Supper Moment[Dal Segno]專輯巡迴台北站之旅2018-08-26第三天(晴天及後大雨)

星期二....好開心呀~~今日有同事結婚請食乳豬~~我食左3舊~~~放左工去左跑3.51km~~然後...我買左酸辣粉回家吃~~我一個吃飯的時候都愛用台灣綜藝送飯~呢晚毛寶黎陪我一起看<3.....星期三....好野~~好野~~~去旅行前又黎左生理期喇~~~又可以去浸溫泉喇~~~~~~~(你能感受我內心的策馬奔騰的開心嗎?)...又慳番唔使跑步~~~~~食左個好大既脆瓜炒牛肉飯盒黎慶祝~~~~~星期四...今日...過得還好啦~順利咁過左一個上班日~我只想平淡過日子~....好野~~~~過周末喇喂~~~~~~~雖然呢個禮拜無咩特別野要做~~但抖抖下周末就會出發啦~~~yeah~~~我諗左個幾禮拜終於畫好左出年既假期...你地可唔可以保佑我抽到想抽既日子呀?!?一抽唔到假就會好心煩@@



2018/08/26
Day 3(台灣,台北 Taiwan,Taipei->澳門 Macau)
早呀!起身覺得天氣真好!但內心是受傷的~~~今朝訓到半夢半醒又聽到同層既人出門口~~唔通仕燊你地咁早就走~~~~酒店既對面就係華山文創園區~~毛寶投訴我無俾佢行過~~(講好左今次黎係陪我睇仕燊架嘛~~)





呢日係仕燊30歲生日~~~我要去食餐好既賀賀佢~~~(查實關我啥事~~).....我揀左家 Maison...地址：台北市大安區光復南路290巷41號...我有透過佢fb訂位~




我幾鐘意個裝修~~






呢間係一間中式餐酒館黎既~又真係幾多酒喎~~~~~




有兩樣想叫既野都無~~~有少少失望~~~




毛寶話好鐘意佢地幅牆~~咦~~佢幅相個女仔仲靚啦~~~~好靚呀~~~~




毛寶既熱帶水果茶(壺)...NT$220=57.9hkd.....幾唔錯喎!!!唔怕太甜~~~同埋生果味好真同茶唔怕澀~






話明中式餐酒館...梗係多酒揀~~佢仲有17種自製調酒~~佢d名仲要超搞野~~~~~有個叫市井阿伯的甘蔗汁~~仲有個叫哈利波特的九又四分之三月台~~雖然我好鐘意阿波...只不過我係視覺系學生~~~所以我叫左呢個"想自由飛的籠中鳥".....NT$320=84.2hkd.......點呀點呀~~靚唔靚呀~~我講緊個女仔~~~~~~隻調酒入面有vodka..新鮮柳橙汁..自製奇異果蘋果汁..蜂蜜..MB青蘋果香甜酒.........都幾清新~~~~






前菜蕃茄切盤薑味小捲...NT$220=57.9hkd.....小捲好好味~~蕃茄乾勁黏牙~~但個味好好味~~





蘿蔔絲菜甫蛋...NT$180=47.4hkd......我覺得佢整得幾出色~~菜甫蛋不怕過咸~而且毛寶話佢入面有種特別既味~





酒蒸大蛤蜊....NT$230=60.5hkd...唔知佢係咪落左九層塔呢?佢唔重酒味~有朕幽幽的泰味~蛤蜊好飽滿~~不錯唷~





呢個係我黎呢間餐廳最想食既而且訂位時都訂左既!!!茶香炭烤春雞佐椒鹽(半隻)...NT$450=118.4hkd......訂既原因係因為訂由落單開始要半小時先出到~其實出到黎佢旁邊d稻草有著住火出黎架~~~~仲有種煙燻既香味!....可惜影相時已經熄左;(...........





佢地個香料椒鹽係佢地自己調出黎架~~~




睇下個少女幾多汁汁~~而且個椒鹽同個雞好夾~~~好好味~~~~雞脾我既!




由於想叫某樣野佢無~叫左呢個火熱酸辣蝦....NT$380=100hkd........個汁....唔.....er.....呀.......一般....同埋d蝦肉有d係梅梅的~唔推薦~就係呢個時候.......突然落勁大雨~~




哭哭呀...越落越大雨.....我本身安排食完呢間去佢附近一間cafe食千層蛋糕同埋飲啡架!!唯有係度飲埋啦!美式咖啡(熱)...NT$120=31.6hkd......唔~我麻麻佢咖啡隻味~不過勁夠熱~




檸真有意思....NT$180=47.4hkd....係檸檬乳酪芝士蛋糕.....毛寶話個碟邊d粉粉裝飾好醜~我覺得個餅底做得好鬆散~一般~我想去食千層蛋糕呀;(




食左NT$2,530=665.8hkd....每人332.9hkd~




等雨細少少就走啦~點知截的士去機場時又大雨番少少!係雨中截的士真係有少少難!同埋......竟然有的士拒載....仲要連續兩架................嗚嗚......好彩最後截到~~~~




係大安區搭的士去機場NT$1,300=342.1hkd......check in條隊超!!!!!!!!!長.......等左一陣.....今次俾佢揀中左坐緊急逃生位....坐得闊d~又可以早d上機~.....黎既時候個gip5.6kg...回程6.2kg.......點解會重左?!因為哥兩盒牙線?!~~check左in之後我幾戅居....仲心存一絲希望....我行去國泰個check in counter睇下supper係咪度................個答案當然係無啦~過埋海關我地就去左lounge啦~又用盡信用卡優惠丫嘛~




我仲傻到睇下國泰係邊個gate飛番香港......不過我禁止自己行過去~~因為真係好遠~嘆下算喇~不過頭先哥餐我仲未落格~~食唔落喇沙~~~~食下小食算喇~整多杯美式~~呢度個送酒小食我好鐘意食~~哥粒提子先抵死~(咁梗係免費入先屎忽痕黎食下啦~)





好野~有得優先上機~你知啦~我地坐廉航無買行李~早d上機有位放野丫嘛~~~~~好闊~




我地搭台灣虎航IT305係17:15由台北飛番澳門~拜拜~台北~我一定會再番黎~






d雲好得意~








呢幅日落相同我心情一樣....憂鬱~~~




拜拜~~台北快閃之旅完結~毛寶：你笑得好勉強...............到最後....我發現....濕爬係我走左之後哥日先走~~~好彩無行過國泰個Gate咋~~~~~(我真的是一枚傻西瓜~)





總結：
1.使費：1,865hkd(機票)+808.4hkd(兩晚酒店)+236.8hkd([Dal Segno]專輯巡迴台北站入場票)+2,210.5hkd(食買玩使費)=5,120.7hkd
2.這是一個粉絲失意的旅行遊記~別怪我~
3.我番左澳門之後成個月無聽過仕燊唱歌~怕觸景傷情~而送俾佢既成包禮物...我唔敢打開...收埋係衣櫃就算當睇唔到就算~怕觸景傷情~(真既一樣)
4.今次對我既傷害性有幾大...唔好問我~
5.多謝毛寶陪我發瘋~我第一次追星追到台灣~

~The End~

~多謝收看~

2018/11/22的開心事：
毛寶來探班+我阿媽回來了~



報時：距離鳥取自駕遊&大阪之旅2018仲有---8日~
報時：距離與三大長老聖誕台中遊2018仲有---29日~
報時：距離六公子峴港嘆世界之旅仲有---132日~
好野野~~
行程重點係....食!蟹!同!浸!溫!泉!
其實我地去完鳥取幾日仲會落番大阪行街食野~
(所以個旅行主題改左~)
好期待~
點解架!!點解架!!!
點解噚晚睇電視新聞話有颱風架!!!!
11月尾喇喎!!!!求下你啦~~~~~~~~~~~~唔好打風呀!!!!!