魚子醬…好好味~

套餐海鮮盤：第一道係海鮮盤~~哈哈~望落好吸引~

記住呢個套餐我地係叫左一人架咋~



俾個左面同右面大家睇睇先~佢d海鮮唔錯唔錯~青口蜆帶子同魚子醬真係唔錯唔錯~蝦同蟹就普通野~

帶子真係好好味~

套餐餐湯：龍蝦湯~食完海鮮盤之後經理就行出黎為我整龍蝦湯~套餐裏面有一個龍蝦湯~由於寶寶鐘意飲湯於是另外再叫多個~

都唔係第一次睇煮龍蝦湯….明知佢倒酒會有火…..但都係俾佢嚇一嚇…搞到我手到震~



都叫做有幾大隻既龍蝦鉗~龍蝦湯既味道真係幾唔錯~好似好有干邑既味咁~

套餐前菜：我無記錯好似係煙鴨胸配鵝肝~鵝肝不嬲都鐘意食~不過好彩係兩個人食…因為一個人食呢個前茶…我會覺得….好漏~不過呢個都唔錯~

呢個主菜係另外叫既…澳洲牛柳….五成熟…..可以話….成舊柴咁….我唔信五成熟會搞成咁…….我應該發難要佢換……但係…唔知點解我無咁做……可惜和失敗…牛味又唔係突出……肉質又唔好…我寧願食金爵好過……

我都係比較欣賞呢個為主菜加調味料既車~有好多種鹽~芥末之類之類~吸引我望左超耐~

套餐主菜：阿拉斯加巨蟹配銀鱈魚柳~~不過….蟹肉原來只係得一小pat…..不過鱈魚柳又真係煎得幾好食~

套餐甜品：雲呢嗱疏乎厘~~味道同賣相攞滿分呀~~~~~~~~~~好好味~

套餐飲品：叫左茶飲…因為我唔飲咖啡….同埋好飽要消滯~

華~~d糖係埋搞搞棒度好靚呀~

當時..我有諗過………就咁食….為免太失禮…無做……



套餐內配茶食既法式曲奇朱古力~好味~

埋單….16xx……係我預料內既價錢…..不過我無預料呢個價錢係無蠔食…….係…佢d海鮮…前菜…小食…龍蝦湯….甜品都好好味….套餐其實係抵食同多野食又一次過試哂佢d招牌野…………但係大佬呀…..你叫得做steakhouse & oyster bar…….生蠔你又話無貨…..舊牛你又煎成咁…….好難叫我再黎喎…………..不過環境好係幾好…服務都好殷勤….不過好少人去….靜到好似我講咩都聽到…….可能我少去呢類咁高級既地方…..好唔自在……..叫做試過下…..但要等到有人同我講佢舊牛好好食好好食(仲要佢拍哂心口講)…..d生蠔款式超多又新鮮我先會再去……….如果唔係…等如dum錢落鹹水海…..呢個係我為大家作出既評語…去唔去自己諗………………….不過同寶寶一齊食飯都係開心既~





今日係每四年先一潤既2月29日呢~
祝4年先生日一次既布志綸：生日快樂~
睇雜誌話其他樂隊隊員話佢好認真…
每年2月28日約佢出黎慶祝生日都唔出..
話唔係佢生日喎~
咁今日布志綸可以盡情慶祝了~



今日有個阿姨帶佢地哥兩個囡黎辦野….仲有佢老公…
佢老公係台灣人……
我同佢講左一輪野…有d野講左好多次…
佢都好似唔係好明…
於是我忍唔住問…
我：你係咪唔係幾聽得明廣東話?我可以同你講普通話喎
阿姨：唔係喎我聽得明….
(我咪吹佢唔脹繼續同佢講廣東話….但我講過佢又再問…之後同佢對個囡d資料我已經盡量講得慢d…..對對下佢突然間自己睇到張表格上寫左..)
阿姨：你做咩寫佢地兩個係中國藉呀?佢地台灣人黎架喎…(無禮貌地)
我：(極度反感)下…..台灣人….台灣人咪都係中國人中國藉囉…我未聽過有人係台灣藉喎….(我扮傻反問佢..)乜台灣唔係中國既咩?係一個獨立國家咩?
阿姨：er…下…係咩…
我：(隨手打開佢老公本台灣護照俾佢睇)你自己睇下….你老公本台灣護照都係寫中國藉喎….國藉哥欄係寫：Republic of China喎…..
(阿姨之後唔敢再出聲……我無咩想分化大家…我唔作評論喇…自己諗到咩就咩啦…)



報時：距離日本東京血拼美食之旅仲有—-10日~
報時：距離台北吃吃吃之旅仲有—-36日~
報時：距離法國瑞士塵世美之旅仲有—-79日~