2023/12/18
Day 9(日本,東京 Japan,Tokyo->香港 Hong Kong->澳門 Macau)
好喇~今日要走喇~番屋企喇~咁多日我地一入房拉左窗簾就無打開過...走之前諗住打開等D自然光透入黎睇清楚有無執漏野時發現...欸????乜原來我地間房對住成大個晴空塔XXXXXD...我地過個晴空塔企係好遠a左我地望佢好耐XXXXXD今日天色好靚呀~好完美~
超準時上車~大約1小時20分到達成田機場T2~
由於行到國泰個counter發現未夠時間check in...所以我地拖住舊行李上一層去飲少少咖啡先~XXXD
飲完覺得自己仲有少少時間XXXD行下街~竟然!!!俾我係機場見到只淨一個既牛油果綠Lojel~~~~~買買買~~仲唔使我抽住上車係機場先上手~~錫我呀~36,000円=2,016hkd~好平呀~~~~~~買完個篋...我無理由就咁攞個吉篋走架嘛~~~咁我梗係要入少少野入去先寄艙架啦~~~咁我就同售貨員姐姐講放件貨係佢度先~~~我要去買野XXXXXD
然後我就買買買係咁買~~~我買左對鞋...買左野食手信...又買D精品類~~成田機場好多野買呀XXXXXXXD
雖然好耐無食過Tokyo Banana~但係米老奇包裝好靚XXXD
拿~唔係淨係我架~佢都買到一包二包架~我幾好~我幫佢裝埋架~
好喇~去check in喇~(捨得去check in喇XXD)
新篋仔同舊篋仔~兩個都咁靚仔~回程舊篋仔17.1kg...新篋仔入哂手信同鞋就9kg~毛寶自己20kg~
國泰主場香港搭商務都無得行fast track...但係成田有!!!太好喇因為佢地個安檢都勁多人~~可以行fast track就可以快好多~然後...我又係外站俾人歧視喇XXXXXD....我可能真係太乞衣~我行埋去fast track諗住遞證件機票俾個職員睇時...職員就得一句英文埋黎：Here only for First class and business class!!!...(有少少無禮貌)...我：er...I am.....然後佢先一臉驚慌放我行.....明明毛寶係我前面都無問佢架喎...做乜淨係咁問我XXXXD我真係咁豆泥佢真係咁少爺仔?XXXXXD
唔使3分鐘過左安檢同海關就去國泰個lounge啦~(本身諗住好無去日航個lounge..最後我都係揀去番佢地自家lounge)
都幾光猛..裝修有少少日式...座位好多~
座位好多~但野食唔算多~
有生啤飲~但我不喜啤酒~
咁早都係飲啡算~部機仲可以沖埋綠茶~
乜都試少少~但又唔算好多野試XXXD同埋唔係咩特別野~但唔難食咁解~(我要求好低~)
食飽主餐就攞杯酒攞杯茶攞D小食行去有窗梳化嘆一陣加望下飛機~
食飽嘆夠就行去上機~
呢個梅酒望落好勁~但個價錢又好似唔係好貴~
有一刻衝動諗過買XXXXD
終有一日我會入到你地個First Class Lounge架~等我呀~(亦有可能我之後都係入唔到XXXD)
好啦~我地搭國泰航空CX527航班係14:20由東京直飛番香港~呢程睇番個航行時間要5小時35分...咁咪仲耐過飛北海道?XXXD
拿拿拿!我終於搵到搭商務唔好既位喇!!!就係!!...個背囊唔俾放係自己前面XXXXXD一定要放上面行李櫃XXXXXD...仲要個行李櫃太吉...走哥時我唔夠高攞XXXXD...多得坐我斜後方個靚仔主動幫我手~感謝~今次呢班機無左靜靜既8人座...要揀番大客艙~
下午機有香檳飲~
坐定定我梗係最緊張有咩食啦~點知打開個餐牌...下...點心?!...同去程個餐牌一樣既??...諗諗下可能係回程機換漏左我個餐牌XXXD...我問毛寶...借黎影下個餐牌~午餐比早餐就豐富D啦~飲品應該就差唔多~
印印腳諗緊食乜哥時就有個空姐過黎幫我記低想食咩~咁佢一開始就正常操作同我講英文既~但由於我聽到佢行去我後面同某個乘客講過廣東話~所以我就請求空姐姐姐：我英文唔係幾好~請問我可摸耳同你講廣東話~....空姐姐姐：梗係可以啦~可以講廣東話我仲開心添~(然後就開展對話...睇表情聽語氣係認真開心同有禮貌既)......就係佢呢句...我記到今日.....其實國泰好多空中服務員都ok既~~不過可惜...想留住有心做又有熱誠既人(或者想個員工keep住有熱誠)...都好睇間公司......
差唔多起飛...拿拿拿!!唔好話我唔提你!回程番香港要Mark望住機長室既右邊位~先睇到富士姐架~~
滑行中見到ANA海龜機!!!!可愛~~
拜拜日本~
拿拿拿~起左飛15分鐘度~就可以留意地圖留意窗外喇~
見到喇見到喇~~~
今個旅程連富士姐個頭頂都睇埋~真係好完滿~
華!回程終於有Evian水喇~~~
安全帶燈一熄~就黎小食~又黎一杯cathay delight~正~
隔左一就上前菜~有沙律~抹茶冷麵~雜錦海鮮配日式芥末蛋黃醬~雜錦海鮮幾好味~...D櫻花蝦仔好咸香~(睇緊死屍死時四十四...勁好笑XXXD)
食到傳說中的國泰蒜蓉包~還好啦~我覺得唔夠熱~
前菜配cloud nine~
主菜我揀左焗比目魚配日式芥末麵豉醬..飯係日式鮮菇飯~我主菜叫左白酒~...我垃圾口..我覺得ok~菇飯幾香呀XXXXD
食飽飽佢收哂D野之後...華!!!有甜品車呀~~~好興奮~~~好多野揀呀喂~~~我又鄉下仔第一次見甜品車~~~
我揀左咁多XXXXXXXXXD...仲配甜品酒XXXXD...我堅掃哂D野食XXXD....之後有個貌似高級D既空姐姐姐問我個香蕉拖肥批慕絲好無食~話佢地都未食過係新出~我話幾好味...最難得係：唔太甜XXXXXXD.....明明食甜品就要甜XXXXD
華...有19moment呀~雖然我已經唔再愛...但都有係高空支持佢地XXXXD....戴Headphone聽係好聽D既~聽對岸對望聽到我眼濕濕~
D人話搭商務頭等D時間會過好快係真架XXXXD食完餐飯都個幾兩個鐘~~~當我嘆緊又猛影窗外不同日落時雲景...空姐姐姐走過黎關心我：好靚呀可~會影好多次都唔厭~....我笑答：係(加個甜笑...但後來我發現我食完飯牙罅有黑芝麻...妖~)
最後帶俾大家第二日見到既富士姐同第五天既富士姐~...經過3日~山頂積雪多左勁多~...呢個係旅行當中無為意到~...到番左後整理D相先留意到~
毛寶的靚相~~
好啦~9日富士山之旅完滿結束喇~拜拜~
總結：
1.使費：414hkd(機票用里數換淨俾稅)+14,824.8hkd(9晚酒店..出發前一晚我地去左香港機場酒店過一晚)+18,323hkd(食買玩租車)+257hkd(保險)+1,350hkd(來回澳門家至香港機場包車)=35,168.8hkd
2.拿拿拿...我無話我係去日本慳家團架XXXXD最緊要玩得舒適又開心~
3.之前溫泉旅館我就覺得最好食既會席係湯淺既栖原溫泉~但佢房同溫泉都一般既~家庭式.....今次既馥府河口湖真係可以一較高下!!...會席都好出色雖然未超越栖原...但係計埋房同埋私人風呂對住富士姐...能不選FUFU在第一位嗎?(好啦~價位不同~但係fufu各方面都令人好滿意~)
4.今次旅行係專為見富士姐而設~所以見到富士姐真係好開心好開心~因為之前哥次同公子黎落雨落到見唔到...心諗今次一定要見到~先揀個天氣最穩定既12月~出發前猛睇富士見~到出發當日又見到富士見予報可能又見唔到富士姐灰了心....諗住今次睇唔到就覺得可能我地同富士姐無緣份~就算~好彩最後見到~
5.重點係最貴哥間酒店日落同日出都見到富士姐無雲遮住~多謝老天爺爺~
6.呢個旅程我同毛寶都好鐘意好鐘意!!暫時以二人自駕日本黎講呢個可以話係最深刻最開心~(其中一個加持位係搭商務...我覺得XXXD)
7.另一開心既係..呢個咁深刻開心既旅行全個行程都係我plan~我係又靚~又叻~
~The End~
~多謝收看~
報時:距離南極阿根廷之旅2025仲有---95日~
雙位數喇~~~~
仲有好多野未做未學未買~~~~
一步步黎~~~~~
沒有留言:
張貼留言