天團蘇格蘭高地之旅2018-10-20第七天Part 1(陰天及後轉晴)

星期五....凌晨5點頭痛到炸開~~起身食藥....然後訓唔番直到起身番工.....................由於三八婦女節...超多野做....明明我都係呢個節日既其中一份子..點解我無得享受~~~放左工去食左日本野~~之後就去左上堂~~~星期六.....我呢日一早起身就唔開心...唉.....中午食左terra.......下午剪髮.....夜晚去左食鼎太豐…然後去mgm cotai睇Jabbawockeez…番到屋企又開心番~~…星期日…今日同噚日既心情差超遠~~~一早起身就肚餓~~同左菓子軒去順軒飲茶同阿二姨慶生~跟住番屋企切蛋糕~~夜晚痴痴貢~...星期一.....好多野做呀喂…仲俾人怪我多咀傾計…大佬呀…查實…我都係一個人黎既…同人講幾句都係舒緩壓力方式既一種…放左工去跑步…跑左3.5km…星期二…喂…搞咩呀…今日好難頂呀…啲客又冤又煩…仲要無肉食呀…要追數既我只係僅僅達標…啲籌做極都做唔完…放工哥刻我真係望住屋企樓下7仔諗住衝入去要買一堆零食塞哂入口架喇…點知戲劇性地我撞到Diana XXD…停低傾左兩句…我止住了我的零食慾望XXD…回家火速換衫去跑跑…今日3.5km…(今日真係有兩個同事一放工去左買零食塞入口架XXD)…星期三…今日就個客坐係我面前塊眼皮都就快合埋…唔知點解…我以為得我一個係咁…點知我行過某人身後…佢一拎過黎望住我個樣超梅然後用口型同我講好眼訓XXD…放左工去上堂…星期四…唔....今日無咩特別....特別在.....今朝有有同事幫我買我想試好耐既煎餃做早餐~~~~....呢個禮拜都幾攰....好彩聽日已是星期五~



2018/10/20
Day 7---Part 1(北愛爾蘭,布什米爾斯 Northern Ireland,Bushmills->巨人堤道 Giant Causeway->鄧路思城堡 Dunluce Castle->Ballintoy Harbour->卡里克吊橋 Carrick a Rede Rope Bridge->The Dark Hedges)
早呀~訓醒就去食早餐啦~~~華~我地早到得我地兩個到餐廳~~




佢攞野食張枱又唔係好多野既je~但我地都可以攞到成枱野咁~.....佢叫我地攞左野食坐低先....原來佢仲有個餐牌架~叫我地揀野食~~~




我揀左呢個~~~~~~啡菇好吃~~蛋好吃~~~煙肉......太厚....阿sam叫佢做豬耳煙肉....個形都幾似~我鐘意食薄煙肉多d~要煎得脆脆的那種~




我地坐窗邊位呀~一路食一路睇住窗外.....華!!有太陽咁喎好似!!!快d出去玩咯~~





check out後車都唔駛出住呀!因為個景就係酒店隔離呀!!襯依家有日光....影番酒店外觀你地睇先~Causeway Hotel~




影完上面張相拎轉背就係景點入口~~呢個景點係巨人堤道(Giant Causeway)




點解話推薦呢間酒店呢?原因一...除左酒店同景點極近(2分鐘).....你唔使一早就揸車過黎...可以食完早早慢慢行過去~原因二...架車可以泊係酒店停車場.....原因三....Check out左之後酒店會俾番張套住房卡張野你....你係景點收費處出示....就會免費入場!!!!!!!!!!!!!!!!!!!!勁唔勁!!!!!




去到收費處出示房卡套!就會攞到入場劵~~原來成人要成£11.5=119.6hkd/人架!!!....咁4人就慳左成478.4hkd!!!!!!





你仲可以租耳機黎聽聽呢個景點既介紹~(我梗係無租啦~~租左我都唔會留心聽既~~我專注力可能有d問題XXD)




好喇~睇睇行邊條路先~好似有兩條路可以行...一條上路一條下路....如果要近距離接就行下路....上路就係高處睇啦~但上路好似要行耐好多的~睇下佢~成個阿Sir教緊書咁~(個真樣佢話唔可以出街...都幾招積的..你地睇唔到真可惜~個豬鼻都幾襯你~)...我地係行下路~






沿路行落去~其實有穿梭巴士的(當然要錢~好像一程£1=10.4hkd).....行落去無咩野既.....但行上去....我個人認為可以坐下囉~~~~~~~~~~~~~~~~~~~~~~~~~~






睇下一粒粒雲幾靚~~~~呢段路都有少少大風~~





一路行已經見到少少六角柱喇~~係喎~唔記得講~~呢個巨人堤道就係睇好多好多六角柱~~想睇點解有咁多六角柱~~呢個blog係俾唔到呢d資訊你架~~~~你明架啦~~~~~XXD...我呢個唔係資訊性既Blog~~~~~




行到落底喇~~~~~~~~~~~~~~~~~~~~~~~~~~~華!我地已經好早架喇喎~~~~~仲有人早過我地~~~~~~~~





好神奇丫~~~點解可以條條柱都係六角形???大自然真係好奇妙~~~~~~~~~~~~~~




由於要避開人群~~我地決定攀去另一邊~~~~點解!點解呢個人攀岩都攀得咁有型?




你地又有型~好彩都唔算太難攀上去~一級級咁好似行樓梯咁行上去je~




呀~上到黎~如果要影唔到人~~要行前過佢地先~~




成功~~~~~好靚好有氣勢呀~~~~頭先仲有少少陽光架..一下子又變了陰天~不過唔緊要~呢種六角柱都係襯陰天Cool d~





同埋呢~佢越近海哥d六角柱呢~係黑色架!!好有型呀~~~~~不過最好唔好行咁出呀~~~勁大浪大風~






咁有型既!邊個影架!




hehe~咁岩線後面d海浪都有氣勢的配合我~




毛寶發現左野生澳門精靈一枚~話要幫佢影帥照~~隻小精靈真可愛~~~~~~~~~~~~~~~~~~~<3




一系列帥照~~~







我都影得唔錯架其實!




呢張真係有少少老人與海XXD




帥合照!





有無睇到呢張相既重點係咩???係撻心型水漬呀~~~XXD




雖然我地好有型~但有時合照都可以唔影樣既~用鞋黎影合照一樣咁有型~





呢舊石岩岩黎哥時有好多人企係度影相!!!!突然無哂人!!即影張~~




好喇~影飽喇~走喇~.....走既時候你睇下...人多到....(而且你估都估唔到....最多既遊人...唔係鬼佬.....而係........你自己估啦....我真係估唔到有咁多....)...............好彩我地早到咋...我地應該9點鬆到...過左9點幾越黎越多人...所以點解要住哥間酒店~因為要早到~人多真係好難避開影帥照~





都係我地醒~岩黎時無俾紀念品迷住~去睇左景先慢慢買野就唔怕多人啦~仲有小展覽介紹六角柱~你覺得我有無睇?XD





我覺得呢間紀念品店d野算係幾高質!唔敢想像又有六角柱又有極光會係點!




呢3張postcard我都有入手!!!好高質!!影得好靚!!下圖哥張仲要係木質油畫postcard!!(唔係有靚景就會有靚postcard架..你睇玻利維亞天空之鏡就知)





有postcard又點少得郵票?....俾錢時見到成套六角柱郵票!!成套買!!!!我要儲齊成套!!!!!超靚!(但寄左好耐先番到澳門...呢批有成個幾月)




磁石也是超級高質!!!!!連我地呢日既另一景點卡里克吊橋(Carrick a Rede Rope Bridge)都有!!買埋先~





六角柱立體朱古力!!!係幾靚~但我無信心食落肚~




好啦~買飽就出發去我地下一個景點~




我記得好近~大約10分鐘車程~到喇~見到喇~




泊好車其實個景充係前面~就係呢個鄧路思城堡(Dunluce Castle).....你係可以選擇俾錢入城堡睇既~




但我地選擇左~唔俾錢入~行遠d影全景~(畢竟有d景置身其中其實係咩都影唔到的~)...紅色箭咀係城堡~藍色係停車場~沿黃色箭咀行~




咁樣影番過黎咪仲正~位於海邊的城堡~影完沿路跳番上車~











跟你們說一個很無聊的故事..有時間才好看唷~
你地跑步會唔會一路跑...
一路諗d野黎獎自己架?(我多數諗野食)
我星期二一開始跑哥時....
兩行鼻涕已經開始sir緊落黎...
但係我唔抹!
我同自己講：獎你跑到3km時抹鼻涕好無?
然後我流住兩行鼻涕一路跑...一路索鼻..
唔知同我迎面跑既人有無見到我條人中好閃令令?
終於....跑到2點幾km既時候....
我實在忍不住了.....因為鼻涕已索不住...
差不多流到落咀唇邊!!!
我忍痛提早獎自己抹了~~~~
呢個故事係咪好無聊?XXXXXD



2019/03/14的開心事：
一定係聽日係星期五!!!!沒有比這更開心~



報時：距離六公子峴港嘆世界之旅2019仲有---20日~
報時：距離北非摩洛哥之旅2019仲有---41日~
報時：距離狂歡三寶台北快閃瘋食之旅仲有---83日~
報時：距離九州自駕遊之旅仲有---205日~