東京富士山之旅2023-12-17第八天(晴天少凍)

7月14日...訓好耐訓唔著...差唔多凌晏兩點時發出一聲巨響!我以為咩事...又以為有人...但坐左起度到3點幾又無乜聲...先再訓...訓得3個鐘就番工...朝早以為無野做~下午又幾人頭湧湧~放工攰攰地~....7月15日...又晴又大雨的一天~....7月16日...都唔知搞咩..舊年7月都叫人頭湧湧丫...今年7月乜人都無.....7月17日...華~今朝做野黑過墨斗呀~下午又一片晴朗~呵呵~....7月18日...終於都星期五~但周末又打風(哭)…去食鼎泰豐撞到老夫人XXD…好啦俾你請我食飯啦~猛行超級市場~補下日用品..再去楊枝金撈食貓山王糖水~…7月19日…中午去左食萬豪lounge個叻沙~又買emdewbleu個凍長黑..有人話掛左一星期喎~…探豬..豬今日俾足面我同拉姨~夜晚痴痴貢後就回家了;(…凌晨掛8號..好似話日間可能再掛更高..希望受颱風影響地區都平安大吉(雙手合十)….7月20日..凌晨4點掛8號...訓到8點幾醒左見香港掛左9號我地10點掛9號...12點半再掛10號風球!!驚...因為12點起身哥時真係好響D風....好彩5點掛番8號喇!平平安安~中午同媽媽食煙三文魚brie cheese酸種包同蒜蓉包~夜晚食辛辣麵~.....7月21日...噚日休息左一日~今日番工~但唔算多野做~唔通因為猛落雨?...7月22日...華華華~今日番工番到好攰呀~~好事黎架~~要又攰又有錢賺XXXXD....7月23日...我今日中午放工飛奔番屋企時...做乜有個人同我並排跑到我咁埋~咦~原來係毛寶子XXXXXXD好開心~...7月24日...今日以為佢好天..夜晚放工佢又灑幾滴雨~....7月25日..都算多野做喎今日~..放工去左食雅憩~…同埋今日終於都買左大旅行既機票喇!!!我地落少少講~….7月26日..中午食文哥..又去葡京人飲買一送一咖啡…探豬…夜晚食鼎泰豐~



2023/12/17
Day 8(日本,東京 Japan,Tokyo)
華~今日好好天呀~不過同噚日唔同...今日除左好天...有少少凍~搭車去食飯~

第一次搭到去中目黑~








今日訂左連續6年攞到米芝蓮一星既天婦羅店みやしろ...地址：東京都目黒区上目黒2-18-11....上佢官網可以訂位~個門面勁低調~






我無記錯大約得8個位左右~如果想試記得要訂位~




呢間係食天婦羅omakase~我記得當時上網訂位要揀埋食咩set...我記得午餐平過晚餐~所以我揀左食午餐~午餐有兩個set...我揀左平D哥個~...個原因唔係因為價錢...係因為...我驚天婦羅會漏個餐太多野食我會食得好辛苦XXXXXD...17,600円=985.6hkd...過左兩年再上網睇...竟然無加價~最爆趣係呢間係毛寶搵俾我睇...佢竟然會想食天婦羅omakase~




我同毛寶係第一批到既人...佢安排我地兩個坐望住主廚最右手邊哥兩個位...主廚係左手邊哥位...右邊係..佢助手?副主廚?...我想講佢助手超級靚仔XXXD...成個佐藤健咁~~~完全令姐姐心心眼~~我地坐低叫左野飲後..就有3個講普通話既女仔黎到...佐藤健就安排左佢地坐最左邊L型咁坐..都好正常..3個人L型先可以方便傾到計...然後佢地3個用普通話交談左一陣大慨係有少少不滿咁安排坐唔係正對住個爐咁坐...然後用少少無禮貌既語氣以英語同佐藤健表達唔要3個人L型咁坐...咁佐藤健問左主廚...主廚就笑笑口俾佢3個坐正對住既位(即係我隔離)....然後佢地叫梅酒飲...佐藤健問佢地要on rock定soda...然後佢地竟然又聽唔明XXXXXD問左幾次都聽唔明...明明頭先用英文好無禮貌咁要人俾佢地調位...問左幾次不果佐藤健竟然望住我疑似想求救XXXXXD...我本身無諗過幫佢地因為佢地太無禮貌~最憎人無禮貌~但係佐藤健太靚仔我唯有幫佐藤健問你3個婆乸梅酒要加冰定加梳打水呀懵丙XXXXXD...幫左佢地一句唔該都無~係佐藤健唔該我咋~我話3個婆乸講普通話咋...我無講佢地咩國籍~(但從口音上都知一二)...最後有另外兩位食客都黎埋~






前菜係茶碗蒸...無乜記憶點~




到刺身~白身魚~唔好問我係咩XXXD正常發揮的味道~




開~始~天~婦~羅~(拿拿拿我問左可以影相架下~)






先來天婦羅必有既蝦~同炸埋個蝦頭~好食~(每人有兩隻蝦)






跟住就到呢度既招牌天婦羅紫菜加海膽魚籽~上網睇最多人講呢個~~而我地都係最想食呢個~由佐藤健遞到我手上~點會唔甜唔好食?XXXXXD






然後一系列既天婦羅蔬菜同魚...不過我有D吃不懂XXXD...因為D食材其實有D唔係好岩我口味~兩款魚D肉質係無乜脂肪好實無乜魚味哥種...食落兩款好似差唔多...第三款魚好少少~(成條炸哥個)...個薯又係質感又粉又實...我個人口味勁憎XXXXXD...




















呢個又係我不懂系列......個汁...濃到過哂火位...個蟹鉗又一D鮮味都無....我會形容為浪費我胃口~




最後既食事係天丼~佢上之前問我地要正常飯定少飯~我地要少飯~天丼上面天婦羅配料係鰻魚..佢個鰻魚炸得勁好~~~加上佢自己整既汁...配上白飯~wow~我本身好怕食天丼...但佢呢個天丼...天婦羅...剛好的醬汁..白飯簡直三位一體!!從來無食過咁好食既天丼~令我本身食左10件天婦羅飽飽滯滯既情況下都清哂成碗~出色~少可毛寶都猛讚食哂~




甜品是我討厭的羊羹XXXXXD.....好啦~呢餐我好鐘意蝦天婦羅~天婦羅紫菜海膽~同埋天丼~




wow~喜獲仙女燈皮皮一隻~




食飽要點呀?要去搵咖啡飲呀~~間coffee shop特登搭車去既...第一次去到惠比壽~




上網搵到呢間叫Joe Talk Coffee...除左咖啡...特登跑去試佢可麗露~












叫左兩杯唔同產地既虹吸咖啡...(但忘了那裏XXXD)...800円=44.8hkd/杯....仲有叫左專登黎試下既可麗露...290円=16.2hkd...都唔錯~但我覺得澳門overflow整得好食D~XXXXD...仲叫左個Florentin Financier...360円=20.1hkd...呢個幾好~~






再搭地鐵去第度...見到...係凍既...但有咁凍咩XXXD




然後黎到東京駅....行左入晶高級商場毛寶好似話搵行山鞋但搵唔到~見實在太高級~唯有去個廁所XXXXXD






見有KITTE...行下~入面有好大棵聖誕樹~同埋入面有間幾大下既snowpeak(入面仲有cafe)...snowpeak無野買但係其他舖買到帽XXXD~幾好~










商場望過對面見到東京駅~東京駅好靚~




係商場行到入黑先出黎~架觀光車襯東京駅好靚~




有少少聖誕燈飾~行到出黎見對面櫥窗有Beams~行過去睇下~毛寶知我影相佢已經放棄掙扎乖乖咁俾我影~






諗住由東京駅番新宿~東京駅個頂望上去都好靚~




喂!又俾駅入面既Beams News殺左我D錢!!係靚靚環保袋!!自己買左之餘仲買左個做當年哭福既福袋禮物~








番到新宿係某自助販賣機終於俾我撞到佢!!蟹雜炊!!!D人成日話好食我終於食到~~係機㩒出黎熱辣辣~~凍冰冰哥時食極正~




番到新宿諗住行下Tokyu Hand睇下有無Lojel買~反正搭商務可以寄兩舊行李~等我買個新既篋番澳門先~諗住睇下有無咩新色~點知....無囉....好失望~唯有又行商場XXXXXD又行Beams~




行飽街都成8點9....諗住係酒店求其搵野食~毛寶問我想食乜...我話：呢個旅程我地未食烤肉~不如yakiniku啦~~又咁岩線行過有~去食咯~




係炭烤架!!唔係電爐~加分~但現場又唔覺得好煙喎~




電話掃code叫野食~唔洗同侍應this this thisXXXXXD...雖然係得日文同簡體...算啦~起碼睇得明~




去烤肉一定要叫個沙律~如果唔係好漏架~叫左個豆腐海藻沙律~858円=48hkd...清爽~都幾夠大兜~




烤肉一定要凍飲~~南高梅酒..605円=33.9hkd...lemon sour..869円=48.7hkd...




對我黎講烤肉仲一定要有泡菜XXXXXD...3點盛...638円=35.7hkd...好平!!一大碟!!...話時話點解yakiniku點解會食韓泡?但真係好夾好好食~~




牛柏葉刺身...528円=29.7hkd...硬硬地...點韓式辣醬同吃...我以為自己去左韓國XXXXD




叫左個生蛋配特製出汁配牛食~都幾好味~~165円=9.2hkd...




叫左極上稀少部位五點盛...3,850円=215.6hkd...稀少部位先200蚊hkd....黑毛和牛特製里脊2,178円=122hkd...雞..495円=27.7hkd....








老實講...呢間野我地盲中中行入去又係遊客區黎講...真係算係咁....牛唔係話好靚哥種架喇...但吹佢唔脹又算係幾濃牛味又有炭烤味~合格有突~




食飽飽就番酒店執野啦~呢幾日旅程我就買左呢啲~














毛寶既相~



















2025/07/26的開心事：
終於可以有番報時器喇今日!!!



報時:距離南極阿根廷之旅2025仲有---109日~
一報時就得番3個月左右XXXXD...唔係~
係因為我地已經準備左好耐~
呀呀呀呀呀!!!!!!!!!!!!!!!終於可以講喇~~~~~
忍得好辛苦呀~~~~之前一直話....有個旅行...
我地由舊年7月開始籌備!!
個原因係...舊年年頭開始我同毛寶已經諗住今年要去!!
於是係舊年年頭開始留意南極郵輪資訊......
雖然都會揀下邊間船公司....但其實已經一早鎖定某間~
因為之前睇人介紹覺得間房超級靚同唔算太貴~
(我咁著重間房因為我第一次玩郵輪旅遊....間房醜我搞唔掂~
不過去南極呢D極地旅行......
其實搵郵輪公司係應該搵探險隊經驗比較豐富既~
包括可能帶到你睇既野會多d.....航行又會有經驗D
但呢種老牌又有豐富經驗探險隊既郵輪公司...
個缺點就係.............貴XXXXD我認我袋底唔夠深
如果有D太平既又唔靠譜..佢地係無自己固定探險隊
有船出先東湊西拼埋班出船...就會無乜經驗同默契
其實我哥間好新......都係膽博膽XXXXD但佢真係平D)
揀定船公司就到揀行程....11月同3月淡季出發會平D...
旺季12月至2月爆勁貴~~但當然睇到既野多D~~
(鯨魚會睇到多D..企鵝BB又會係呢個時候出世~)
本身諗住揀單島(淨南極半島)..心水係12中出發...連埋出年一月..
放兩年既大假咁去....但係.......
因為單島係阿根廷烏斯懷亞出發.....
大概10日8日就搞掂..船多而且平D...
但係就發現我地好想睇既國王企鵝原來揀單島係睇唔到(哭)
一定要揀三島...先會睇到...我地揀哥間公司...
而三島有分出發點係1.阿根廷烏斯懷亞來回...
(但係時間係26年1月中..時間唔岩加勁貴...)
2.阿根廷布宜諾斯艾利斯出發烏斯懷亞落船
(呢個都幾理想但係超級勁爆貴XXXXXXD)
突然睇到....
3.南非開普敦上船...烏斯懷亞落船..
我見識少第一次知有得係南非上船去南極
(時間可以就到但要放棄用兩年大假呢條橋..
要用今年全部假加儲落既假一次過放...
價錢.......平一半~~~~~~~)
所以......觀察佢價位........然後到第二難....
問老闆提前申請放假(早一年四個月問XXXD我係老闆我會拒絕)
舊年某日膽粗粗問老闆....點知佢又肯喎XXXXXXXXXXXD
所以係舊年7月.....我地就落訂了XXXXD
(因為你一係食early bird...一係等last minute速銷...
咁梗係last minute平d...但我唔係話行就行人士XXXD)
因為依家睇...我間房已經貴左3000美金~
最近俾埋尾數.....噚晚買埋張大機票.....終於可以講喇~~
係烏斯懷亞落船之後~~我地就會合埋大比阿sam係阿根廷玩~~
要行毛寶一直好想行既山~

好興奮呀~~~企鵝鯨魚~阿根廷牛~~king crab~~我來了~~
我個人生夢想之旅行就快出發了~~

我小時候既夢想之旅要實現了~~多謝毛寶陪我癲~~

希望成個旅程順順利利~~~~~~~~

(我一直以為...我40歲前就已經去到...最衰疫情浪費左我寶貴幾年旅行時間.....再不旅行就老了)