日本大阪自由行之旅2017-12-08第一天(晴天及後下雨)

星期二...上班日荒謬的事情總是特別多~特別在今日嬲到我訓唔到晏覺~今日我等左個客一個幾鐘...然後最後話唔做.....最後隔左15分鐘又做番.....好好玩~有d人既時間係特別寶貴~但那個人不是我~放左工去跑跑~跑左5.29km~仕燊bb~~你地d新歌好好聽呀~~星期三.....呢日我只能用變態黎形容.....我好x攰......放工跑左3.48km...咋咋帝跑少d~攰丫嘛~夜晚皮皮打俾我叫我落樓攞野...點知佢送左張1米8幾咁高既仕燊海報俾我!!!!痴線架你~~~好靚呀~~~~星期四...我覺得我每天都在地獄生活...每天都很沮喪...係喎~~本身要出blog喎~但我約左我最愛既公子食飯喎~咁.....懶一日囉~其實我放工時好唔開心..但同公子食完飯笑完又開心番d~星期五....知喇...黑色星期五丫嘛..我都唔明點解d人一早晨早流流係都要提人black friday呢件事?!....如果唔係有人提...我會知今日13號..今日係星期五..我唔會聯想到黑色星期五囉.......同埋我知都唔會向人提起囉(因為番工會凝住凝住架..你知我地做服務呢行既..幾邪架啦)....呢排d人特別多廢話...以為講兩句就好關心我地喇磨?食屎啦你!...工作令人抓狂......但最令人抓狂的是人!(查實你咁x我不確定你是不是人類...見你用腳行識講人類語言當你係咋!你唔係我唔感到驚訝架!)......放左工去左試一品殿堂..食飽飽去睇戲...睇左無聲絕境(A Quiet Place)....星期六...中午訂左Root諗住食set lunch爽爽...嘆下...點知我今次食左個貴d既餐...係食唔飽...而且無左單點...失望....個set既主菜又驚喜不大~下午去左攞supper隻新碟~見到實體好開心~~跟住去左同菓子軒玩玩~~同佢玩左個幾鐘..我勁攰..粒人仔又出哂汗~(臭臭~)....夜晚食左阿鴻..退步左好多!食完再去行下街同行下藝墟..再食左個難食既甜品....星期日...中午無人奶我呀...我起身首先聽一次Supper隻Dal Segno~~為星期日熱熱身先~~(熱完身都係無野做架~~)...聽完成隻碟鼓起勇氣行出剩食野...行黎行去最後行番去沙北(跟是他北時其實是同一間)...我其實係想飲啡....之後乖乖回家搵和歌山d mapcode...夜晚約左衰公衰婆食粥麵莊......星期一....你點估到我享受左一個禮拜又俾人調另一個更?不過算啦.....今日番風又落雨...我終於望到曙光~但唔知呢道曙光會維持幾耐?我近排負能量爆燈~~



2017/12/08
Day 1(澳門 Macau->日本,大阪 Japan,Osaka)
wowwowwow~又一個日本之旅出發!!連睇兩個日本blog大家頂得住無?頂唔住都要照去架喇~~今次大阪之旅有我同毛寶~~~呢日我地又係約左電召的士~好順利咁黎到機場喇~由於我又係醒醒子咁之前一日已經上網做左check in~好快我地就搞掂好寄行李過海關~(去程行李9kg)..又黎一張禁區帥氣照~~(咩解究右邊個女仔又靚又瘦?)




繼續用盡信用卡優惠時間~呢日早餐d野食麻麻地!係碗魚蛋米食得下人!由於上次去四國個匯率抵...我地差唔多全部都係碌卡...淨左好多現金~今次都係用番上次用淨既現金~匯率都係6.95~(即100円=6.95hkd)




上網望望呢幾日天氣...好像都不錯~放心~但好似幾凍~~




華~~好可愛呀~~閘口有聖誕樹樹~(#曲)




我地呢日係搭澳門航空NX856號班機係09:45由澳門直飛去日本大阪~~~~一起飛有件我認為好勁既野發生....就係...我地就坐通道位既....坐窗口位既係內地團既一位叔叔.....當飛機爬升左幾千呎高既時候......佢手提竟然響!!!!!!!真係已經飛到好高!!!!!仲響....重點係：飛機爬升中佢仲接電話......................同埋佢仲講到....................................好危險架嘛!!!!佢講左兩句就收線...如果唔係我會開聲叫佢收線....但我想知佢用咩電訊公司.....接收得咁好既.................好喇~填入境表同埋換電話卡喇~(電話卡淘x有售...4xRMB...可用8日上網..無得打電話)




飛機餐係豬....但麻麻....我好掛住上兩個月個牛餐.....




襯叔叔上廁所影兩張雲雲相~坐機翼旁~景觀一般~係機上面睇左迪麗熱巴主演既"傲嬌與偏見"...其實麻麻好睇...但我都有笑到卡卡聲~





早左5分鐘到~14:10到達關西空港~~~超快過左海關~~攞埋行李~~~~就出去搭巴士喇~~對對~今次我唔搭JR出市區喇~~我唔想坐JR但又無位放行李好尷尬...所以坐機場巴士舒舒服服算了~~~~機場去大阪駅附近係5號巴士站等~見唔見小孩在乖乖的等巴士ing??




叫左小孩去排隊時我就去買飛...我真係好獨立的一個女生~~~...係自助機買~去番對應巴士站既自助機買飛喎~呢部係5號6號巴士站既飛都係呢度買~




部機唔難用~側邊有個表既....睇番你自己去哥個區域幾錢....揀幾張...單程定來回就ok~




由於單程票係1,550円=107.7hkd/人....來回是2,760円=191.8hkd/人.....那直接買來回票好了~反正我回程一定坐機場巴士~每人慳了20多hkd~(咁同坐JR比坐巴士係貴d既~但舒服好多~)....圖中為二人來回票之收據~(要在14天內完成來回)




又唔使換飛既~幾方使~直接出埋飛俾你...又無限你搭邊班車....自己上網睇定時間表去巴士站等上車就ok~不過記住袋好張飛喎~唔好唔見~~




丫~你個衰妹又話落雨既~又有少少陽光喎~~~





落車有一小段路行去酒店既...哥段路勁!大!風!!!!!!仲要係極度刺骨既風!!!!!!好凍呀~~~~~~~~~~無錯~我地又係行番去大阪駅哥個方向~~~~




因為我地又係住Hotel Granvia Osaka~~就係大阪駅入面(正南口哥度)~地址：大阪市北區梅田3-1-1.....因為佢個地點真係好好~




但係打開門永遠有驚喜~~~我好似好耐無住過d咁細既酒店~~~~~~~~~一眼睇哂~~~早知又俾多少少錢住大間d架啦~~~呢度4晚4,652hkd....平均每人每晚581.5hkd~真係買個地點~(我下次要住大間d既!)...但個廁所又幾新式喎~而且其實房間係好乾淨既~





放低野~出發~第一站就係Hep Five....地址：大阪府大阪市北區角田町5-15....呢個時間堅開始落雨!!又凍又大風又落雨...我都忍唔住帶冷帽.....(我從來都唔帶冷帽的)....已經有聖誕裝飾喇~~~





hi~Beams~~~~~有人係入面摸左條牛仔褲好耐...猛話好靚...最後放下喎!




又係Sanrio見到佢~~不過今次蛋黃哥扮Sanrio其他人物好似唔係好出色~






行入Disney Store...諗住睇下有無Kapo最愛既Tsum Tsum唐老鴨聖誕版...點知...係一隻都無..............




又行番去我地酒店既大阪駅入面再行街~~行過阪急...d聖誕裝飾又係好靚~




到行我同毛寶都好鐘意行既Lucua 1100喇~地址：大阪府大阪市北區梅田3-1-3....其實Lucua同Lucua 1100係正隔離~有幾層相通的~好方便~




想推介下呢間金子眼鏡~係Lucua 1100既7/F~呢間專係賣日本制Hand Made既眼鏡~~~~除左佢自己個牌子之外~仲有賣其他日本牌子~~~我同毛寶...唔小心地......




哈哈~上次四國食完Starbucks既布甸之後...知道自己以後去日本又有多樣野要試~~~好彩Lucua入面已經有幾間Starbucks~~~買買買!!!




掃完一輪商場~~~~就去另一間商場地下既超市喇~~~襯佢臨收工前15分鐘.....衝落去睇下有咩生果試試~~~仲唔俾我見到?!?!?!?!!上次係四國搵極都搵你唔到!!!!今次係大阪終!於!見!到!你!!!!!晴王兄!我依家就要帶你番酒店!!!




yeah~~~又到我最鐘意既環節---食~~~~~又食Lucua 1100 10樓既モリタ屋~~~~已經成8點幾9點.....平時呢個時候黎食大把位....今日竟然要等6張枱?!?!都要等架~人地好想食呀~




上次食Suki Yaki仲係食緊松!今次唔理呀!!一於挑戰極み!!!因為我要試最正最正既牛!!!極みset價錢9,500円=660.3hkd......(同枱既人要點相同既野...即係如果食開Suki Yaki就一齊食...唔可以一個Suki Yaki一個Shabu Shabu~但如果你點其他牛扒餐就ok~因為佢一枱得一個爐~)....但後尾發現自己做左傻西瓜......原來極み同埋特選....牛既等級係一樣....只係極み多左季節之料理同埋和牛一品料理......以!




我叫左蜂蜜梅酒(前)...毛寶叫左高千穗梅酒(後)...on rocks各600円=41.7hkd.....毛寶哥個好好飲~我哥個由於係蜂蜜所以我覺得聞落有d似傻婆味......飲落都ok既~




前菜五種盛.....都很好吃~左下那個勁似食緊牛肉乾~









極度懷疑這個是白子~




季節之一品係魚料理...雖然有塊海膽平躺在魚上面...但....不吸引呀!(外觀和味道也不吸引!)..感覺在浪費我的胃口!




和牛一品料理係壽司~左邊的很好吃...右邊的也是在浪費胃口~




主角來了!!!!!極み就是極み!!!!!!牛肉的油脂分佈跟其他等級都差遠了!!!!!!!!!!!!!!!!!!好靚呀!!!!




連環圖~~~~~~救命呀~~~~~~











救命呀....沾上蛋汁簡直要了姐的命.......................




Suki Yaki真的真的很好吃!!但感覺就是要下一噸糖!!!!!第2round~就是跟菜一起煮~唔知係咪d牛既油脂夠...平時食第2round d牛唔救起就係好鞋...但今次完全唔怕!!!!好~好~味~~~~~~~~~~~~~~~








落汁的部份真的很治癒~

最後黎埋飯~飯同沾上蛋汁的牛可謂襯到絕一絕!!






勁大塊牛~~~唉呀~俾你見到戴冷帽既我添~係咪好可愛呀~~~~




甜品~




士多啤梨雪糕~夾埋紅豆~....紅豆我不愛~雪糕一般~塊餅最好食~




生果是溏心蘋果~(唔知既會以為佢個心爛左...)....都係我媽上次係日本買番黎既好食d~




我覺得食食特選那個set就ok了!因為極み多出哥兩道料理都很無謂~牛就等級一樣~呢餐食左21,816円=1,516.2hkd...每人758.1hkd...我咩都望唔到呀~~~淨係知那個小小的胃要爆開了~~(那個小小的胃可裝下一整個世界)




華~第一次買咁貴既鏡框~30,000円(稅拔)=2,085hkd...好彩有得退稅~係澳門一定買唔到呢個價~~~~~黎日本買最岩~實在太靚~我哥個眼鏡牌子叫"匠"~






呢日買左咁多野~(我基本上整個冬天都在穿這兩件和Uniqlo平衛衣.....唔慳d點支撐我旅行費用)




推介呢兩支噴衫既噴霧~超香香~~~~毛寶最愛那個Barley味~~我都覺得好香~~~當香水咁用~另外一支當時鋪入面用緊呢隻既香薰..勁怡人~所以我又買埋呢隻Allen~我地係Hep Five某間鋪買~但唔係專門店~




好喇!!我要打開你黎試喇!!!!上次係四國搵左我超耐既晴王!!!澳門賣成$400幾!!呢度賣2,000円=139hkd...價錢怡人好多!.......講明..我唔鐘意巨蜂的假甜味.....呢個比較清甜~但都幾甜下.......雪凍佢食會好d......但講真.....我都係鐘意食脆皮既青提多d~叫做平平地試過下咩味~




頭先仲買左兩個Starbucks既布甸~一個係奶茶味一個綠茶味~但今晚太飽~~~之後先食~








Supper Moment隻新碟"dal segno"
星期五出左實體碟啦~~~~~~~~~~~
入面有首歌叫"橙海"
sunny話係佢有一次同朋友去旅行時..
玩哥d水上電單車時....
有個教練攬住佢一齊玩架(仲要係男人)
個教練緊貼住佢背.....
一齊駛向日落中既海平線...
仲要係一個橙色既日落.....
個意景好浪漫呀救命~~~~~~
我都好想做佢水上電單車教練~~~~~~~野~~~~~~~~
呢首歌令我諗起
上年去毛里求斯係St.Regis個沙灘睇既日落~
印度洋的美麗日落~
都係橙海黎架~加上當時好嘆~好開心~
(係咪好想睇番個橙海呢~傳送門在此~建議配搭Supper既橙海一齊聽~)
"從來沒有路線沒有預覽地圖
未來是一幅畫布請繪上色彩 描畫你愛的愛~~~~~~"
偏偏最大壓力既時候就無你地既show睇...
很懊惱



星期五睇既哥套無聲絕境(A Quiet Place)...
成套戲簡直無咩對白...
但就營造到個氣氛好有壓迫感同埋勁緊張....
值得一看喎~~~~~~~~



2018/04/16的開心事：
幾個月以黎第一道曙光!



報時：距離和歌山嘆溫泉自駕遊之旅2018仲有---62日~
報時：距離與毛寶慶生泰國食揼嘆之旅2018仲有---165日~
報時：距離天團蘇格蘭高地之旅2018仲有---180日~