Twins人人彈起演唱會2010澳門站

唔….死喇…個頭有d赤赤地tim….shit~……………好凍呀今日….不過我還可以…因為有件褸褸…同bootboot頂住(嘔)……整天都維持係肚仔餓既狀態~我要食多d食多d食多d啦~…..聽日媽媽去旅行喇…..屋企得番我一個;[……



我會一連x日….講番我上年(好似好耐)2010最後睇過既三場演唱會……我會順序講…..因為你地就可以睇到我三次演唱會影d相既分別…..差超遠……當然放d衰d既出黎先~第一場係Twins人人彈起演唱會2010澳門站…….係Venetian開….之前去到食個飯先….揀左美食廣場既東瀛十八番鰻魚飯食…估唔到..又幾好味喎

仲記唔記得呀….有人送俾我做生日禮物既呢



去到坐低…我地已經唔係早…個場…睇下幾少人…..

由於佢地個演唱會太少人買飛…我地已經由上面…免費換飛坐落樓下(上面全層唔開….仲少人過林峰)



到正式開場……d人發現前面好多位無人坐….於是有個場面出現…就係d人湧哂去前面……爭前面側面d位坐….我同毛寶由於唔想側住頭睇….所以無跟跑….只係坐前幾行就算~睇下地下貴飛區…少人到呀………如果我買左中價飛咁就真係唔抵喇~~~~~~~

少人到咁….恐怖….叫座力好差……..



佢地出黎喇…..d人仲湧緊去前面…唔知佢地個心係咪好難受…真慘~

由於好遠影過去……質素….係咁上下啦~阿嬌仲話：公司話打算幫我地開巡迴演唱會…不過睇下澳門站既反應點先……..(我心諗：你話呢….吉位仲多過人….)



唯一笑下係見到男扮女既黃祖藍….佢真係好靚女~

佢地個演唱會…..跳舞唔合拍….唱歌甩哂……d衫仲….好醜~

呢套我就幾鐘意既~可能個髮型夠得意~

無啦啦又係台上面慶祝阿Sa生日…不過係舊歷喎

睇下我地有幾遠…..我部相機已經好叻架喇仲睇到少少樣~

全世界以為佢請William做嘉賓……最後竟然係….Boy’z

總結：佢地兩個好唔pro…..頻頻甩咀….唔記得歌詞….跳舞又唔夾….你地到底有無彩排架??阿嬌唱歌仲係咁差…..唉…..呢個演唱會…..好彩唔使我俾錢睇咋….不過都多謝送俾我既朋友仔既一番心意~~不過佢地都好似話唔係咁好睇~但係叫做幾有共鳴…你知啦…佢地既歌係我既少女時代好hit架嘛…..雖然…我依家仲係少女~當晚我未睇完encore…..就走左…..因為驚多人差出車….我地太醒喇~







希望快d到星期四啦……

因為媽媽就會番黎*3*

我會好掛住好掛住好排住媽媽架~



幾q窩心呀

今日有個客做完之後同我講….

好人姨姨：今日好凍呀…出面仲有幾粒雨..放工記得著多件衫先好走呀

當堂個心暖哂…

平時俾客”問候”得多

有多d呢種問候…都唔錯:]~



咦…..竟然有d blog友問我係咪成日影相都唔笑…

er………….唔係呀…

我笑得好真心架喇喎~

可能……我唔鐘意露齒笑…

搞到我成日都好似唔笑??????

我平時好鐘意笑架喎…

笑到癲左架喎~