日本大阪自由行之旅2017-12-11第四天Part 1(晴天及有陣雨)

星期五....番工都係咁啦~放左工就去左食翠華..勁耐無食...第一次食佢個咖哩吉列豬扒飯...估佢唔到又整得幾好味喎!之後就去左戀愛電影館睇以你的名字呼喚我(Call Me By Your Name).....有人好鐘意睇喎~呢次係佢第5次睇~~~~我懷疑會有第6次...........星期六...中午去左順軒飲茶~毛寶爸請~多謝~下午修下頭毛+訓下午覺.....但訓醒開始頭痛~~~然後去灃收火鍋食我娘親既後補生日飯~~~~好好味~~~~星期日朝早好早起身....早到係7點半...因為有類似拜祭既野做.....仲係頭痛呀救命~~~~中午去左食bless~下午過下電腦d相~夜晚食左外賣....叫左湯同飯~.........我呢幾日個網速一係超慢一係無....我可能隨時被消失一陣......星期一.....好多野做好多野做....呢日仲要胃痛痛醒...所以我今日唔俾自己飲咖啡....成個人今日做野都聚唔到焦.....好眼訓...今晚個電腦仲要開唔到.....我真係隨時有可能係網絡世界消失~~~



2017/12/11
Day 4---Part 1(日本,大阪 Japan,Osaka)
呢日俾自己晏少少出發~~我地呢日要去環球片場呢~~~由於事前已經係官網買哂門劵同埋express~(得日文網站有得買飛..但唔怕..我地有google老師嘛~)...唔使去現場買又唔使去換飛...同埋就番我地個express揀左比較晏既時間之下.....呢日就可以訓晏少少出門口喇~~~~係大阪駅已經有車直接去到環球片場既ユニバーサルシティ(環球片場駅)....但要留意...如果你搭大阪環狀線就要係西九条駅轉ゆめ咲線(夢咲線)...先去到ユニバーサルシティ呀(即圖中紫色箭咀哥班).....等多3分鐘有班去櫻島既車係會經過ユニバーサルシティ架!!唔使轉車!!記得留意下!(藍綠箭咀哥班)




上面個牌已經寫左去櫻島班車會停係圓形1~8號....記得唔好企錯喇~




好快丫~10幾分鐘就黎到ユニバーサルシティ(環球片場駅)....我以為我過左開園時間會無咁多人...但我錯了..




門口咁繽紛~留一留影先~本身都無帶冷帽架...但呢區極大風同凍!!!!!!我好似唔識戴冷帽咁....戴到隻耳仔摺埋左成隻精靈咁~




毛寶：丫!你真係次次黎都影架喎!.......(你估我同個個都會影到此一遊照架?益左你啦~~XD)




開頭嚇親呀見到仲有人龍...明明都開左園成大半個鐘咯...點知原來係買入場劵既~




俾大家參考下今年既價目~我地一早上網買左~bit QR code就可入場~入場劵成人7,600円=528.2hkd....另外買左Express 4每人6,600円=458.7hkd....咁樣入園大大話話每人都要成986.9hkd...真係要多謝毛寶陪我~




由於開左園一段時間喇~所以唔使排隊入喇~太好喇~~




有聖誕裝飾喇~~~好靚~~




一入場攞張地圖看看...你未免太帥氣了吧!!!!!!!!!!!





一行條直路大道平時最鐘意做咩??梗係一路行一路搵頭套戴同影相啦....今次有呢個!!!!!好!!可!!愛!!呀!!!!!!!!!!!!!!!!戴上頭勁保暖...勁大風...勁凍......但我估唔到既係.....毛寶竟然問我買唔買好喎....................大佬...勁大舊喎!!爆谷筒你都唔會買你同我講你好想買呢個頭套?!但我覺得我地兩個好可愛~




睇啦睇啦~睇下呢兩隻狗仔幾可愛~~~~~~~有無人想養呢兩隻狗仔?(不過呢d狗仔好難養架..我勸你就唔好喇~)

同環球片場既聖誕樹留一留影~





第一個園區我地首先入Minions~~~~新開架嘛~~湊下熱鬧先~~~~咁岩有表演~






好~食個早餐+午餐先~~就食小黃人入面既cafe啦~




呢度一定要叫套餐的...即野食搭任飲飲品...因為入面係半自助形式的~所以個個都要飲野~(即點都要收你錢~)




係幾繽紛既入面~但我覺得自己好似去左美國d快餐店咁~




俾張單侍應幫你執執執d野食...飲品自己係機禁出黎~我揀左焦糖咖啡飲...但....極!!!!!!!!!!!!!!!!!!!!!度難飲....




我揀呢間cafe其實係因為小黃人既餐點~~哈哈~~呢個係小小兵咖哩蛋包飯套餐...1,890円=131.4hkd....d肉醬好肉酸呀個樣....但其實味道ok~有個飯有沙律薯條同任飲野飲




小小兵瑞士捲...870円=60.5hkd....就係蛋糕加飲品任飲....都係貪個樣可愛而叫的~但個蛋糕一d都唔好食~(假蕉味)




個Brunch食左2,760円=191.8hkd~每人100hkd~食左陣風~




入番園區行行先~因為我地個express預約既時間未到~無啦啦灑左陣雨~過雲雨~....黃色人呢區係幾好影既~因為好多野影同埋顏色靚~









街頭又有d無聊機禁下~





襯Express時間未到~巡埋紀念品店先~~~




杯麵係幾得意既~




呢個野食連食物夾我幾buy既.....我開頭有少少心動..但諗諗下...ikea哥d咪幾好用~





可以自己畫野既朱古力~




唔知入面d糖點既呢~~(但如果又係香蕉味就免喇..最憎假蕉味~)




毛寶說：如果我有小朋友..我一定會買黎俾佢玩~.......咦~你咪有菓子軒囉~




出到黎見有攤位遊戲幾熱鬧~又望下~突然見到....屎奴比玩緊呀!!(佢著住件褸加個頭套真係好似~~完全融為一體~)




小朋友玩得都好開心~(不過好似成千日元玩一次~)




好啦~到左預約時間可以玩小黃人個機動遊戲喇~~好彩有買express咋~都要排成100分鐘架~買左express都排左10分鐘架!都幾好玩~但我諗緊佢係咪用back to the future個遊戲黎改裝既呢?臨上車前個位好似~係6人一車....睇個好大既螢幕好似過山車咁既...都算幾刺激既~






玩完出黎又食野咯~我最鐘意哥檔車仔檔~因為成日好似會有小黃人d得意野食買~




其中一個係我既目標...另一個係排緊隊見到既目標~~依家都已經係我囊中物~~~yeah~~





小黃人包...550円=38.2hkd.......好~可愛呀~~~~同我一樣咁得意~~包呢d野梗係影夠影罷先食架啦~係叉燒包黎既~同之前食既口味一樣~但換上了聖誕裝~~~~






我買左杯熱咖啡~~點解呀....因為我想要呢個杯套呀~~hehe~~~好靚呀~~~~~~~~~~~~~~~820円=57hkd....你地話得唔得意喇~~咁我可以飲我最愛既starbucks時咪可以用囉~~~~~




我地有請女模特為我地示範除左杯套之外仲可以要黎做咩~佢話可以做手套喎~~~哈哈~~~~~~(咁要買多杯先有一對喎~)




咁又食左1,370円=95.2hkd~仲坐係度嘆左陣啡~~




呢頂高飛聖誕帽都好靚話~~~好有hip hop feel~~~~~~




話實在我完全唔知點樣戴得呢頂帽好睇~(雖然我已經好靚~)..你睇我隻耳...又戴冷帽戴到耳都摺埋~




Express有包玩蜘蛛俠~又玩下囉~我已經玩唔知第4定第5次?但今次玩我覺得好似同之前唔同左咁囉??係咪有d情節唔同左???(毛寶都係咁話喎)....拿...人地日本妹妹咪戴得舊野幾好睇~




玩完蜘蛛俠出黎剛好有巡遊~聖誕巡遊既小黃人..幾得意~







行過史奴比哥區~




佢有個室內園區原來幾多野玩架喎!!好岩小朋友玩~~





然後我地竟然排左10分鐘隊玩佢個小童室內過山車~~喂!幾好玩幾刺激喎~




玩完睇下佢有咩買~我覺得呢隻幾得意~~不過我梗係無買啦~




毛寶買左呢隻俾菓子軒呀!!!好可愛!!!





突然!!!見到本尊!!!!!你好呀!!屎忽甩皮san~





又夠時間入魔法世界~~今次又係入園區都唔使睇整理劵或express~




喂!好靚喎!!聖誕節喎!!!






好開心呀!!!我未試過聖誕時黎架~~~家陣周圍d屋頂都有雪好靚呀!!!!哈波迷應該要正常版睇一次~聖誕版要睇一次~係喎~入魔法世界換番個充滿魔法力量既眼鏡先~








一入園區小孩話要去三根掃帚食下午茶先~




張餐牌殘到我差d睇唔到有咩食...但好彩!今次唔再有新出既杯喇!!我唔使再俾錢買多隻奶油啤酒杯喇~




三根掃帚都有聖誕裝飾架好有誠意~





登櫈~叫左呢d野食~




叫左之前食過好多次既烤雞~1,900円=132.1hkd...雞都不錯吃既~但重點係有人好想食某樣野~




呢個係唔知咩咩薯仔湯...480円=33.4hkd...都唔知自己飲緊咩...又係咩....薯蓉狀...難飲~




甜品叫左Butterbeer Potted Cream....600円=41.7hkd.....無論味道同質感都係唔好味~




好彩都仲有杯butterbeer安慰下我~今次無新既杯買~就咁買普通膠杯版....600円=41.7hkd




好味~~~~勝既~





係喇~d人叫烤雞就係為左呢樣喇~佢條粟米又真係幾好味既~




個下午茶食左3,580円=248.8hkd~




出番黎見到魔法世界既聖誕樹~~d掛飾識郁架~~樹頂仲有個識轉既小巫師~~~









有人呀!
叫我向大家推薦....
以你的名字呼喚我(Call Me By Your Name)..
佢話好好睇呀~叫大家得閒睇下啦~



2018/05/07的開心事：
就係有人今日放工探班~~~~好開心~~



報時：距離和歌山嘆溫泉自駕遊之旅2018仲有---41日~
報時：距離與毛寶慶生泰國食揼嘆之旅2018仲有---144日~
報時：距離天團蘇格蘭高地之旅2018仲有---159日~
其實我今年仲有一個旅行未諗到去邊......
有偷諗過某國家.....都係偷諗je~