2023/09/30
Day 2(日本,大阪 Japan,Osaka->京都 Kyoto->大阪 Osaka)
早~今日諗坐去京都行下~夜晚又無大阪有節目~所以諗住今日早D出發~明明我地酒店連住既JR站都可以去到京都既點解要貢出黎?
我地今日諗住唔搭JR去京都~諗住搭阪急電鉄~咁我地就去最近既阪急 大阪梅田站...我想講D車站入口都搵到人R哂頭...呢個站就行到去梅田阪急百貨公司就會見到有指示牌...但當初係地圖搵又搵唔到XXXD亂糟糟~
買飛大同小異~車費410円=21.9hkd
本身想買完飛入閘~但見閘內無野食買~我又有少少肚餓~我地想搭既車又未到~去買野食先~
好開心~有Lawson~其實我都幾鐘意食日本D便利店既三文治~(尤其Family Mart既蛋沙律三文治~)
配埋Lawson咖啡..世一~
食飽差唔多時間就入閘啦~原來呢個係站頭...我好耐無見車站站頭係掘頭路..有無人知我講咩XXXXXD)
點解唔搭JR特登要黎搭京阪電鉄?..因為我地係特登黎搭呢度既快速特急「京とれいん 雅洛」呢班車~~因為之前睇周老師既周遊系列推薦呢個車箱好靚~~格格車箱都唔同架~~重點係車費同搭普通車一樣~但每日得4班車~如果想搭就上網睇定時間啦~同埋唔係日日有架~要逢星期六..日..國定假期先有~同埋快速特急淨係停呢幾個站~我地今日會搭到去烏丸站~0932發..1013就會到烏丸~
不過好難影~因為車一埋站全部人會衝上車XXXXXD...有D位好靚係自己一格格而且向窗既~建議你見到即坐~唔好再望其他~因為無指定席架~有可能無位坐要企架~
我地好辛苦咁搵到一齊坐既位XXXXXD都幾得意既~到烏丸站先影番我地坐哥排無人既櫈~
到左烏丸站~好早~我地出發前其實有兩個選項既...中午去食周老師之前推薦既食京鴨既餐廳(望落就覺得正)...另一選擇係熱潮剛起既挽肉と米....開頭諗係兩間都食~但又覺得唔夠時間...本身想上網約挽肉時間...但full哂....於是我地決定...不如試下行去挽肉望下咩料...好多人排既話咪唔食安心去食京鴨囉~
行緊去時見到河川~走走影影....爆勁熱...成頭汗
好喇~行到黎挽肉と米...咁筍?無人?地址：京都府京都市東山区清本町363....點知原來係個個攞哂籌或訂哂位...問佢攞籌要幾點有得食...淨番13:30呢個時間...咁佛心正式午餐時間又唔係天地時間?...食!
咁依家先11點~周圍行下打發下時間先~D懷舊店都好好睇~
喂!等食飯空檔有人都買到野XXXXD
經過呢間見佢櫥窗D香薰幾靚入去望下..不過幾貴~
行經商店街...
然後行經Beams..我：喂...好熱呀不如入Beams涼下冷氣啦XXXXXD....點知每人一袋行番出黎~我買左個布袋(依家諗緊擺左去邊一次都未用過XXXD)..同埋頂made in Japan既帽(一次都無用就俾我洗round左)....
然後行過呢間都幾吸引~呢間主要係賣衫~但係佢賣D野食仲出色XXXXD...幾出色~個葫蘆餅仔幾好味XXXXD
好啦~到左預約時間就行番去挽肉と米食飯啦~佢話俾我地知我地個位係邊就自己係機度揀野食同俾錢~
坐正係烤烤前~可以睇坐佢烤烤烤~
望下佢枱有咩...有張介紹既紙...少少調味同餐具係櫃桶~
黎日本之前已經睇人地D reels都知佢好多調味料同醬菜....務求每一啖你都好可以唔同味去品嘗舊肉餅漢堡(俾我講到cheap哂XXXD)....唔揭開佢黎影相喇衛生問題~自己去感受~
好咯...第一舊來了~佢會放你前面個微微烤架上保溫(?)
咁我地叫左最普通哥個set~1,600円=85.4hkd...有3舊漢堡肉...一隻蛋...一碗湯...飯任食..野飲另外叫...大約700円=37.4hkd一杯
期待下食一口....我地兩個都靜左...XXXXXD......我覺得...唔係我口味囉XXXXXD....舊野...好咸..好重味...(唔好話係因為我熱氣XXXD)....重味到我淨係食到咸味無其他味食到XXXXXD...我有添飯因為無飯真係咸到食唔到落去~...我覺得配咩醬都無補於事XXXD....呢度最好食係佢D醃蘿蔔XXXD....
出左餐廳我地就猛怪自己...做乜唔食京鴨XXXXD...我當時後悔極了XXXD好啦~搭地鐵去第度~好威呀我識搭京都地鐵~我地係挽肉と米行去三条京阪站~搭東西線去烏丸御池站~
係站行過黎只需3分鐘~就到左毛寶指定要行既新風館~由舊建築物翻新改建而成~新舊融合~入面仲有間酒店...之前係YouTube見D日本人住過好靚....毛寶話有機會去住下~
我地就黎參觀下同行下街~佢都有好幾間唔同既舖係度~
去左我地試哥間cafe先~叫(THISIS)SHIZEN...周老師有介紹過~簡單野飲同甜品~有D植物賣下
我地叫左每人一杯咖啡...同埋重點試呢個Ice Bouquet...叫左Blue~1,350円=72.1hkd....其實我一早知唔岩我食XXXD但幾得意幾靚~忍唔住叫~
係靚既唧到D花~但係和菓子質地同味~我好怕甜~
呢間周老師都有介紹~龍蝦天婦羅...都想試...又諗起頭先自己哥餐....
又周圍行下~睇下黑膠~好似記得無收穫
呢度都有Beams~好似呢間專係賣made in Japan既野(好似係...不負責任)
早D走喇~今晚仲有行程~我地搭地鐵由烏丸御池站到京都站~再由京都站搭JR返大阪站~搭到新快速番去~唔使停咁多站~
番到去見仲有時間...我地就行下梅田間任天堂睇下我地依家好鐘意既PIKMIN~位於梅田大丸13樓.....聽講岩岩開哥時多人到要抽劵先可以入~好多MARIO既精品~
不過可惜...佢出關於PIKMIN既精品都HIT唔中我想要既類型XXXD....唔亂買喇~
毛寶雖一有買既一千零一盒食玩....不過要抽既....我地想要岩石仔.....毛寶諗緊抽邊盒時...見隔離小朋友秤重咁秤D盒....佢都跟小朋友係一盒全新既食玩逐盒係手秤下(因為我地鐘意哥隻岩石仔比較大粒所以應該係比較重)....終於....................
小朋友多謝你~~~~~~~~~~~~~~~抽中~~~~~~~~~~~~~~~
我無野買...我係任天堂攞個金盆算喇~發光花好靚~XXD
好啦~我地今晚仲有一個特備節目~依家去搭地下鐵~
我地係梅田搭御堂筋線去長居站(都搭成10個站)...黎到長居公園~我地今晚要黎大阪既TEAM LAB!!我預先一早係kkday買定飛~揀左6點半-7點半入場....每人96hkd...都唔貴~
咁佢係夜晚先開既~因為佢係燈光裝置所以夜晚先有~佢有好多個區域參觀~我地先去參觀呢個會發光變色細蛋既區域....老實講....一行到入去.....我就唔覺得好靚既...因為紅色綠色燈光好詭異XXXD.....同埋人好多..好難影得靚~
係之後行到某一個位影哥個位係無人行到入去既區域同埋佢變左唔同色先覺得靚少少~
跟住呢個係吸引我黎呢個TEAM LAB既展品~~D圈圈係會不停咁轉~~~~~所以你唔同時間睇呢個展品都會唔同~~~~不過呢個位淨係影到兩幅平面...有個位會影到3幅....影少少陣間再影~我覺得D圈圈好梵高~
呢一個區域就係高過人既大發光蛋~你拍下佢會變色~如果呢個人少D影相會幾靚~
另外兩個展區~呢兩個就一般~
呢個我都幾鐘意~係個湖上面放好多盞燈~~個感覺好平靜好舒服~
呢邊可以影到3面喇~~靚~~~如果個天氣無風仲可以影埋倒影~~
好啦~咁我地本身諗住睇下長居公園入口有無野食食左飯先番去啦~但真係無野食~唯有搭番10個站番梅田先~最後番到去又係Lucua上面D餐廳解決~求其揀左間食蕎麥麵~
叫左梅酒同Lemon Sour....各550円(稅込)=29.4hkd
我叫左鴨蕎麥麵~1,760円(稅込)=94hkd...我覺得都幾好味~同埋佢有D柚子皮落去...幾香~
毛寶叫左個菇天婦羅既蕎麥麵~都唔錯~1,760円(稅込)=94hkd
睇收據原來仲叫左個鰹魚同唔知咩豬小食~但少可我無影低~今日食左6,820円=364.2hkd~
今日去京都好有收獲~~~~收到好多個新盆呀~~~
毛寶影既相~
2024/01/11的開心事：
見到豬豬<3
(雖然臨走佢又西我地面XXXD)
哈哈~
今年諗左一陣子...好唔好同3個老小孩去旅行好~
因為我地今年行程排得有D緊張XXD
但係毛寶話：去啦~佢地年紀大喇~去得一次得一次~
咁就諗下個地點...去邊好呢?
開頭諗住等佢地舒舒服服輕輕鬆鬆去沖繩..
諗諗下....唔....不如試下去北海道睇花咯~
所以...................
報時：距離公子復活節曼谷之旅仲有---96日~
報時：與老小孩s北海道賞花自駕遊之旅仲有---140日~
沒有留言:
張貼留言