天團蘇格蘭高地之旅2018-10-19第六天(微雨)

星期二....朝早d生意差到我以為自己今日唔達標!...點知下午又黎個鯉魚反彈~~~~人地好想今日放工跑步架...點知對鞋濕左仲未乾....嗚嗚嗚....星期三....華....今日番工差d無命呀~~俾個客瘋狂發炮~~~好彩支炮唔係好對得準我~~玩左咁耐仲差d唔夠數收工~.....放左工番屋企食埋飯就去上堂~(食飯前我仲買左張機票...哈哈).....咦...上堂期間好似話下幾堂有狗仔玩...緊張~~星期四....落左成日雨...仲要幾大雨下~唔知係咪因為咁....個頭有少少赤.....我其實想今日放工去跑步...又落雨....唉...我諗住新一個周期今個禮拜好好努力架嘛!好野~~~番埋聽日又要過周末了~~~~開心~~~~~~



2018/10/19
Day 6(北愛爾蘭 Northern Ireland,Finn Lough Resort->Cuilcagh Mountain Park->布什米爾斯 Bushmills)
喂~祝我生日快樂先啦~~~呢日一早起身呀~睇下~天都未光~




刷好牙係自己房食早餐~其實呢間酒店有包埋早餐既..不過我地呢日有行程要早出發所以就唔食啦~整個啡先~呢兩隻口味都唔錯~





呢日食酒店送既曲奇做早餐~




好彩無拖gip咋~~~走喇~去check out喇~噚晚去食飯就係行呢條路~但係黑munk munk的~





好啦~離開Bubble Dome再~出~發~今日天氣好像麻麻~





首先去左入油先~入油舊野好懷舊呀~會跳的數字令我諗起以前機場d航班跳字版~





呢次小試牛刀...入住£20=208hkd睇下咩料先...都係自助入油...入好就入去睇職員講你幾號油槍俾錢就ok~




找錢找番兩張北愛爾蘭既英鎊~又影俾大家睇睇~




咦!!係咪俾面我生日好天呀?!





好喇~我地今日既景點就係Cuilcagh Mountain Park入面既天梯喇~~~實在係對我既生日大考驗~~~生日行6個鐘山呀~~~~~我地今日係行橙色箭咀既Cuilcagh Legnabrocky Trail....咪睇好似好短呀!來回有16km架~




好~~~係威係勢咁影張出發照先~~呀~~~~~~~~~




本身戴左遮陽帽的...行行下.....勁大風.....吹到頂帽就黎要飛走....再加上.....er.....好似開始無太陽添................






感覺上周圍好荒涼~~乜都無~~~好彩有大比借支行山枚俾我同毛寶~有行山杖真係爭好遠~





可能有人係度養羊....所以有時會行過d欄~但d欄鎖住的~佢就會有呢d樓梯俾人係欄側邊行過去~但小心...周圍有好多屎...極臭~




er....hi......我無心話你地d屎臭架..........你地唔好黑我面啦我走先喇~~~~~~~~~黑面羊係你一行過會成堆羊望住你~~~勁恐怖~





連人去既廁所都霸埋~~~~




突然有一撻紅色植物~幾靚~




查實...都幾攰~因為都幾斜..同埋係碎石路~身邊不停有外國人經過我地身邊......然後最後都超過我地比我地行得快超多~(我幾鐘意佢地迎面行大家見到會大家say hi~)




哈哈~踏上這~無盡~旅途~~~~~~華~~行極都仲係咁既~~~行左個幾鐘我忍唔住要求停低食d野~~~~~~~即刻係書包攞番噚日下午茶食淨既三文治鯨吞入口!!!!!!!!兩件三文治到肚...我個人都安心d踏實d~(我記起上次馬達加斯加差d令我無命既尖石林XXD)





越行得高...天氣好似就越差.....視野又低...




然後行到去有d標誌性既野喇~呢度仲要有木板地行~我係咪距離成功不遠矣?






但....你想像到嗎???行左大半個鐘.....仲係咁既畫面.........................




我地.....行到呢度.....決定......放棄喇....................因為....我地估計就算俾我地行到上天梯........望番落黎.....個景象都係得霧....霧....同霧....................算啦!果斷回頭喇!又大風又有雨...吹到我紅都面哂!




或者俾大家係咁意睇下我地挑戰失敗既天梯啦~其實真係幾靚既~你都可以自己上google打Cuilcagh Mountain Boardwalk你就會搵到好多靚相睇~可惜呢日山上天氣不佳啦~算啦~走喇~





算啦~走喇~




行番回頭路時行番同一個位覺得係有清番少少既~不過d霧唔散既話我地行到上去都係無用~





如果企係高位影番落黎呢條幼幼長長既路一定好靚!因為佢有d植物仲變左紅色~




喂~我可唔可以話d戇居野你知呀?XXD.....你地見唔見到黑面羊d毛上面有d橙色呀?.....我開頭以為d橙色係佢地呢種黑面羊既種係咁....執毛係橙色既....我幾時醒覺?????直至我頭先行到高山上面見到有d黑面羊執毛係鮮藍色....跟住我就好似發現新大陸咁大叫：喂!原來佢地背上d顏色唔同係佢d主人用黎區分邊d係自己d咩架!!!!!!!!!.....然後毛寶說：下...係呀...唔係你以為佢d毛橙色係天生既咩......................我：下!係呀!橙色隻色好自然喎!好大自然既橙....藍色就真係有d假喇~......毛寶：橙色都好假囉.................然後我俾佢笑左我好耐...我係咪好戇居呀??定還是你同我都一樣以為佢d天然毛色係橙色?答我丫!XXD





回程咪執輸呀..我地都跟人行入紅色植物區影下相先~






挑戰失敗都要行番出發地影張失敗照!這樣才是真漢子!




雖然挑戰失敗!但生日的我仍是帥帥的!(樹林隻小精靈好可愛~)




黎哥時已經見到塊牌寫停車場要俾£5=52hkd...但係停低車之後淨係見到羊...我地仲講笑話係咪羊仔就係停車場收費員XXD...點知臨走先見到係有真人收費XXD..原來頭先太早仍未番工je~




好啦~出番市區喇~好彩我地都唔係d咁執著既人jack~行唔到上就算了~XXD




然後路過麥叔叔阿sam說很想試試北愛爾蘭的巨無霸~




阿sam食巨無霸我同毛寶就食呢個炸芝士~因為澳門無嘛~個味有d蘇蘇地....類似孜然粉咁既味~叫做試過下~





然後唔夠皮行埋過隔離KFC叔叔度食~~~諗住食飽d當食埋晚餐~~~~~~~(因為諗起前幾日係格拉斯哥食既"tuesday promotion"太正~)




生日餐呀喂~~~~~查實我唔介意生日食快餐~因為我還是個小孩.....但我勁介意既係.........北愛爾蘭既KFC比起格拉斯哥的難食多了!!!!!!!!!!!!!!!!!!!點解!!!!呢度d雞勁鞋個味又無咁好味!!!隔左個海差遠了!!!!!!!!!!!!!!!!!





食飽飽再揸車去酒店~....途中周圍黑到............




到了!!今晚酒店Causeway Hotel.....地址：40 Causeway Road, Bushmills, BT57 8SU....如果要去聽日哥個景點....住呢間酒店係真係無得輸架!...下篇話你知點解!




每房每晚£120=1,248hkd....每人624hkd..都乾淨夠大舒適~









2019/03/07的開心事：
今晚係食豆豉鯪魚炒油麥菜~~
我好鐘意食~~



報時：距離六公子峴港嘆世界之旅2019仲有---27日~
報時：距離北非摩洛哥之旅2019仲有---48日~
報時：距離狂歡三寶台北快閃瘋食之旅仲有---90日~
報時：距離九州自駕遊之旅仲有---212日~
yeah~
今年去日本揀左去九州~
九州都有好幾個縣...
但我地確實到去邊幾個~
因為有平機票~~唔理喇~
買左先~
咦!越南個行程仲係無行程喎~
點好~