與毛寶慶生泰國食揼嘆之旅2018-10-01第三天Part 1(晴天又一陣雷雨)

星期三....今日番工都幾開心~無咩阻礙~係有個客狂捉住我同我傾去日本旅行d野~(但個重點係我唔識佢...雖然佢kaikai地但我又同佢傾左好耐).....星期四....放工去左跑跑~跑左3.5km....跑完又買我鍾意既吉吉…但頂…好似開始流鼻鼻同喉痛添.…喂~好緊張呀過周末喇~~~(係囉..因為blogger我無飯食去左跑步所以又無出blog~)...星期五.....好~多~野~做~~喉痛番工都唔想同人多講~~放左工去左銀河食food court...食完係UA睇埋水行俠(Aquaman)...好好好好好好睇!!仲要睇足兩個鐘有多!但完全無浪費我每一分鐘!!!!精彩~~好有型呀~~~~~DC入面我應該淨係鐘意睇佢同埋神奇女俠~~~我好羨慕阿特蘭提斯人呀~~因為佢地係海底入面好有型呀~~(好大程度同我唔識游水有關~~)....星期六....中午去左Don Alfonso同主席慶生~主席指明要食呢間架~(即係麥公子2018生日會哥個地方)....下午剪頭毛~夜晚痴痴貢~...星期日....中午食左園林...好耐無食好好味~....下午約左另外5位公子去左文華東方高茶...仲有八寶出席~~~~好開心呀~~好鐘意八寶~~八寶好可愛~<3(下刪一萬個讚美~)....同埋仲有好可愛既小公子...既妹妹~(好似無幫佢起過花名XXD)...可惜小公子病左黎唔到~夜晚約左衰公衰婆去食一間我未食過既泰餐~~仲有私房菜食~係食泰北菜既~...星期一.....多野做~但過了~



2018/10/01
Day 3---Part 1(泰國,曼谷 Thailand Bangkok)
早呀喂~咦~似乎好曬喎今日又~




呢日既第一個節目!都係食野~由於出發前毛寶俾某個電台DJ張相吸引左...話要去食佢食過既雞腳米!.....好啦~去食啦~咁我地就係酒店坐的士黎到....搵呀搵呀搵...(因為無店名...齋睇佢係ig同人形容既地點搵....個地點係：La Meridien酒店向前行...綠色間Kasikornb Bank出面)....搵左勁耐都無發現....於是我諗.....會唔會就係呢檔呀.........原來佢朝早未開......勁失望~(下次再挑戰)




失望極都要食野架~本身諗住去下一站個商場食...點知轉下轉下....轉左去一個類似澳門雀仔園咁既地方~~超多一檔檔熟食~~~~~~~花多眼亂~幾吸引~




我同毛寶揀定左呢檔~~~~我同毛寶話要兩碗大既時候個姨姨問我地：chicken or duck?....下~~~咁好玩~~~要個鴨肉丫唔該~





鴨肉麵~฿50=12.3hkd(大)....wow!




醬料任加~




老實講....喂....幾好味喎!....12個幾一碗米....湯好味!料都算唔少!合格有突哂!





第一次食鴨米~有鴨紅~鴨肉~鴨肝~好高級呀~佢個湯真的不錯~食完無口渴~






唯一投訴只可以講街邊太熱....咁熱仲食熱湯米係我既耐力大考驗~但有一個泰國版既雀仔園體驗真的不錯呀~泰國好正~求其一間都好好食~




食飽飽之後真係覺得食完熱湯麵熱得滯要火速降暑....見到車仔檔阿叔...我唔得喇我要食d生果降溫呀~~~




睇下呢個人指完左又指右.....手指指成個菓子軒咁XXD




阿靚仔三兩下手勢就切好哂我地要既野~






每包฿25=6.1hkd....都幾大包幾抵食下~




我覺得最好食係青芒果~~~點埋佢俾既粉紅色糖我覺得好好味~~~~~~<3




食完生果仲係好想補充水份我揀左去7仔買無糖菊花茶~฿30=7.4hkd




仲買左呢個一粒野咁既...吸落水樽度就會釋放有顏色既野令你支水有味...我好似係買左中間哥個~฿15=3.7hkd




行去BTS時見到有泰式廢水買呀!!!間ChaTraMue好像見到同事飲泰式奶茶很不錯呀!!!好想試呀!!!早知唔買菊花茶啦!!!!(查實我平時係一滴廢水都唔掂架....但泰式奶茶我又buy)




搭BTS黎到Siam站~梗係要行下Siam Paragon啦~




一野衝落去GF層先~hi~sawadee卡既麥叔叔~~好久不見了~




呀~搵到喇~(其實係問左Information先知係邊)....我地就係想去After You食甜品呀~~~~(仲唔俾我捉到你摸耳仔~)




呢間野既規矩好難玩~要先攞飛....等佢安排位....再去counter買野食...再等佢送黎....(但係門口會堆滿一堆人但又無員工企係度派飛)....而且呢間野都幾多人食




好喇~我地攞到位喇...去counter度睇下有咩食先~佢有好多甜品既...但我地係衝住佢d刨冰而黎~毛寶話好想食佢個榴槤刨冰..但....搵極都無喎...係咪期間限定呀?




佢除左有正常size刨冰叫之外仲有baby size~幾彈性~




由於有人食唔到榴槤刨冰...我地叫左支Durian Crumbstick....฿95=23.3hkd....




佢仲要抵死到做番榴槤個形出黎~~~又幾好味喎~(有人食完仲即時話要買多支俾我禁止左)....明明你以前唔食榴槤架喎........




刨冰等左勁耐...係勁耐.....有20分鐘以上....我地叫左不時不吃Seasonal既Mango Sticky Rice Kakigori(kakigori咁日文既?)....฿265=65hkd....呢度d物價令人好抓狂...12.3hkd食個大鴨麵....65hkd食個刨冰~.....當然查實係港澳食個刨冰65hkd係正常物價~.....好喇~終於等到你黎~華~又幾大個喎~




佢d椰奶好漿漿呀~佢流落黎哥個形態好笨笨好好睇~(有無人知呢個blogger講乜?)...查實成件事係幾怪誕...芒果糯米飯...刨冰喎~





仲有兩個汁跟既...一個係芒果醬...一個係刨冰上面已經有既椰漿漿~




wow~其實個刨冰就係芒果刨冰架喇...但同椰漿同吃....已經好有芒果糯米飯既感覺~




跟手食到中間位真係有芒果糯米飯架!!!!!!好正呀!!!!!好好味呀~~~~芒果好甜呀~~~~~~~~一個甜品~~~~3種食法~~~一係淨係刨冰....二係淨食芒果糯米飯...三食係刨冰再溝埋芒果糯米飯食丫笨~~~...我真係做齊~~




真係好好味~~大推~~~~~~~~~~同埋本身我想叫多個baby版既泰式奶茶味刨冰架....我開頭驚自己食唔哂....食哂成個之後心諗：我那來的自信會食飽?....不過...等太耐喇..我唔想再等一次






食飽飽行出黎......咦...乜咁岩呀陳生又係你呀??????原來係我地頭先食既After You隔離....就係專食榴槤甜品既After You Durian!!!!!!!!!即係毛寶想食既榴槤刨冰.....唔怪得頭先哥間無啦...原來人地有間專食榴槤既.....同一集團...但呢間完全舒舒服服的唔使等位....早知食呢間.....毛寶有提議話不如食多次咯...但俾我阻止了~一次過也吃太多甜品了吧~




好吸引呀喂~~




我其實最想食呢個!!!榴槤hot cake!!!!!!!!!!!下次黎會一會你!








2019/01/21的開心事：
毛寶放工黎探狗仔~



報時：距離六公子峴港嘆世界之旅2019仲有---72日~
報時：距離北非摩洛哥之旅2019仲有---93日~