與毛寶慶生泰國食揼嘆之旅2018-09-30第二天Part 3(晴天)

星期五....呢日我心情愁到爆呀....情緒處於低氣壓狀態~d客又煩又老馮....又追唔夠數...又無人陪我玩之下........我星期五放工竟然去左跑步.....跑步可以令我專心一意做一件事....就係聽歌XXXXD唔係跑步~....跑緊時又氹自己~跑多一圈啦~跑多一圈今晚俾你食乜都得~(其實無跑我都會俾自己食乜都得XXD)....結果跑左5.34km~跑完走左去買我想試好耐既吉吉而蛋~佢竟然有墨汁墨丸!同埋黑栢葉!..個汁有黑蒜麻辣!...浸耐d都好食既~但最好食都係家和個黃金蒜汁!...再加多盒米水!...再加多包咔啦呣久!...再加多包小老闆!!!!!!.......舒服哂~......星期六.....中午去左食味方丈…我地等緊位時有個人經過說:呢間垃圾都有等位XDXD…查實ok啦!可以既…我覺得佢個撈米線幾香幾好味…炸雞翼也不錯…下午睇睇叮噹…排排相…呢日唔痴毛寶餐喇…去痴第度餐XXD…我阿婆哥邊團年去左MGM食自助餐…可惜…今次係和牛主題…無生蠔食…而和牛部分最好吃係灸燒和牛壽司…但咁好食我都只係食左一件…我好唔適合食自助餐XD....星期日....中午約左摩洛哥團友去飲茶~揀左四季酒店既中餐...但...遲下出blog才分享~..下午休息~....夜晚痴痴貢~....星期一......因為本blogger阿娘唔得閒理我…所以我放工去跑步~~不過假跑兩個圈…3.53km…就買野食番屋企(我又買吉吉…不過全菜XXD有好一點嗎?)…咪無時間上網囉~星期二.....噚晚公司個Whatsapp谷又牽起第二次世界大戰~自從換左老細之後個谷就周不時都好熱鬧~.....近期d花生都食得好飽下~幾值得紀念~特意寫上黎~XXD....你又估唔到我今日會出Blog le~



2018/09/30
Day 2---Part 3(泰國,曼谷 Thailand Bangkok)
抖到無咁熱太陽又落山喇...我地出動喇~~~~~我地依家諗住去拉差達火車夜市(Ratchada Rot Fai Night Market)湊下熱鬧~~




由我地哥個BTS Phrom Phong站搭到去Asok站....然後忘了出幾號出口...跟指示行去MRT既Sukhumvit站~





呢度買飛既自助機好似同BTS係另一個世界咁!!!!排到咁?!??!?!?!?!?!好後悔無將同事借俾我地既卡入錢...(但我望見入卡錢哥個counter條隊更長!)...排左10分鐘買飛...而且非常焗和熱!!!!




好似台北d捷運~台北那個是藍色~這裡是酷酷的黑色~




搭到去Thailan Cutural Center落車~~係站內就有指示啦~跟住佢出3號出口啦~~




出左之後就會見到呢個Esplanade商場~行入去就岩架喇~因為穿過佢就會去到火車夜市~




我地諗住係有冷氣既地方食少少野先~~墊一墊肚先....驚出面太熱~~~~呢度都好似有個室內夜市咁~




諗住去B1層食殷師奶之前食過哥間船麵~~~點..知...搵極都唔見....應該執了....失望子....好想食船麵




於是放棄食野住....諗住影左百萬夜景先!.....個百萬夜景係我頭先係酒店搵資料時見到的......就係呢棟商場你上到4樓...定5樓呢?我忘了......總之向停車場方向行....搵到喇~~~




勁多人~~跟人行~




一望出去....華!!!!好靚呀!!!!!下面其實就係火車夜市喇~~~咁多盞燈俾你影你話係咪百萬夜景喇~~~




勁多檔~~~~~好大呀~~~




呢層勁多人我地再行上一層影~~如果你有腳骨力應該可以再行上幾層影~~無咁多人同你爭嘛~~~~~影左幾張相同埋合照~鼓起勇氣出發夜市~~~~






好喇~係地下層穿過商場過對面馬路就可以去到火車夜市啦~




已經Feel到哥朕熱氣撲面而來~~~~好熱呀喂!





唔係下嘛!!!!!!!賣魚生壽司?!?!?!咁熱喎!!!!我見到都好似有d肚痛.....................




入去行下湊下熱鬧先.....係好多檔....但係好多人好迫好熱....搞唔掂呀我...個小孩就黎多人到走失喇





有一檔係任食生果~仲有烤榴槤食~唔知咩味呢?฿299=73.3hkd/人






望番轉頭就係我地頭先係商場影百萬夜景停車場哥個位喇~




又一望到都肚痛之作~~




由於太熱....我唔想食太大型既野....揀左食麵....呢檔唔錯望落~




開頭以為淨係得雞絲既麵...點知有一粒粒有骨既......咦!!!係雞腳個kick黎架喎!!有人食d咁既野架??但又幾好味喎!...一碗฿30=7.4hkd...






個深色湯其實不錯!但......係咁熱既天氣之下仲食熱辣辣既麵.......熱上加熱




已經無心機再食其他野...走咯.......行過終於見到殷師奶講既臨入地鐵站既阿姨賣菠蘿~~~~฿50=12.3/袋.....買袋番酒店慢慢嘆咯~~~~~(但我唔敢相信.....點解回程都咁多人買飛既?!?!?排左成20分鐘買地鐵飛.......係咪MRT都係咁架?)





諗住食過翻尋味.....去番Asia Herb按按...點知佢問我地有無預約我地話無.....呢日full哂....嗚嗚嗚...佢話最好早一日約......即係話我地噚日有得按真係好好彩......唯有行去街頭既Lek啦....因為見佢寫明預約不要....同埋walk in....之前住Siam都試過..不錯(但係係8年前既記憶)




入去望望價錢....華!!!120分鐘才฿650=159.3hkd.....昨天Asia Herb個半鐘฿800=196.1hkd........華...好抵玩~不如我地今日按兩個鐘咯~




不過....真係一分錢....一分貨......一坐低俾locker我地放野再攞拖鞋俾我地換...對拖鞋...係重覆再重覆著既膠拖...(而且好明顯唔會每個人著完就噴消毒.....)....呢方面我真係唔ok囉..............




我獲分配一位男性按摩師...由佢幫我洗臭腳.......er....我覺得有d尷尬囉.....後尾我同毛寶講：佢係咪以為我係男仔呀?所以俾個男按摩師我?.............我後尾安慰我自己：可能佢淨係幫我洗臭腳呢.....




洗好臭腳佢俾左條褲我換...我都唔知佢條褲會唔會洗..依家諗番起覺得不安.....佢就帶我地去一間房...哥間細細既房...有成10幾廿個人...超迫.....超無私隱............然後男按摩師就開始幫我按腳喇.......er........我又係覺得好老尷........然後上網搵睇下有無男性既按摩師會幫女仔按....一上網就會搵到男性按摩師性侵女顧客......然後不安左一陣...........(你明啦...可能會按大腿位會好老尷架嘛).........不安左一陣我就敗左俾男按摩師對手......因為...佢對手.....仲滑過噚日個姐姐........堅滑!!!!!!!!......正在享受當中我望過隔離.......妖....原來隔離個女仔都係男按摩師按緊XXD....早d望過去咪好囉~等我擔心左咁耐XXD




雖然好老尷...但真係好滑好舒服XXD...黎啦黎啦~~帶我隻腳上太空啦~




按完之後飲杯茶~如果覺得按摩師按得好~可以俾下貼士佢地喎~雖然咁樣按兩個鐘真係好平....但老實講...我下次會揀番Asia Herb~因為我覺得環境同其他配套都非常之重要XXD重點係我唔想再著無消毒既膠拖~~~~~




晚餐食左個雞絲雞腳kick麵之嘛~按左兩個鐘摩都消化哂啦~~~~過酒店對面7仔搵搵有咩好食先~~見到上網話凡係去親泰國都要親親既飛碟!!!!!....我就睇下你有咩把戲講到個個都要食~




好!就你丫!฿27=6.6hkd........平到..............你買左佢會即幫你加熱




行番酒店哥時發現有生物跟蹤我地!(張相好有藝術感呀我影得!)




哈哈~喵~跟蹤人仲同人一齊望鏡頭影相!XXD




番到酒店解構下頭先哥個7仔飛碟先.....勁有Heart...整熱左仲會放入呢個透氣包裝入面~~唔怕焗到淋~




一入口..........下!!!6.6hkd可以做到呢個質素?!?!?瘋了!....佢個外皮好好味~~~~~入面既芝士吞拿魚餡係極度好味出色!!!!!!!!麵包與餡餅各師其職!無搶大家既戲份!!!!!!極度出色!!!!....由於頭先按摩時毛寶條褲闊d佢無叫佢換褲..但d按摩油整到佢條褲污糟哂佢忙於清理...佢狂叫我：你食先啦..........但我真係忍唔住：你襯熱咬啦............然後狂塞入佢口..........然後毛寶都忍唔住話：華!!好好味呀!!!......然後追住食~~~......如果佢覺得好味就真係好好味架喇...因為佢唔係好鐘意食吞拿魚餡既野~





然後仲有飯後果~殷師奶成日係佢個blog推介既地鐵站外阿姨菠蘿.......勁!!!!!!好!!!!!!味!!!!!!!!!!!!!!!!!!勁清甜!!!!!無得頂!!!!!多謝推介~好飽呀~訓先喇~good night~








我攞左新護照喇~~~
個護照號碼同埋到期日都令我相當滿意~~~
黎緊呢10年請多多關照呀~
呢本護照既第一個旅行就係同公子去越南呀~



2019/01/14的開心事：
毛寶放工探狗仔呀~



報時：距離六公子峴港嘆世界之旅2019仲有---78日~
報時：距離北非摩洛哥之旅2019仲有---99日~