南美洲4國新奇探險之旅2016-02-28第十六天Part 2(晴天)

星期四中秋節一放工就彈去毛寶屋企~~~哥日佢帶埋我同佢爸媽一齊去試永利宮呢~~謝謝~~(但永利宮同永利軒差好遠.....永利宮對住個噴水池個景真心無敵!...可惜服務同食物品質完全同想像中既酒店中餐完全不一樣....平時食開既酒樓可能比佢更好~)...飯後毛寶爸仲請我搭攬車~~~~謝謝毛寶爸~~~~~之後番屋企沖個涼又衝出去UA睇00:50既薩利機長：迫降奇蹟(Sully)...好年輕呀我~.....星期五中午諗住去參觀新開既巴黎人順便午餐~點知....我放假其實人地都放假je~~勁!!!!!多人!!!!!!!!!!!!!!!!!!!想食哥間餐廳話3點半先有位(但哥時係兩點).....係多人到你唔想再行....梗係走啦~~~好醒咁去左羅浮咖啡~~唔使迫加上依家可能為左對付新開既巴黎人佢免費泊車3小時~~~~~~~~~跟住番毛寶家和貞一起用Q7唱K~~~好開心~晚上約左麥公子朗公去食新開既醜比頭點心...但佢冷氣壞左..求其叫4個點心食完就走~再衝去觀光塔食德國餐~(一晚食兩餐是常識吧~)....星期六中午又食左文華東方~~(咩喎~轉左餐牌呀嘛~)....自從攞到信用卡之後我已經食第四次~下午毛寶幫我剪頭毛~剪完簡直係超帥~!晚上食左日式齋~平平地都唔錯既~....星期日中午有老闆請我同毛寶去玥龍軒飲茶~~多謝老闆~~~好好味~~~之後去威尼斯人行街街~下午去左機場接我阿媽機~~~晚上又有老闆請我食Hide Yamamoto~~~~為中秋長周末劃上完美句號~(點解咁快完架~~~~)..........好彩今日星期一工作量還好~



2016-02-28
Day 16---Part 2(智利,復活島 Chile,Easter Island)
然後揸車去另一邊喇~~條路好似一路上山咁既~~~停低駕車影番去市區哥邊~~~




行前多少少...有個景點牌喎....有諗過唔落車睇(因為好熱好曬)....不過....好啦~咁遠係澳門黎到...咩都落車睇睇啦~Rano Kau係乜東東?




一行左上去....華!!!!!!!!!!!!!!!!!!!!!!!!!!!!!!!!!好靚呀!!!!!!!!!就係出發之前我同團友講話要黎既火山喇!!!!!!!!!!!!!!!!!!!!!!!!!!!!!!!(好彩有落車~~~事實證明我地係復活島行程係無plan得離譜~~我連我自己出發前想睇既呢個火山都忘了~~~)





行過另一邊睇個景好似又唔同左咁~~~




所以沿路再行上少少試下睇下先~~~等等我呀後生仔~~




上到黎最高點睇真係唔同d喎~~不過佢秋冬天黎應該會好d舒服d~因為依家係多蚊同埋好熱好曬~angela話佢之前黎呢度好舒服慢慢寫postcard的~~~如果我停係度寫postcard應該會熱暈~~~wakakaka~






影完相又落番去啦~其實條路算係幾好行既~~~又唔算太斜~~~不過我永遠都係比人行慢幾步~~~




好靚呀!!望多一眼~走咯~拜拜~




跟住黎到呢個Orongo~Orongo係復活島文明晚期島民係呢度舉行鳥人習俗既場地~呢度用國家公園張門票可入場~







華~~曬到~~~~




呢度應該有好幾個遺址可以睇睇....行左5分鐘度.....咁熱又咁曬...天團喎......於是：不如我地走咯...去食飯~~~跟住就走左喇我地~~~wakakakaka~






番到去main street~搵野咬咬~成兩點鐘喇~俾呢個畫得咁靚牌吸引左入去~~~~~~~




咦~原來係食壽司架~好啦~去咯去咯~~~~~(實在掛住平時係澳門會食既野~~~~去幾個月旅行d人點頂架~~~~)...叫做Kai Sushi Coffee & Grow(改自己個名做Kai既.....)





士多啤梨果汁(左)...$2,500CLP=28.3hkd...係幾大杯幾抵飲~不過係咪全果汁?無可能啦~你話係我都唔信~Mango Sour(右)...$4,000CLP=45.2hkd....邊個會中午都飲酒咁唔乖丫~梗係我啦~唔錯喎~~~飲完透心涼~~




西班牙餐牌~盡量估...好彩有d字係我地平時睇開哥d~~我地叫左個餐~Promocion 4...$30,000CLP=339.3hkd...幾貴呀可~但都算幾多野食架~有4隻不錯吃的餃子...仲有20件炸壽司...10件牛油果壽司...10件cream cheese壽司....大拿拿成40件壽司~~~~~~~~~~~~仲要好味過噚日喎!我好驚喜佢做得唔錯~其實最開心係有舊飯點下wasabi同豉油一齊食~






Sopa Miso...$3,000CLP=33.9hkd....麵豉湯嘛~湯后好耐無飲過唔係西湯既湯~但呢個.....個味勁怪...唔知d麵豉係邊度黎架呢~




Camaron Panko-Tempura.......$12,000CLP=135.7hkd..天婦羅蝦~~~係貴架!!但係你吹佢唔脹喎...整得好好味!隻蝦食入口勁新鮮!!好似識係我口入面游咁~





Teriyaki Pollo.....$11,000CLP=124.4hkd.....識日文teriyaki....識西班牙文pollo(雞).....好!叫得~仲跟埋個飯!!!!估唔到佢整得咁好味!!!!而且真係有日式風味!!!!甜甜地既汁!!!加上雞肉同大量蔬菜絲...勁好送飯!!!!(飯上仲有有芝麻~真可愛~)...係貴....但令離家16日的我..有一點點安慰(喂..好似你係黎短期旅行咋喎?)




成餐飯食左$77,500CLP=876.5hkd....每人成219.1hkd!!!!!!!係唔平架喇....但.....開心喎~起碼又過左口癮先~




好喇~食飽再出發~~~~~呢個景點同我地民宿好近既~就係要尋找隱世洞穴~~~個洞穴通去另一邊可看到美麗的景色~~聽講好神秘~就算你入到呢個範圍..都未必搵到......................(我地係聽我地個同事講~~連個洞穴名都唔知~)....今次係入口又堅係有人查飛~張飛真係無枉買~




我地跟住d local tour一齊行~~應該無屎~~~~~跟住佢地黎到呢度~~~~~有牌~~仲唔係你~~~~Ana Te Pahu~~~(由入口行到黎呢度15分鐘度)





話蟹~仲要琴落去架喎~~




有d涼風喎~~仲唔係呢個洞穴~~~~~




有出口喇~~~仲唔係你~~~~

噢~~~~食詐糊~~~~~好彩呢個唔算難行~




呢度d洞穴應該以前有人住既...好似見到佢地起爐火既跡象...(好似係)




不過呢個洞穴都幾靚丫~睇到出面藍藍的天~






行去另外一邊..又以為有希望..點知呢個淨係見到青苔...





向前行多一陣....唔得喇...好曬好熱呀....行過無數的小洞...有d洞口好細..有d好大但係一望就知入唔到......由於無地圖...都唔知我地行得岩唔岩.......行行下...哥團local tour都折返....得番我地....唉...算啦....唯有番去同個同事講挑戰失敗~




番去民宿抖左陣~就出番黎~我地去左第二晚晚餐哥間好難食餐廳買雪糕食~$2,500CLP=28.3hkd.....有兩球雪糕~又估唔到幾唔錯喎~





食住雪糕進行下一個環節~就係睇日落喇~(唔係呢到睇~只係覺得呢張相有d尋幽探秘feel~)


無錯喇~我地去番今朝既Tahai哥度睇日落喇!!!!!有Moai同埋雪糕陪我既日落~寧舍特別~~~~~(其實已經係晚上8點幾~)







太陽漸漸下山了~~~




入黑d浪好似仲勁d!!






睇下有幾澎湃~

好喇~之後我地就番民宿整媽媽米食喇~旅程黎到呢度我地先第一次自己整野食~~而整野食既原因係因為唔想d媽媽米係我個gip造成負擔~~~~而且我地中午d壽司食得太飽~~~所以今晚就唔出去食喇~~~我地日日都超早訓~~~因為入左黑都無咩野做~~通常10點幾我就眼訓要訓覺..第朝7點左右就自然醒~(其實係俾d雞啼醒我~~~~班野超出力叫~~~~好似唔使錢咁~~~~有次仲叫到破音~~~~~)...好喇~食飽快d覺覺豬~~~唔係d雞又啼架喇~~~gd nite~~

下一篇好好笑架~~~記得星期四黎探我~~~~~~






我之前咪講過我好鐘意食一鍋風既...
係每人一鍋哥d打邊爐....
唔算平d料又唔算特別既....
但我同毛寶就係鐘意佢個湯底!!
佢個湯底加個烏冬我已經覺得好好味.....
而且飲完唔怕口喝...
星期六晚行完街街諗住衝去食...
點知..........................佢間鋪已經換上另一間餐廳名....
我最愛的.....都不會為我留下.............................
又一例證



2016/09/19的開心事：
i子今日無啦啦同我講：你下個禮拜六就去日本喇~~
我：(驚嚇狀)係喎!!!!!!!!!!!!!!!!!!!!!!!!
*********************************************
真係好喇~~~毛寶和貞今日放工又黎探禾班喇~~~



報時：距離"七公子"帥帥出使東京之旅2016仲有---11日~
報時：距離冰島環島自駕遊之旅2016仲有---47日~~~~~~
報時：距離合家歡台北聖誕之旅2016仲有---101日~
不足兩個禮拜喇~~~緊張~~~~
我地講左有好多野要食架~~~~~