Supper Moment[Dal Segno]專輯巡迴台北站之旅2018-08-25第二天Part 2(晴天及後轉陰)

星期五....都幾多野做...放左工同左凱公子去慶生~~~去左永利哥間意大利餐~都幾好味~同公子hehehaha最開心~下一餐就係哭福派對~期待~...星期六....中午去左食仰光小館~~佢地d魚湯粉真係好好味~~~~豆餅也非常出色~~~下午都在幸福忙~~終於搵哂d日本mapcode~~可喜可賀~依家要努力咁搵大阪既食既野喇~~夜晚約左朗公子去食川粵味蕾...如果以$198呢個價黎講都ok既~不過我應該唔會再食下一次~因為我唔係幾鐘意任食~哈哈~(呢晚個電腦又有開唔到...我唔知係咪好快會俏俏地消失.....).....星期日.....中午去左沙北Reserve~假假地討論左出年大假幾時放同去邊~希望成事~下午訂左兩間大阪既餐廳~~有一間未食過~~(而且餐廳既主題我諗都無諗過~~)~~好期待呀~~~......阿媽去左旅行...無人理我買左阿蘇番屋企吃~星期一......好救命呀!!!!!我噚晚碌到凌晨3點半先訓得著呀!!!!好辛苦呀今朝番工!!!!!好彩工作順利放工去左買茶茶子(8粒自選+兩粒太卷)同埋7仔10粒魚蛋拼燒賣加碗仔翅~~~~~我以為自己瘦瘦的..吃不下的...誰知吃完後只想說：幸好有買咁多野食XXXXD



2018/08/25
Day 2---Part 2(台灣,台北 Taiwan,Taipei)
拿拿拿....呢兩個人呀...剛剛一出左Omakase既門口.....我看看天：華!好似想落雨呀!不如截架的士去飲咖啡咯~(誤)....於是...為免淋濕我地就快快截左架的士上車~....呢間cafe係民生社區入面~最近既捷運站係南京三民站....但走過來還是超遠的~所以......搭的士黎最岩~




呢間係我上網睇到既Afterhours Cafe....地址：台北市松山區延壽街117-1號.....有咩吸引我黎~你睇下咪知囉~





呢間餐廳都幾日式簡約風~幾舒服~仲有野買的~





佢本身安排我地坐d大長枱同人搭枱既~我問佢可唔可以揀面壁位坐~面壁位好像更有私人空間~






有d規矩要守的~睇完餐牌去吧枱點餐~




午飯套餐幾吸引!可惜我已經食左飯~




飲料既選擇超多!這只是其中一頁~仲有d比較特別的咖啡~




仲有本日推介既野係吧枱黑板~拿拿拿我有問過先影架!




美式咖啡(冰)....NT$120=31.6hkd......呢個價黎講幾細杯下....但啡味不錯~(純岩我心水~我唔識飲~)....現在走到那都很想飲咖啡~




毛寶的貝禮詩奶酒咖啡(熱)....NT$160=42.1hkd.....生活在澳門的我如果用廣東話黎讀呢杯野你唔會知係咩啡....如果轉普通話音才知道是Bailey's~老實說：不好喝~......呢杯係Bailey's+美式......就係溝到杯野超淡Bailey's...啡又唔香....暖暖地....又淡......似洗碗水~過左一陣之後毛寶說：凍左d好似好飲d..你飲下...............我：無好飲到呀~一樣咁難飲....毛寶：妖!




我仲叫左兩件蛋糕送啡~




外表很吸引~~~~




蛋糕係睇黑板餐牌叫既~呢個係新鮮無花果伯爵茶戚風夾層...NT$160=42.1hkd.....我好鐘意無花果與伯爵茶味...也愛戚風蛋糕.....但呢個食落就無戚風質感.....無花果與伯爵茶味合唔埋亦唔突出~失望~(但外表真係唔錯)




其實我係為左佢而黎架~Afterhours焦糖戚風...NT$130=34.2hkd......呢個戚風就真係說到做到喇!!!!!!!超級的輕軟!!!!!!食左等於無食既口感!!!!!!加埋上面既脆焦糖!!!(又係我最愛!!)...同埋奶油....呢個真係好好味!!!!!!!!!





都值得為左個焦糖戚風同埋杯美式再黎既~合個照先啦~咦!!!點解右邊個女仔咁靚既??無化妝都咁迷人~~~






呢度仲可以攞佢d書睇~我地係度過左個悠閒既下午~







飲到咁上下有人投訴我呀!話陪我黎台北睇show呀...唔俾佢買野呀!(明明就佢自己無提出要做咩)......要去買書同黑膠喎!....都係去誠品最方便啦!中山地下街有~




買到啦!開心啦!




然後我地坐的士番酒店呀!(明明係捷運地下街入面點解唔坐捷運?)...因為呀...有人好急屎呀...佢話坐捷運會忍唔住喎~查實.....我都急屎急左好一陣子................應該係食第一餐之後就開始急~~~~~~~~~~~我唔係玻璃肚.......我係垃圾肚.....我地兩個都係賴屎肚痛feel...唔知關唔關佢事?(痾到成個廁所滿哂屎~好滿足~)......我問毛寶：我換唔換濕爬件衫去睇表演好?!?!?!......毛寶：求下你唔好..................我今次又竟然聽話無著淨係帶住毛巾去睇show!



然後就去左表演場地望下啦~~~(唔知有咩好望~)....今次係台北三創生活園區既Clapper Studio表演~地址：台北市中正區市民大道三段2號5樓......好啦...海報是影得挺帥氣的...(仕燊~~~~~~~~~)....呢個時間我緊張到有d胃反反~~~





同埋呢~~呢次show係唔使早到去排隊架~(上次珠海場提早8個鐘去排~)...因為你買飛時會俾個隨機序號你...就係按序號入場....一序號定你排第幾~~~所以唔使提早去排喇~~無先到先得呢回事~真係有好有唔好~好就係我個心唔會因為心掛掛用超多時間排隊...唔好既係....我個序號係.....442...............第四百幾個?!到底有幾多人入場?!我好有可能排最尾喎咁;[.....同埋佢有個抽獎活動...有四子既簽名海報抽~係用個序號黎抽既....我又完美避開.......(我有話我想要咩?!有咩?!好叻咩?)




然後6點就係表演場地既後樓梯度按號整隊.....大佬呀...熱到焗到我呢......




所以有派扇俾粉絲們降降火.....即刻喪撥~今次都係宣傳佢地隻新碟!所以會唱哂成隻新專輯!




排左一陣就入場啦~喂...序號400幾都排到第3排喎~~又幾好喎~等緊開場時不停播佢地d mv....d粉絲不停跟住喪唱~~未開場我已經感受到同之前哥場既大不同~~~台灣場超舒服~~~





開!場!喇!




帥帥的~~~~:]




其實佢地成日係台上都好活躍~~但我成日都好驚佢地俾電線kick親~~~~(影到仕燊成隻馬騮仔咁~~)





弊喇~你係我面前唱有少少怕醜~~




過黎我哥邊啦~~~~(流口水ing)





唱親呢首一定會舉起呢隻手指~~~~






你係咪聽到我既愛的呼喚呀~~~~~~~~~~<3....呢張好有喪屍feel~~~歌手都係搵命搏既職業~~辛苦哂~




然後佢真係企係我面前然後揸住....唔係我隻手....係我前面個粉絲隻手唱....然後我又呆左係度.......毛寶：你仲唔企前揸住佢隻手?!(然後推我上去)......我：係喎係喎~~.......就係咁..........我隻手.....就包住成隻仕燊的手......聽住佢唱歌歌~~~~




仕燊的手...很濕濕的......但更核突既係....我隻手更濕XXD....希望下次係你包字我隻手手啦~~~~~





然後仕燊話噚晚係台北食麻辣火鍋搞到喉痛....但都仲係唱得咁好聽~咦!我份禮物好岩你喎!!!點解我今朝見你唔到交唔到俾你?!;(





今次唱左258km/h /一樣不一樣/靈感床/同一/不要死在祟拜裏/大丈夫/過後/世界變了樣/橙海/全世界暫停/說再見了吧.....encore左飛/風箏/幸福之歌..........雖然選歌上我係鐘意上次哥場多d....但今次氣氛超好加上大家睇show非常守禮睇得超舒服....比起上次用條命黎睇show...今次好好多!





然後我想送禮物俾仕燊.....我叫毛寶陪我等....我揀左.....坐係酒店大堂度等XXD.....毛寶問我：點解係度等呀?...唔係表演場地樓下等呀?.....我：好熱呀...同埋呢度有得坐丫嘛~~~~就算佢要食飯都會番黎換衫先卦~~同埋佢地仲要攞番d結他番黎架~~~~.........................後黎有個人又一齊坐係大堂等...直覺話我知佢係等緊濕爬食飯...我仲心諗我有機喇~~~~點知坐左半個鐘度...濕爬個manager同埋幾個工作人員番黎~~佢地上左樓再落樓時濕爬個manager同坐我隔離哥個人講：濕爬佢地係車上面等緊我地喇~我帶你去車上面丫~~~~.....哥一刻.......我心死..............................即係佢地短時間內都唔會番酒店~~~~~~~~~~~~即係我錯失左等到四子既機會~因為我怕熱又攰又懶....我睇唔起我自己....突然間.........我好慶幸聽左毛寶話.....無著住濕爬件衫咋~~如果唔係我應該會仲(火羅)~~~~~你地Feel唔feel到我當時心情有幾sad~~~~天底下最遠既距離就係....我同你住埋同一間酒店...但我竟然等唔到你~~~~~~~~~~~份禮物送唔出lu~~~~~~



由於等左佢地一陣等完都10點了~本身我諗住去饒河街夜市食胡椒餅慶功架~~~家陣又等唔到...時間有又有d夜...我地放棄左去夜市~然後毛寶安慰我：唔好咁唔開心啦..點解你淨係諗你失去既??你唔諗下你得到既?.......你今日睇左場好show...仲握住仕燊既手喎!.....................................我：我唔想聽呀!!!!!!!!!!!!!!!!!!!!!~~~~~~~~~~~~~~~~~.....................就係咁....我成個月無聽過仕燊唱歌.....................由於無去夜市...我地揀左係便利店買杯麵番酒店食....見唔見到?我用酒精麻醉我自己.....(d咁既酒精點會麻醉到我呀XXXXXD)......一路食...一路睇左集好老土既甄嬛傳......................




呢張係當晚既大合照~搵唔搵到我?(圖片來源：仕燊寶寶ig)




我~係~度~呀~~~~我哥晚訓到1點左右....聽到出面有人超大聲叫佢助手個名..........................er.....唔通.....佢同我住係同一層................................................(圖片來源：濕爬fb)








弱弱的問...
google+好像就來要沒了...
會影響blogspot嗎?
我經歷過一次搬blog個心理壓力..
查實我經唔起第二次考驗架喇....
嗚嗚嗚...可憐下我好無?



係!喎!!!!!!!
我竟然有件好重要既事無寫係度!!!
就係!!!!係澳航做緊雙十一呢個優惠既時候...
我!地!6!位!公!子!買!左!機!票!出!年!一!齊!去!旅!行!



係!喎!!!!!!!
我竟然有件好重要既事"又"無寫係度!!!
就...係!!!!我上個禮拜"好容易"就買到....
Jason Mraz出年既香港站演唱會飛!!!
點解既???過左一個禮拜...仲有好多飛淨喎!
佢依家好唔紅喇咩??????
但係我好開心買到飛睇佢呀~



2018/11/19的開心事：
吃飽真的很治癒!加上毛寶來探班~



報時：距離鳥取自駕遊之旅2018仲有---11日~
報時：距離與三大長老聖誕台中遊2018仲有---32日~
報時：距離六公子峴港嘆世界之旅仲有---135日~
之前既選項係台北..曼谷和峴港~
雖然曼谷都好正~但係我投左峴港~(因為我無去過)
查實...如果唔係同公子一齊...
我係唔會去越南....哈哈~
好開心呀~~~原來仲有11日就要去鳥取食海鮮喇~~