與毛寶慶生泰國食揼嘆之旅2018-10-02第四天(晴天)

星期五.....我覺得簡直就係非人生活....d kai kai客硬係鐘意迫埋係周五一次過黎...係我放周五的考驗嗎?放工哥刻我應該有一萬句粗口....成個憤青咁.....仲要對住毛波發脾氣.....然後毛波對我好言相勸....然後我就知錯了XXD....也許我不是eq低...我只是累了;[.....對kai客對到好攰..................食完韓燒個人有好番d既...因為番左5日工我淨係想食重肉...大舊肉俾我塞入口我就開心!......星期六....中午食左terra~葡萄牙混搭真係好好味~下午不小心訓左個下午覺~起左身就寫blog~夜晚痴痴貢完之後去左行Venetian....再番澳門食糖水~食左街邊檔勤記…我好鐘意食佢個腐竹白果糖水加湯圓!....食完過埋隔離炸野檔買野食…你難以想像一份魷魚一份雲呑索價30大元…好貴!!但雲呑的油益味是世界級的!魷魚差少少…都係以前大聲公對面檔炸魷魚最好食…星期日.....中午去左食食味方丈~好鐘意食佢個炸雞翼同埋魚湯翠玉瓜~....然後去TFT買左蛋糕同埋BLACK既咖啡回家嘆嘆~齋啡同蛋糕真係好夾~一路食一路睇無線重播既行運一條龍~~我老了..我覺得以前d賀歲片好睇好多~東東真係好靚仔~上網搵一搵....華!成廿一年前架套戲?!?!?!?!?!?!...................夜晚又痴痴貢~.......星期一.....由晏轉早既周一起身哥刻實覺得自己係全世界最慘最可憐架~放工就是王就是新世界~多野做但心入面想著下周新年~~今年雖然放得少但安排左節目~開心心~



2018/10/02
Day 4(泰國,曼谷 Thailand,Bangkok->澳門 Macau)
早呀~~~~~今日要走喇~~~~仲要坐中午前既機~~(平d丫嘛...黃金周好貴架)

與毛寶慶生泰國食揼嘆之旅2018-10-01第三天Part 2(晴天又一陣雷雨)

星期二....人家見到麥叔叔員工annual dinner係請仕燊寶寶去撼動…仲要一連四晚…麥叔叔你就攞我買早餐啲血汗錢去請濕爬俾你啲員工睇…我心生羨慕…放左工去跑跑3.49km…我好番好多喇不用擔心呀…我有個古怪辟好…我呢晚…玩左個外賣app玩左半個鐘(但我唔係要叫外賣喎…我淨係想睇下有咩餐廳會送我屋企咋喎)………係咪好古怪XD…星期三…放工跑跑…3.55km…下午突然被告知我今晚無飯食…傷心左5秒…跑完就去私會近排好鍾愛食既吉吉阿姨…貪佢有禮貌又好笑容…個咖哩又好味…同埋可以揀多菜…星期四…..今日早上我一起床攞住個電話係google搜尋既第一樣野係：健力氏世界紀錄大全-最長的屎.....................結果係.......無的XXD...因為我每次痾屎都覺得自己條屎好長長~好棒棒~我好想知自己是不是世界第一~.....我好不容易捱到今天放工...為我自己鼓掌~~~我依家每日已經要不停咁追數~遲d仲話追數哥度仲要加多倍.........................我唔x玩喇妖XXD~我見聽日係周五..我算!....hehehe~聽晚放工要去食重肉肉肉肉肉肉肉~



2018/10/01
Day 3---Part 2(泰國,曼谷 Thailand,Bangkok)
食完甜品又再行下呢個Siam Paragon啦~好耐無行過~以前最鐘意係度買胸圍(唔知點解)......不過呢...呢個商場實在係太大.......行黎行去唔知自己行左去邊.......可能佢有幾棟野組成卦......覺得好靚...望真d原來係假花

與毛寶慶生泰國食揼嘆之旅2018-10-01第三天Part 1(晴天又一陣雷雨)

星期三....今日番工都幾開心~無咩阻礙~係有個客狂捉住我同我傾去日本旅行d野~(但個重點係我唔識佢...雖然佢kaikai地但我又同佢傾左好耐).....星期四....放工去左跑跑~跑左3.5km....跑完又買我鍾意既吉吉…但頂…好似開始流鼻鼻同喉痛添.…喂~好緊張呀過周末喇~~~(係囉..因為blogger我無飯食去左跑步所以又無出blog~)...星期五.....好~多~野~做~~喉痛番工都唔想同人多講~~放左工去左銀河食food court...食完係UA睇埋水行俠(Aquaman)...好好好好好好睇!!仲要睇足兩個鐘有多!但完全無浪費我每一分鐘!!!!精彩~~好有型呀~~~~~DC入面我應該淨係鐘意睇佢同埋神奇女俠~~~我好羨慕阿特蘭提斯人呀~~因為佢地係海底入面好有型呀~~(好大程度同我唔識游水有關~~)....星期六....中午去左Don Alfonso同主席慶生~主席指明要食呢間架~(即係麥公子2018生日會哥個地方)....下午剪頭毛~夜晚痴痴貢~...星期日....中午食左園林...好耐無食好好味~....下午約左另外5位公子去左文華東方高茶...仲有八寶出席~~~~好開心呀~~好鐘意八寶~~八寶好可愛~<3(下刪一萬個讚美~)....同埋仲有好可愛既小公子...既妹妹~(好似無幫佢起過花名XXD)...可惜小公子病左黎唔到~夜晚約左衰公衰婆去食一間我未食過既泰餐~~仲有私房菜食~係食泰北菜既~...星期一.....多野做~但過了~



2018/10/01
Day 3---Part 1(泰國,曼谷 Thailand Bangkok)
早呀喂~咦~似乎好曬喎今日又~

與毛寶慶生泰國食揼嘆之旅2018-09-30第二天Part 3(晴天)

星期五....呢日我心情愁到爆呀....情緒處於低氣壓狀態~d客又煩又老馮....又追唔夠數...又無人陪我玩之下........我星期五放工竟然去左跑步.....跑步可以令我專心一意做一件事....就係聽歌XXXXD唔係跑步~....跑緊時又氹自己~跑多一圈啦~跑多一圈今晚俾你食乜都得~(其實無跑我都會俾自己食乜都得XXD)....結果跑左5.34km~跑完走左去買我想試好耐既吉吉而蛋~佢竟然有墨汁墨丸!同埋黑栢葉!..個汁有黑蒜麻辣!...浸耐d都好食既~但最好食都係家和個黃金蒜汁!...再加多盒米水!...再加多包咔啦呣久!...再加多包小老闆!!!!!!.......舒服哂~......星期六.....中午去左食味方丈…我地等緊位時有個人經過說:呢間垃圾都有等位XDXD…查實ok啦!可以既…我覺得佢個撈米線幾香幾好味…炸雞翼也不錯…下午睇睇叮噹…排排相…呢日唔痴毛寶餐喇…去痴第度餐XXD…我阿婆哥邊團年去左MGM食自助餐…可惜…今次係和牛主題…無生蠔食…而和牛部分最好吃係灸燒和牛壽司…但咁好食我都只係食左一件…我好唔適合食自助餐XD....星期日....中午約左摩洛哥團友去飲茶~揀左四季酒店既中餐...但...遲下出blog才分享~..下午休息~....夜晚痴痴貢~....星期一......因為本blogger阿娘唔得閒理我…所以我放工去跑步~~不過假跑兩個圈…3.53km…就買野食番屋企(我又買吉吉…不過全菜XXD有好一點嗎?)…咪無時間上網囉~星期二.....噚晚公司個Whatsapp谷又牽起第二次世界大戰~自從換左老細之後個谷就周不時都好熱鬧~.....近期d花生都食得好飽下~幾值得紀念~特意寫上黎~XXD....你又估唔到我今日會出Blog le~



2018/09/30
Day 2---Part 3(泰國,曼谷 Thailand Bangkok)
抖到無咁熱太陽又落山喇...我地出動喇~~~~~我地依家諗住去拉差達火車夜市(Ratchada Rot Fai Night Market)湊下熱鬧~~

與毛寶慶生泰國食揼嘆之旅2018-09-30第二天Part 2(晴天)

星期二...番工今日d客都係kai kai的狀態...放工最好就係去跑跑步聽聽仕燊唱咩歌我聽~2019年第一跑~跑左4.14km~臨跑之前仲嚇我呀..拉緊筋哥時滴左兩粒雨落黎..但真係得兩粒...令我認為...會唔會其實頭先係有個人係我隔離跑過而滴左兩滴汗俾我?(唔好呀!!!我覺得好核突呀)....星期三....好恐佈呀喂…我臨醒前發左個惡夢呀…夢到我大肚就黎要生XXD仲愁緊死啦新年前俾人知生左B我要派利是呀…真係一闊三大XXD好彩夢醒了!(我不想未婚生子…結左婚都唔想生子XD因為我還是個小孩)…到底呢兩日係咪因為潮濕呢?...除左我有啲頭仔痛之外…d客kai既程度好高喎~放左工去放鬆放鬆~去左跑步~跑左3.5km~其實我想跑夠完整的4km..但係跑到3km時我突然超級勁爆肚餓...呈現就快斷電的狀態所以只好放棄(但我明明下午茶係食左個小餐包夾厚油呀XXD)...呢晚Mr.係fb開live…唱左首”遇到了”…好聽到呀…佢一唱呢首…我又心軟喇XXD…星期四.....好似好耐無番過完整的5個工作日....之前12月玩得太開心....搞到呢個禮拜我覺得好難過....加上呢....呢個禮拜個天色都是陰陰的....令人好唔精神~大家都要注意身體~以免生病呀~依家開始流感高峰期~.....聽日終於係我期待已久的星期五~可喜可賀可喜可賀~



2018/09/30
Day 2---Part 2(泰國,曼谷 Thailand Bangkok)
食飽就向下一個目的地前進...由於下一站話遠又唔遠...話近又唔近.....搭的士係一條大直路怕再俾的士司機mio我地...所以...行過去算了.....好彩...陰陰地天...而且呢個時間唔算太熱~