毛寶生日會@秀蘭小館2011

噚晚臨訓有d頭仔痛…….少少痛諗住唔食藥就咁訓…….今朝起身的確係無咩野….打哂關斗咁去番工~~~~點知番左個幾鐘頭個頭又開始痛…今個禮拜係我地四神合體既最後一個禮拜…去左安琪兒食飯…..食完飯番公司食左粒藥……成個下晝做野個頭都係fing fing下….超暈…狂作嘔……….到放工先好番少少……搞到去到麥當勞我都試唔到新出哥個咩隊長漢堡?唔記得係咪叫呢個名……到依家我都無胃口….成晚都無食過晚飯……希望聽日會好番啦….周末先頭痛好慘架~!



先黎一張~七公子既帥氣大合照送俾大家~今日我地係為毛寶小朋友慶祝生日呀~

時為舊年9月尾~哈哈~




我地又黎到置地酒店我最愛既上海餐館…秀蘭小館喇~~今次食左好多野~~手撕雞海蜇醉雞皮蛋豆腐賽磅蟹生菜包炒肉鬆~~全部都好好味架~~

小籠包~小籠包~我最鐘意秀蘭個小籠包~

皮薄~肉嫩~多汁~



仲有仲有我超喜愛吃的片皮鴨呀~~~

我地阿毛寶三公子生日話要d公子整手工俾佢喎…..當我諗住出去攞我整既蛋糕俾佢時…我同佢講：我同杯出去廁所….呢個時候佢就好似踢爆d騙徒咁：我地間房咪有廁所囉….頂~~~~唯有死死地氣行出去攞…..硬係人地俾驚喜你唔得既!!係要踢爆我既~於是我就推住呢個蛋糕一路唱生日歌行入去喇~

er…..我都知我整呢個蛋糕係….全世界最醜既蛋糕黎既…不過…..裏面包含左我既心意….希望你收到啦~~~味道….下次再改進啦~~

呢次係我第三次整生日蛋糕俾你~希望我整既呢個蛋糕…..令係許既願特別靈啦~

不過都好多謝你話我個蛋糕係全世界最好味~

好~介紹下其他公子送既禮物先~呢個係麥公子整既曲奇餅生日卡~好有創意呀~

杯公子送既係一個ukulele~加佢彈既一曲生日快樂~wa~好窩心呀~

凱公子送既傳統手制壽字生日卡~

貞公子送的小小生日蛋糕~

朗公子既閃爆生日卡~~

呢個係我特別加送既手制相簿…仲帶埋fuji相機…當場幫佢同公子們既合照…作為佢26歲既其中一個回憶~

不過哥晚毛寶對收到我本相簿無表現興奮感….搞到我沮喪左成晚…..不過好彩佢之後表達番其實佢係好鐘意既:]

最後食飽飯都係要黎一個七公子大合照~~~我地真係好帥氣呀~~~

呢張係同上面同一張相…..但張相係俾三公子惡搞七公子~~~~~我地七個望住張相超耐…….笑左超耐~~~每次我望住張相我都笑到癲~~~哈哈~~全部人面目全非~

好老土呀成班人~

頭先本身行街個頭好q痛…
點知見到好抵呀~~
係莎莎見到有個H2O既八杯水套裝….
裏面有一支60ml既洗面…..
一支7ml既八杯水眼霜(正常size係15ml)
仲有一個正常size既八杯水面霜…
之前去H2O專門店問過…..淨係一個八杯水既面霜..
要440蚊~~~~
依家呢個套裝….莎莎賣….
265蚊咋~~~~~~~~~~~好抵呀~~抵到爛~~
我諗住買黎去法國時用~~去16日~~兩個人用..
應該岩岩好~~
好開心~~買完之後..
無哂頭痛~神奇~



報時：距離日本東京血拼美食之旅仲有—-15日~
報時：距離台北吃吃吃之旅仲有—-41日~
報時：距離法國瑞士塵世美之旅仲有—-84日~
噚日睇過瑞士d鐵路價錢…
都……幾貴下喎……………