新加坡熱辣辣聖誕節之旅2017-12-23第二天Part 1(晴天)

星期二....番工.......放工去跑左3.51km...一路聽住新碟一路跑步....我覺得有d面紅~星期三...多野做呀!放工去跑跑...跑左3.55km....好熱呀...爆汗...夏天真係跑唔到咁多...我個藉口幾好呀可~~~同埋都唔知啲蚊怕咩既?!我噴蚊怕水佢都照咬!星期四...早上有如雨後陽光....下午像無間地獄.........唉~好咯~聽日終於都星期五.....今個星期可以好好休息咯~



2017-12-23
Day 2---Part 1(新加坡 Singapore)
喂~早呀喂~起身大約11點到出去~首先同兩老食中午飯先啦~搭MRT去牛車水站(China Town).....牛車水俾我形容為熱到痴線...我都唔知點解覺得呢度係特別的熱~~~次次一入就會成個人融化~~~~





又經過呢個好靚既廟~




又曬!又熱!我最驚就係曬同熱!!!!(呢個人真係好麻煩!!)




呢日既第一站....麥士威美食中心(Maxwell Food Centre)...地址：1 Kadayanallur Street, Singapore 069184, Singapore....今次黎到裝修ing外圍...但好彩仲有開~~有指你行邊個入口入~~~




由於早來~仲有好多位揀呢~




行下行下發現....喂!!!!天天海南雞飯無人排隊喎!!!(但上次你唔係好有性格話佢好無禮貌唔再幫襯佢既咩?)....咁老人家未試過丫嘛~~~俾佢地試下囉~





另外一間我好鐘意既食店~~




不過早黎就好多鋪頭都未開~~算啦~我最想食既都買到就算了~~買齊野食就開餐啦~~





有人買椰子飲....個椰子同佢個頭一樣咁大~~(唔係喎...好似大過~~)




我就叫左龍眼冰解解暑~~~~呢隻椰子飲落好酸.....




天~~天~~~~~~~~




我地買左一隻雞~~SGD$24=139.5hkd.....又幾童叟無欺喎~都幾大隻雞.....而且....超!級!嫩!!!!!!!!!!!!!!!!!!!!!(又俾美食忘記自己嬲過佢).....真係唔知點解新加坡d海南雞如此出色...雞肉超滑!!!!!同我有得比~~~~~




叫左個大既芽菜魷魚(大)...SGD$6=34.9hkd...不錯吃~




仲有唔少得油飯啦~~SGD$0.8=4.7hkd.....又幾抵喎~加埋黑豉油同吃~天仙!




哥間肉骨茶我都幾鐘意的~因為我鐘意呢d黑munk munk既肉骨茶....白色湯重胡椒味哥種我反而不愛~肉骨茶(小)...SGD$4=23.3hkd....配上油炸鬼食真係一絕!!!SGD$0.5=2.9hkd......仲有個麵線...SGD$1=5.8hkd....麵線夠哂幼呀~~好味~~~肉骨茶d排骨點埋辣椒豉油食真係一絕~




吃飽飽又行番入唐人街買下野啦...買左胡振隆肉乾....點解買佢?因為佢有龍蝦肉乾~同埋去左馮滿記買下藥油






行行下見到有d壁畫幾靚~你兩個同幅壁畫又幾襯喎~





終於再搵番呢間野~~~我第一次去新加坡時都有同我媽黎食過既101 Fruits 花果山...地址：336 Smith Street, Singapore 050336...對對~~~要來吃果王~~~~~




門口的榴槤陣很吸睛!!!!!!貓山王呀喂~~~揀好要衝入去了~~~




我地揀哥個貓山王榴槤係SGD$18=104.6hkd/kg....好似記得係2.8kg





揀好衝入去坐啦~~係呀有位坐好似食甜品咁幾好~~~原來佢都可以買現成既...但梗係揀即開既好啦~~~




係架磨係架磨?真係既?




開好喇~~~個貓山王重2.8kg....佢同我地講SGD$18/kg......但呢個榴槤係SGD$30=174.4hkd......條數點計出黎架?!?!XXD...





都算好多粒肉喎~有成12粒肉!......很愛貓山王的香同埋creamy的口感~~~(諗起都流口水~好似隔住個mon都有味飄出黎咁~)





食到興起~~~決定試埋D13紅蝦~~~SGD$15=87.2hkd/kg




超~~~~~靚!!!!呢個又係勁多粒肉....價值SGD$27=157hkd....呢個肉質結實....兩個唔同既味....都好好味~~~食完之後...我覺得紅蝦好似正d.............





哈哈~好肉酸~~但又好壯觀~




食完果王...忍唔住食埋果后~~~~~SGD$8=46.5hkd/kg




我地只係要左每人一個~SGD$6=34.9hkd(6個).....勁清甜好味~~~~~





附上卡片俾大家參考參考一下下~








2018/05/31的開心事：
5月最後一日!!!
踏入6月!!!即係我就黎有旅行去喇~~~~
同埋我仲係沉醉緊係supper既懷抱中....
仲未醒~~~~
開心~~~~~~~~~~

原來睇完佢地個show已經過左4日~

但心入面還是甜甜的~如像昨天~(想嘔無?)



報時：距離和歌山嘆溫泉自駕遊之旅2018仲有---17日~
報時：距離與毛寶慶生泰國食揼嘆之旅2018仲有---119日~
報時：距離天團蘇格蘭高地之旅2018仲有---135日~
咦!!!仲有兩個禮拜多少少~~~~~~