Grand Hyatt High Tea~

今日又好似無咩點做野….但係….硬係覺得好攰咁既………..今朝早食左好耐無食既肥仔記薯仔雞奕米中辣……未能令我醒神……原因可能係佢今日俾得唔夠多辣我~……哎呀…..輪到媽媽病喇…..真係擔心死我喇………快d快d好番啦!!!!!



yo~又去左試新野喇~今次去左Grand Hyatt度試新tea~

叫左凍檸茶飲~因為我覺得凍檸茶應該係最穩陣~

其他女仔叫有凍朱古力….breakfast tea….同埋蘋果汁

聽講凍朱古力麻麻地……



有呢五個女仔既呢~本身我地係想去Altira既…點知佢無左high tea

呢度228兩位…我地叫左兩個set…..都唔算平~不過…又幾靚喎~~~~

俾個正面你睇下~哈哈~~~~~~~

呢張影得仲正面仲靚~~不過支野好似插住我咁~

逐層逐層介紹下有咩食先~有1.法式精美糕點(全部朱古力…好味呀~)…2.迷你青瓜三文治(無影到出黎…幾清新)…3.焗蛋撻(正呀~!!)仲有英式鬆餅(配埋d jam都幾ok!!)….4.煙三文魚香草忌廉貝果包(好好味呀~~)…5.水果(好好味既草莓)

由於我地叫左兩個set…另外一個set既蛋糕唔同架…係全芝士蛋糕~~

我覺得佢個tea set都唔錯!!!果然真係一分錢一分貨囉~~~~



佢仲有d好靚既朱古力賣….好想試番粒呀~

同一晚同去左好耐無去既師傅仔~好好味~

呢隻凍蝦逼到連最懶既懶杯都肯去動手吃吃…真係不得了咁好食~

今朝一起身就生左一大粒暗瘡….

我仲係度諗….呢個世界真係唔公平呀

點解無食熱氣野都會生暗瘡架?!

慢慢倒帶……先醒起噚日將成個麥當勞餐吞左落肚…

er…..真係一個死0靚仔…

仲係咁鐘意食麥當勞……..

我最鐘意既包叫：豬柳蛋漢堡~

當然蝦堡都係我既飛佛…可惜唔係成日有…



我好掛住爸爸呀……

噚晚先同媽媽講起佢….

我：我好耐無發夢見到老豆喇…去左邊呀佢

媽：…..唔…..就黎新年啦嘛….佢可能好忙去左辦年貨呀…

我：下…….辦……年……貨…….咁都得?!

媽：係呀….佢依家咁多錢(意指我地每個禮拜都分頭燒錢俾佢)…..又靚仔…..梗係要搵d野搞下啦….

咁都得呀…….服左你喇……