毛里求斯渡假+馬達加斯加麵包樹之旅2017-06-02第十四天Part 2(大霧及後天晴酷熱)

星期二....好開心早上食左我好鐘意既豬扒撈米加咖哩走青~~不過呢日d客唔多正常..個個都串串貢!!!!!有時睇一個人真係唔可以睇表面...你望佢以為粗魯...其實佢勁有禮貌!!...放工去運動..今日唔知搞咩...唔係好跑到....快行多~跑得20分鐘~加加埋埋5.03km~星期三.....工作順利~呢日中午仲去左飲茶~因為難得的同朗公子同埋衰婆同一更~食飽飽~...放工快行+慢跑5.15km...唔知點解呢兩日又好似唔夠氣咁~星期四....工作ok~今日休息~無跑步~~呢幾日都好凍凍呀~~~~最岩係咩呀???梗係打邊爐啦~~~周末點都要打一次~~~~



2017-06-02
Day 14---Part 2(馬達加斯加,穆龍達瓦 Madagascar,Morondava->安塔那那利佛 Antananarivo->安達西貝 Andasibe)
見仲有時間...去機場又太早....所以叫史奈達再車我地睇多個景點~佢就帶左我地黎呢度~因為溝通唔到~開頭都唔知佢帶我地睇咩既~




咦!原來係d廢棄左既造船廠喎!!!





又幾有特色喎!!同埋影相好靚!!!不過呢度極度臭~~~有無人諗到今朝麵包樹大道哥度咁大霧...但依家會曬到咁~~~






大家見唔見對面好似有個島咁呀?呢邊有船搭過哥邊架!!望落幾似個渡假村咁~(可能純屬我既幻想)




好囉~差不多時間去機場喇~咦~你地都有tuk tuk坐架~




好喇~到左機場喇~同史奈達講聲88~




得一個check in counter~唔會錯啦~(我懷疑呢度一日得一班機升一班機降~)....呢個機場我覺得仲落後過玻利維亞既烏尤尼哥個~~~~(起碼uyuni哥個有wifi先~)




顯示板係用白板架~認真一望....咦...我地班機delay左喎....最驚發生既事終於發生.....本身飛15:10....依家變左16:30




都無計~唯有影番張靚相先啦~(咩邏輯?!)




頂唔住肚餓......走去機場唯一既cafe度買個三文治食(等左佢整20分鐘...)...係估唔到既幾好食!!!!!!!!仲要係熱辣辣既!不枉我等左你咁耐!諗住俾d衰公衰婆...因為等太耐....衰公衰婆話要自己買一份.....點知佢地等左好耐...最後賣哂!!(但我想講我同毛寶去買哥時佢先岩岩開門咋喎....)




食飽又等上機就影下今日買既野啦~除左磁石之外...我仲買左呢兩張postcard~~~左邊哥張成隻雞脾菇咁~




呢堆就噚晚買既...但都仲係未寄到~




呢兩隻環尾狐猴造功雖然無毛寶噚晚買哥隻咁精細~但我都覺得幾靚~




鐵皮車磁石~幾靚~




呢個刺繡袋係頭先間Big Basket度買的~我覺得幾靚~




好野~終於都飛到喇~~~拜拜~~到最後...我地都無再見過百力滋了~




到左首都安塔那那利佛(Antananarivo)都已經差唔多天都黑齊~今次又係Sundi接我地~再見佢真開心~之後就即時起程出發去另一城市安達西貝(Andasibe)....但呢晚首都爆塞車!!!!!!塞左成個鐘都未上到高速公路...我地問....3小時既車程計唔計呢個鐘塞車~~~佢話唔計.....華~~~唔知幾點先有飯食~~(因為佢話我地食飯哥度係途中經過~~).....未上到高速公路前有行過內街....其實幾黑~~但係個感覺超熱鬧~好似台灣夜市咁~~~我幾欣賞佢地哥d賣肉腸既檔~~(唔知係咪太肚餓~~~~)







於是Sundi同Baba即時頭腦急轉彎~安排我地去食左飯先~食完飯應該塞車時間都過左~可以快速去到目的地~呢個安排好好~~~~黎到餐廳門口落車....左望右望....呢區似係d高級酒店區~~~帶左我地黎食法國餐~麵包好像不錯~(但我記得勁多蚊~~)




我叫左呢個前菜...Avocado and apple Salsa with Sesame Seeds......Ar9,000=22.6hkd......個味我覺得幾好味既...但食食下又覺得好悶~~一個人食可能會有d漏~~(我地四個人食)...




Vegetable Soup....Ar9,000=22.6hkd....我記得幾夠熱~正常味~佢d前菜都算幾平~




我叫的主菜Maple Syrup Lamb and Sweet Potatoes.....Ar27,000=67.7hkd.....個鴨脾d肉好鞋...但sweet potato原來係芋泥...我不喜歡芋泥......




毛寶的Thai Sea Cauldron....Ar21,000=52.7hkd....呢個都ok既...有d海鮮咁..又有d泰式汁咁撈下飯




衰公既Carbonara....Ar19,000=47.7hkd....係我暫時見過外表最肉酸食落都係最肉酸既Carbonara.....差!




Filet of Fish with Coco Milk and Coriander Sauce....Ar22,000=55.2hkd....好似是中規中矩.....d薯條係蕃薯條來的




呢餐食左Ar120,000=301hkd....每人75.3hkd.....係平...但係唔算好食~算啦~都係求其食左快d去目的地啦~




華...途中d路黑到呀.....我其實有話俾自己知唔好訓呀...危險架!!但.....偏偏我就係一上車就會訓著哥種人.......我訓足全程3小時....辛苦哂Sundi~我地呢晚既酒店係Andasibe Hotel....我記得到既時間已經係凌晨12點幾......reception都無哂人...得番兩個搬行李叔叔等我地check in...辛苦哂!間酒店房其實幾大......又係無冷氣既....但呢區我覺得勁凍~~本身諗住訓左先....咩都唔做聽朝先算....點知諗諗下....都係沖好哂涼先.....聽朝訓晏d先起身~......張床無被...得張床單狀既布......但呢區勁凍.....訓訓下都凍醒....毛寶凍到縮埋一舊(佢話好凍醒左好多次但都無諗住起身).....我都覺得太凍....所以起身攞衫著....順便攞件厚衫俾我隔離哥隻打哂冷震既駱馬(有睇騎呢大帝既應該知我講咩)










2017/11/20的開心事：
梗係見到你啦~<3



報時：距離日本大阪自由行之旅2017仲有---14日~
報時：距離新加坡熱辣辣聖誕節之旅2017仲有---28日~
下~~~~新加坡仲有唔夠一個月咋!!!
乜都未搞喎!!!