2023/09/29
Day 1(澳門 Macau->日本,大阪 Japan,Osaka)
一個旅行緊接另外一個旅行寫XXXD因為我發現呢兩年既旅行都堆住未寫XXXXD(又係幸福忙~)...好啦~咁2023年開始旅行第一站揀左無乜人既法羅啦~咁毛寶小孩生日...梗係揀日本啦~~~話哂成3年零9個月無去過~咁短短地得4日...澳門直航之下...就揀我地成日好鐘意去買野既大阪啦~~~早機都係咁架喇~個人浮浮腫腫咁~
華!!好耐無去過澳門個PP lounge喇~~~無見3年幾...好似裝修左~~
都好爭氣~襯前幾年無人用就裝修~隔離仲有PP lounge first!...但我好耐無儲佢個積分計劃...有排都未試到...不過就算試我都會試香港~
仲有俾小朋友玩既地方~
其中一樣唔好既係...點降要用簡體字呢請問?
另一樣唔好就係...早餐無乜野食...要錢入黎我寧願七街食麥當勞~
野食少之餘...仲好難食.....香港哥碗真係好食好多好多XXXD
食完野行出黎發現....澳門機場好似大左咁既?!學人有成19個閘口!XXXXXD...大拿拿19個喎~
華!係空橋呀!華!唔通俾面生日哥個XXXXD...我地今日搭澳門航空NX855航班係08:15由澳門直飛日本大阪~~~~出發時行李得9KG~以前澳航得20kg行李...依家係25kg~
帶阿豬出發~點解你個樣咁得意既~
哥陣時臨近中秋~有月餅食~但係呢個飛機餐我唔夠膽食咁多....坐我隔離哥個另一個乘客...上機有戴口罩...一上到機坐好就除口罩....但佢明顯係勁病...猛咳...唔戴口罩又猛咳我真係接受唔到...求其了兩下你唔戴口罩我全程戴...呢程機播既係內地戲..忠犬八公~
大約3個半鐘就到大阪~日本快一小時~12:45就到~
上網一早做好申報...但分開幾part做...覺得麻麻地煩XXXXD...半個鐘左右過左關~唔算耐又唔算快~好掛住呢個櫻花富士山貼紙~
好啦攞咗行李我地就行去搭車啦~我唔搭JR出去架XXXD...我同毛寶好懶~鐘意搭巴士~
行到出巴士站...我地住梅田既...咁搭去大阪駅前就係5號月台~咁去番呢個5號巴士站買飛~當時碌卡匯率係5.34...100円=5.34hkd~
由於我地回程都係坐巴士~所以一次過買往返~因為來回買平D(要14天內完成來回程)...來回車飛係2,900円=154.9hkd...平均一程大約80hkd~舒舒服服都ok既~(忘了當時單程係幾錢~)....依家再上網睇來回車飛來回已經要3,300円=176.2hkd...單程1,800円=96.1hkd
買左飛就掛隊順序上車...由於架車T2開出...我地係T1...所以係T2已經上左好多人~所以T1唔係上得好多個~不過好彩..15分鐘有一班車~
華~好好天~
多人上車到XXXXD...會問你通道位坐唔坐...坐!如果唔係咪有排等~
我地由舊年7月開始玩一個種花既日本game叫pikmin~都幾好玩既~種出黎既皮克敏又好得意XXXXXD...種花種到去到原產地日本玩~好興奮~因為玩呢個遊戲第一次外地玩~之前一直都係澳門玩~hehehe~一路坐車出去一路玩住pikmin收精華~~
係路上就發現有個大火蘑菇!!好野黎架!!多精華~~~好勁呀我一黎到就用免費飛入到!(仲要頭5個入到)我猛叫毛寶入...點知佢訓左無留心full左~睇下個大蘑菇係地圖上係幾咁大~(我個樣似唔似我XXD)
然後一路坐車出市區...沿路發現...好多一般菇都勁多人入....咁我頭先入到大火咪好勁!(自從我同毛寶玩呢個game之後我地兩個D對話勁毒L)
其實本身車程就大約一個鐘~不過去到大阪駅前附近就...好塞車...大約個半鐘先到~
到左酒店發現!!原來酒店附近有任天堂shop...所以有一棵發光花~每日可以攞一次金盆!當時係攞藍皮馬利奧XXXXD(其實我之前係澳門整個任天堂acc已經攞左~不過想要多幾隻跟我出街散步威威XXXD)
然後去到大城市見到...下!乜原來D菇會滿額架??俾飛都滿額?好勁.....發現市區原來好難爭入菇XXXD
咁大地係大阪駅前落左巴士~就行入車站既中央南口~
又住番我地住慣住熟係車站入面既Hotel Granvia Osaka~
3晚酒店連稅3,424.8hkd...每晚1,141.6hkd...每人每晚係570.8hkd.....真係住咁多次係貪佢方便架咋XXXXD....今次住落...我以後都唔想再住XXXXD已經俾多左少少錢住大少少既房...但張床極度極度唔好訓!床好硬枕頭又太高...我3晚都訓得唔好....望出面係訓車站頂~XXXD
華~好耐無見既壽司牆呀~未食中午飯~買兩個壽司咬咬先~今晚都夜食飯~
零食牆呀~但望完又無乜吸引~(唔通我長大左?!)
係得呢樣幾吸引~不過最後唔記得買XXXXXD
好啦~好耐無係大阪行街街喇~~第一站行Hep Five...地址：大阪府大阪市北區角田町5-15.....
好~耐~無~影~過~佢~入~Beams~喇~~~驚!行一圈無野買!
Lowrys Farm....無收獲!
我最鐘意行Disney store~不過好多時齋行無幫襯~不過我鐘意望XXXD勁怪晚藍綠色史迪仔爆谷XXXXD
老夫人最鐘意既三眼仔XXXXD買黎送俾佢~包靚靚的~
再行埋扭蛋夾公仔~但無我想要既野~我地兩個行完Hep Five...一樣野都無買俾自己....慌喇慌喇~
再揀行埋阪急....有D明明係毛寶平時鐘意既牌子...行到去...我：唔入去睇?....毛寶：外面望下先.....(做乜唔入去望XXXXXD)....最後望一陣....毛寶：家陣佢D衫咁醜既?....XXXXD...點知阪急都係無野岩我地無野買過XXXXXXD慌喇慌喇~行左兩個商場都無野買過~失哂信心XXXXD...呢個車站真係好拿多人....
好啦食飯前最後一站行番我地最鐘意行既酒店對面既Lucua同Lucua1100...
地下層人地已經有收獲!
你就好啦~買到日版咁靚靚~(好似同我係澳門買既高筒差唔多價錢)...我都想買...不過無我碼；[
女仔買鞋無我碼...我就唯有毒L上身去出面車站放探射器XXXD~Yeah~有大阪車站抽到~
巴閉囉~
本身想買Laduree食~好耐無食~點知毛寶話就食飯叫我唔好食XXD
果真Lucua我地先會有野買!!Danton有新款!!我買到野喇~~我買左後面杏色~~(唔知點解好耐無去日本..入親間間睇岩野問佢有無new one既時候..佢都話無；[...明明有D係新款...都話無...)
下!!皮皮扭蛋!!下!!完售...想要皮...
好野~好耐無行過Loft喇~
每年買一個Maru月曆俾大比呢個傳統可以延續喇~
仲一次過買哂一年量既公子生日卡~
我買左呢個袋~~好鐘意~毛寶幫我揀架~依家成日去旅行都有用~~
有Tom & Jerry既pop up~點估到呢個人會買公仔?(之前呢個人試過係Disney買過隻大大既鵬鵬)..猛咁讚隻手仔好得意
之前疫情屈係澳門...猛咁去某間賣露營野既鋪頭買Snowpeak既野....出發之前諗住去到日本實猛買...點知毛寶一樣野都無買XXXXXD....有時D野佢真係好反高潮XXXXD佢話太多野俾佢揀令佢好眼花撩亂XXXD....澳門間露營店精選哂最好既野佢先入眼XXD
Mont-Bell又話太多款睇到佢驚XXXXD麻之煩
北面又係好好買既~
好喇~行完Lucua有人終於都一依二袋喇~我放心哂~
番酒店放低D野我地就去晚餐啦~生日晚餐我地揀左好耐無食而我地都好鐘意食既玄品~~今次無揀東通哥間~揀左曾根崎新地哥間~之前係澳門已經一早訂定位同餐~(好似無俾過訂)....地址：大阪府大阪市北区曾根崎新地1-3-9....係B1...酒店行過黎10分鐘左右
上次去東通哥間爆炸多人...呢間...一個人都...無既.......(我地約8點45分...因為想行盡每分每秒)...食到最後埋單哥時都係得我地一枱XXXXXXXD....如果我同毛寶講我包場同佢慶生佢都會信XXXXD
訂左呢個A5等級既天然河豚餐既~壽星生日一定要食全8品!!!16,000円(稅込)=854.4hkd/set...記得如果有天然一定要揀天然..雖然貴D但真係彈D好食D~
野飲就叫左河豚鰭燒酒~~880円(稅込)=47hkd...D円平...真係好抵飲~好耐無飲...好~恨~飲~....好香呀~
祝你生日快樂身體健康~愛你的人同你愛的人都常伴左右~
先黎涼拌河豚皮同薄切刺身~
以前有得揀厚切同薄切刺身...依家系統默認係薄切...其實我鐘意厚切多D~以前佢厚切會撈D好似韓式辣咁既調味...懷念~而且厚切個口感會更好~不過咁耐無食~乜都好架喇~
跟住到炸河豚~好食~
到燒哥Part佢好似有4種味揀~我地揀左一個辣一個唔辣...詳細係咩味唔記得XXXD...都ok既~
飲完燒酒叫左杯桃汁飲~可能今日無乜飲水個人好乾...飲D甜野凍野覺得好正XXXXXD
到火鍋~~~
最後到雜炊~話實在...都係好味既~但係....無左之前黎食哥種非佢不可既感覺.....唔知點解...好似唔同左味咁...然後我諗...可能唔係味唔同左...係咪因為中過肺炎...所以唔同哂味?
甜品~柚子雪葩~
兩個人食左29,760円(稅込)=1,589.2hkd~..我依家寫blog...先發現...佢無計我後加哥杯好解渴既桃汁
食飽野番酒店途中劈埋入大國藥妝XXXXXD
係我好鐘意買既痱滋類別XXXXD...之前哥D過哂期~
最近鐘意用呢隻~細粒598円(稅拔)=31.9hkd...大粒698円(稅拔)=37.3hkd...細粒有成百粒..都幾抵玩XXXXD
呢隻用開~一支滴3..4次度~一盒有30支...548円(稅拔)=29.3hkd....真係好抵XXXXXD
之後到發現呢隻一盒4小支...每支可以滴10日既...每盒498円(稅拔)=26.6hkd...純人工淚液...無防腐~
養潤水都係每次必入~598円(稅拔)=31.9hkd...澳門賣80mop...
買到一袋二袋~好開心買齊自己要用同人地要既野~
我唔知點解我想食又無買XXXXD淨係影左相
實在好口渴~又買菠蘿汁飲~好味~
2024/12/28的開心事：
我地最近覺得….自從去完沙特子…
豬子就對我地好冷淡…
於是我地今日決定一入屋就扮唔在乎佢唔叫佢…
等佢激起對我地既欲望(欸?)
點知真係workXXD…..
佢平時好快彈開….
今日佢企左好耐求我地關注XXD….
工業行動..成功!!!
(兩個小學雞的成年人?)
雖然岩岩先係曼谷番黎..
但唔知點解番黎已經好想再去XXXXD
所以番黎望下機票....
復活節都唔貴喎XXXD仲覺得有D平~~~
唯有~~買左機票先~~再問下有無公子想Join~
依家除左我同毛寶之外...暫時有....
一人加入XXXXD....暫時都可以改叫公子之旅XXXD
報時：距離公子復活節曼谷之旅仲有---110日~
沒有留言:
張貼留言