Happy Fish Spa*3*

好開心噚日paulpaul終於出左院喇~仲可以同到我地一齊去食自助餐團年….睇得出佢好開心……d笑係真心笑出黎………….同埋見到佢精神奕奕咁…真係好………..不過我今日就唔係幾好喇……..噚日個頭又開始痛……直至痛到噚晚訓覺都係痛…..痛到我帶住眼罩訓覺都不停流眼淚….成晚都訓唔著…….碌黎碌去……碌到去四點幾五點我就坐左出廳……阿媽仲問我做咩……跟住我又嘔左幾獲…….都係要逼住朝早五點幾上山頂………唔知點解….我上到去得哥三個人睇醫生……最後都係要等左成個鐘先睇完…..同我上次上到去有廿幾個人等既時間係一樣….奇x怪囉……個醫生又係當我傻既咁……睇到成七點先買埋粥番屋企……食埋先再訓過…下晝又岩岩訓左成日……好番d喇終於…..死弱雞…好驚俾心怪我無番工….不過…我都唔想架…. ;[



其實元旦假期除左去食野之外…仲做左一件第一次做既事

就係—-fish spa喇!!!見到d魚仔未呀…..插隻腳落去俾魚仔食腳皮哥d…..想試左好耐…….咁岩之前一日係four season見到有….諗住玩…點知要成128蚊/30min…..覺得好貴….經過開新口岸見到有問下佢….佢話做緊promotion….148蚊2個人/30min…..即係74蚊…咁抵好多….所以隔左日就去試下喇~




第一野插落去我………………喪笑……………….笑到成間鋪都聽到….

我想影我好優雅咁樣….點知……………..d魚就好似食人魚咁湧埋黎……………..



習慣左之後…其實又幾舒服既~

哈哈哈~好多魚呀我……唔知d魚食得開唔開心呢?(變態)

狂食我腳指”喇”



唔止我架…我隔離哥個都好多魚仔架

佢地好有程序咁樣食完腳指喇就食小腿….好舒服呀~

間野既環境都唔錯既…不過….無咩人幫襯……我諗…遲早執…….慘~

好好玩…如果下次有咁平我想再玩呀…玩完之後隻腳真係滑左d~~

成廿幾歲人都要阿媽陪我睇醫生…

我真係於心有愧……….

仲要晨早流流逼我阿媽無覺好訓…

真係……對佢唔住…

雖然佢不停講唔緊要….但仲係…唉~

佢頭先仲要買左件羽絨俾我……

我唔識照顧自己既程度……可以話去到…弱智….



噚日睇個新既節目心有靈犀…..

呀白姐姐同謝偉浚哥對真係…..好正…

拍左拖廿二年都無咀過………..好特別….

以為係佢地相處既方式……

問題係…….白姐姐係好想謝偉浚錫佢囉….

即係……………..點?