七公子食揼買曼谷之旅2024-06-10第三天(天晴)

7月5日...噚晚凌晨兩點....我同毛寶用里數換左機票去之後個旅行XXXXD痴左線XXXD...中午食左上河內~然後衝番屋企拆我新買既吸塵機~~...夜晚又叫李家外賣~~~....7月6日...星期一....D人一朕朕咁黎~~有時好得閒...有時好忙~....7月7日....我頂你咩又頭痛；[[[[[[......7月8日...仲係頭有D痛...唔通真係關打風事?...呢幾日都係突然落好大好大雨...落幾分鐘....就停...無限循環....7月9日...今日終於都好天D..D客即刻貢出黎XXXXD...7月10日...勁多野做~~放工哥刻感到頭暈眼矇(好老)….放工去左試八杯喜…如果有券買都ok既…如果唔係都幾貴XXD…7月11日..陪人去整牙..整完發現今日taste快閃88折…買到痴左線XXD…萬寧屈臣氏都有折..買到痴哂線XXD…夜晚姑媽請我地係氹仔食葡餐~…7月12日…中午食左My golf bistro..唔..一般般~夜晚叫越南粉食~今日實在太熱喇~~….7月13日..好~多~野~做~睇新聞話聽日有可能掛一號風球??咁突然既~.....7月14日...好天幾日今日下午個天又黑munk munk.....7月15日...今朝訓到凌晨5點無啦啦聽到街度有人大叫俾佢叫醒左...搞乜......7月16日...做乜塊面生左兩暗瘡架?!….7月17日….放工同朗公子即興去左食灃收~...7月18日...中午食左湄公小館..食完好口渴...食左IKEA個榴槤雪糕好好食~~~~去探豬子~~夜晚去金龍痴痴貢~由於之前換既機票唔係最終目的地.....今晚終於買埋最終目的地既機票喇~...7月19日...中午食good...下午訓左個晏覺...舒服~..夜晚叫外賣~...7月20日...凌晨落好大好大雨!!!又大又行雷閃電.....搞到我成晚猛醒....然後今日紅雨又會勁多野做既XXXXD我仲諗無人黎添XXXXXD反差好大XXXD...7月21日...好多野做呀~~~....7月22日...噚晚又頭痛~~~...7月23日...係咪因為暑假呢...都幾多野做...唉呀咁辛苦做左成個禮拜野...又話周末想打風；[...我想去玩；[...7月24日...放工同另外兩個公子去爀樂happyhappy~再上左桃公子屋企開左個小p~~~7月25日..中午去左食文哥~衝去上葡京飲啡再去英皇睇toy story 5....喊到我呀....真係睇卡通都學到野架!!!!!!!去冬奇打獵~打完獵就將獵物帶去搵豬姐~~~~留係豬子屋企時無啦啦超大風雨.....今晚要掛3號波了.....希望唔好打8號;[[[.....再去456痴痴貢~





2024/06/10
Day 3(泰國,曼谷 Thailand, Bangkok->澳門 Macau)
早晨~今日就會番澳門~但夜機~所以出黎食野先~~華~好精神既女仔~

搭BTS黎到Chit Lom站~來到Gaysorn Amarin






今日午餐係黎試下當時火熱火熱既Copper Beyond Buffet Gaysorn Amarin...位於商場既3樓~話係自助餐界既天花版...我就唔好自助餐既~但就有幾位愛好自助餐既公子~咁就去試試~






去之前都知佢full full地~基本上唔訂都好難食到...之前見D人話係佢官方line可以訂...但又話要搶定點....我見kkday有得訂....可能比官網貴少少卦...咁事但啦我最怕煩XXXD就kkday訂埋喇~....佢有好多個組合既~有淨係自助餐...有每人一隻龍蝦+自助餐...有海膽+自助餐等等....咁我地揀左一隻龍蝦+自助餐....每位就554hkd~以港澳酒店入面好靚既自助餐黎講554hkd相信唔算太高~又去睇下佢有咩食~佢分幾個時段...每個時段好似係食兩個鐘?去到要報到左先~佢仲要人早半個鐘去報到~我去兌換左張飛之後毛寶同我講隔離有個講廣東話既女人....因為以為自己已成功預約但原來係無約到既情況下黎到無得食....嬲到雙腳跳起一野鋤落地下XXXXD




搭正12點...就開始可以入座....多人到似輪米.....




入到去覺得地方好大好乾淨...入座左之後反而覺得唔怕人迫人~




你可以逐格睇有咩岩食問佢攞...就唔係自己夾既~咁都幾乾淨~




又或者去一個個點度有哂大餐牌...你想食咩就係佢度講數字逐份逐份點餐...佢再送去你張枱...唔使逐樣去攞~(但有漏單)




野飲都係任飲~近入口....但就無乜特別既野飲XXXD同埋都比較甜XXXXD




每一個去食既人...每一個KOL都會推既...話去食呢個自助餐必飲既黑松露湯加個牛角包....咁都要試下既...個個都推...(如果無人推我係唔會係自助餐飲忌廉湯...因為一飲飽左5成).....我同毛寶兩個人試一個...好彩有佢share...我覺得真係幾香黑松露味既...但真係太過creamy...如果係單點我一定唔會叫...比較喜歡深啡色哥種無咁creamy既蘑菇湯多D~同埋我其實諗唔明牛角包配黑松露湯個慨念想達到咩效果XXXD漏上加漏XXXXXD...除非你有個非常強大既胃...如果唔係你又想試搵人同你share~






刺身都幾多....我都意思意思攞左少少試下...但邊個俾膽我係泰國食泰國蠔XXXXXXD查實泰國D水質唔算好...平時飲用水都係樽裝水...咁我憑咩仲學人食生蠔?!我食左一隻好彩無事發生~但我曾經係threads見過都幾多人講話食完呢個自助餐係...肚痾....好彩我地5個都無事......














我地個套餐每人一隻龍蝦尾~隻龍蝦ok既~肉彈牙~






叫到成枱野食~咁佢樣樣份量唔算大既~可以叫多啲黎share黎試~但係問我好無食呀....errrrrrrrrrrr...還好啦~但唔難食既~




















呢個催左好多次先上既鐵板燒北海道帶子...個帶子好食...汁太漏...就算想加按佢速度應該無乜可能(可能係特登?XXXD)




呢個幾好~係和牛壽司~飯係邊?白色圈住哥度XXXXD






甜品種類非常弱.....以我呢個平時唔食自助餐既人黎講...我覺得試一次都ok既....但以天花版黎講應該仲有d距離既XXXXD....500幾hkd我會搵間西餐坐定定食既set lunch嘆下會開心D~








食飽飽行空橋散步去Siam Paragon~行下超級市場~








終於搵到杯公子好鐘意食既三角形班蘭椰子糖~(指定要呢種)...但係衰鬼又真係幾好食XXXXXXD...之後我去親曼谷如果有去開Paragon都會買黎食~(唔係間間gourmet都有)...通常買5送1~




又有好多好靚既榴槤~~(記得通常酒店都唔俾帶番去食~)






呢度都有Souri~~但太飽無買~




行到攰攰地...不如坐下咯~坐下不如坐入After you咯~






叫左Thai Tea Kakigori(Baby size)...205thb=45.6hkd....Mango Sticky Rice Kakigori(Baby size)...215thb=47.8hkd....同埋Hojicha Kakigori(Baby size)...215thb=47.8hkd.....想講無一隻味超越到芒果糯米飯味....不論口感定口味...勁有層次~咦~貞你去左邊呀?








番到酒店哥頭...仲有D時間先要出機場~大家都想再按腳~就問下酒店附近既呢間(因為算係光猛乾淨)...點知佢無位~佢叫我地去佢對面街既分店~




呢間~極不推~勁大撻地feel~由於我同貞係同類型按摩佢坐我隔離...發生一件我地只有我倆先共同經歷既搞笑野XXXXD好衝擊XXXXXD....無記錯就120hkd左右按一小時~唔按好過按哥種XXXD




係kkday約左車18:00黎酒店接我地去機場~呢D時間都比較塞車~不過我平時慣左早D去機場~今次要1小時15分先到機場~




由於航空公司個counter未開~我地衝左去7仔買野食~




好囉~check in左就過海關入禁區啦~搵野食~




我地揀左呢間食~我叫左個Premium Hainanese Chicken Rice Set...500thb=111.1hkd...都知機場食嘢貴既~但係叫得Premium...呢個樣有dd薄弱XXXXXD






我地搭澳門航空NX935....係19:40由曼谷直飛澳門~(其實本身我地係飛早一班既...澳航又改我地航班!)....23:25番到澳門~(第二日就番工...我真係忠誠勇毅XXXXD)...拜拜~




總結：
1.使費：2,144mop(機票)+ 1,077.3hkd(2晚酒店)+90.8hkd(機場來回車費)+4,276.8hkd(食買玩)+135mop(保險)=7,654.3hkd~
2.呢次係疫情之後7公子第一次一齊去既旅行~好開心~雖然唔齊人~希望下次齊啦~
3.曼谷真係去極都未厭XXXXD呢次之後又去多左幾次...有時甚至去得多過日本XXXD可能機程比較短~同埋用好少假期都去到~
4.曼谷好多唔同形式既野食~又成日有新餐廳開~商場又成日有新場~(雖然講真真係日本好買D...呢點不接受反駁XXXD)
5.成日去都會有人問去泰國唔驚咩?我地唔去飲酒地方..唔去偏遠地方~唔去人少地方~淨係去大路地方~通常搭BTS一兩次Grab...唔搭的士~小心啲出入都ok~(反而覺得曼谷無紐西蘭令我咁驚)
6.按摩真心好抵~
7.寫到黎呢點...因為我愛7公子!

~The End~

~多謝收看~

2026/07/18的開心事：
豬子今日好俾面~食哂唧唧~



報時：距離2人福岡亂行之旅仲有---70日~
上兩個星期日我搵到兩張~
可用里數換來回歐洲航點機票~
仲要係商務!仲要係直航!!我好優秀~
不過呢個唔係我地最終目的地...
因為我地想去既目的地只有4個歐洲城市有每日直航既航班..
我地換既哥個城市係最易換既~
(因為每日香港都有好多班機)
而上星期六我地都買埋最終目的地來回航班喇~
可以報時喇~~~~~~
報時：距離馬爾他慢遊猛食紅蝦之旅仲有---101日~~
本身想去北歐睇極光既...極光爆發年嘛~
有一個地點我都想去既....
但因為哥個時間係基本上永夜..
雖然好適合睇極光...但係其他活動就......
最後放棄極光(毛寶話：都睇過啦~)
咁就不如去嘆下啦~
揀馬爾他因為我地未去過~又夠細XXXD
唔使諗咁多野~
(好似全世界第10細?)
又有紅蝦食~~~~~去啦去啦去啦~~~~~~~