南美洲4國新奇探險之旅2016-02-27第十五天Part 2(晴天)

星期五自然多少少野做下啦~正常~放左工去左食新開既pho real...但一般...食完番屋企好口渴~星期六...中午落雨...本身諗住去食馬慶康的...但雨太大....唯有去有停車場的sky 21....但佢個中午set越做越差........然後去左一包粉絲見面會~~~~好開心呀~~第二次去呢個粉絲見面會~~~姐姐的心溶化了~~~~~~又抱又錫是常識吧~~~~~~夜晚試左間新開既餐廳...但...服務亂到不得了...唔開名了....剛開的餐廳真係不宜去試~星期日一早起身番工~公司有OT做...好開心~~~做左成日~~~~~~(好似痴左線咁有人星期日有工番好開心~~咁一睇就知因為和味所以先咁開心啦~~~希望有多d啦~~~~~~)..但真係好眼訓~~~中午仲要有飯提供~但真係好難食~.....放工去左食威尼斯人入面間印度餐皇雀~原來有米芝蓮一星的!!我以前係澳門食過一次印度餐...但係.....食落碟碟一樣味..........但呢間又真係唔錯喎~~~賣相精緻又好味~~今日星期一工作上還好~不過好似中秋日會打風....希望唔好啦~~~~~人地好想過中秋節呀~~~~~~有好多節目架嘛~~~~星期四就一定唔寫blog架啦要去食飯架嘛~~睇下星期三自己可唔可以唔懶出到blog祝大家中秋節快樂先~(唔樂觀)



2016-02-27
Day 15---Part 2(智利,復活島 Chile,Easter Island)
食飽飽直駛去下一個景點~~~Tonariki~~一入去好似有個守護者咁樣~






係好多個blog都有睇過你地呀!!!一排15個真係好有氣勢~~差d影唔哂~




咁有氣勢襯哂我地~~~~~~呢個景點推!!







附近有尊倒下了的Moai




d雀勁鐘意企係d銅像呀石像度~銅像哥d好鐘意企係佢個頭~Moai喇喎~~梗係要企係佢個鼻度啦~~~~~




你好呀~第一次見到有戴帽既Moai呀~~~~~




另外發現另一邊有佢d帽放哂係度~~搞到哥個位好似佢地既衣帽間咁~~~今日戴邊頂帽好呢~(誤)




佢地望住哥座山就係頭先我地去參觀既Moai工廠喇~




佢地背對住個海都幾靚架!!行去後面影既時候望到個石灘上面有隻死左而且乾哂既馬屍..................嚇到即刻唔敢望






真係前又夠氣勢~後又夠靚仔~





用漫畫mode都睇得出你地既氣勢!





呢個景點又係大推~!我見有個人黎度坐係度咩都無做~淨係望住佢地~好喇~拜拜~


下一個景點~復活島上的白沙灘Anakena Beach~椰樹棕棕咁呀下~好似去左夏威夷咁~係呢條路上面遇見一篤我呢世人見過最靚既馬屎...好似扭紋雪糕咁..好靚!後悔無影低(誤)





原來呢度都有Moai~佢地叫Ahu Nao Nao~呢個時候勁爆熱....影到背哂光咁~要將張相d色調淺色先見到佢地真身~hi~你地好呀~咦.....好多個Moai都有戴帽喎~





隔離仲有一尊Ahu Ature~不過無左半個頭




係Ahu Ature向左邊一望~~~~就係沙灘啦~




沙灘細細~但幾靚d海水~~~~~~(但真係好熱)





我地決定行上上面買野飲...實在太熱.....買左杯芒果飲料...味淡...無咩芒果味但勝在夠凍~~~~我坐左係個樹蔭位抖涼~附近超多居民坐係地下一家大細野餐~~~~~我坐左係度就唔想郁~~~~~~~~~好涼呀~~~




然後毛寶唯有自己一個行落沙灘曬太陽啦~~~~佢就係呢日查完呢支黑鬼油開始皮膚敏感~~~




曬完太陽就番民宿抖抖喇~~~~~呀~~鬼祟得你丫~~~~




同面罩貓玩玩下發現....你好呀~~~~~發現呢度有第三隻貓~~仲係一隻貓仔~~~~~~好得意呀你~~~




好可愛呀~~好可愛呀~~好可愛呀~~(姐姐的心已溶化<3)





Playmo個o字又再搵到代替品~~~~


你地兩個幾fd喎~~~~~定還是..你地係父子?!?!?!




招積得你~




呢張係我地買國家公園入場劵送既地圖~紅圈就係市區範圍喇~~~~~而頭先我地去既海灘就係個圖上面海既位置咪有隻鷹既圖案既...隔離粒紅點位~我地今日都算行得好遠下~




今日係Moai Fatory哥度買既紀念品~




抖左一陣再出發去食晚飯~咦~你仲係花園度既~~~





驚見原來仲有另外一隻貓仔!!!!!!!係呢民宿見到4隻貓喇!!!!!好開心~~




呢兩隻小貓細細個超百厭~~~~~~~兩隻夾埋一齊去嚇隻雞~~~~




由於噚食哥間超難食~於是大家就諗住唔好搏喇~食番第一晚哥間啦~~~又黎Tataku Vave Restaurant~




室外位個無敵海景真係幾靚~




正值日落潮退中~





個麵包又係一放低就俾我地食哂~個醬真係好好味~




Fresh Juice~呢日係菠蘿汁~呢杯菠蘿汁先係架嘛~酸酸甜甜又有果肉~好味~~~~價錢忘了記下~




我叫左杯Mango Sour~~~~價錢應該係30幾40hkd左右~好好味~~~~~~~比秘魯的Pisco Sour甜d~話哂係芒果味嘛~




今次叫左另一隻八爪魚料理Octopus with Sauteed Vegetables....$13,500CLP=152.7hkd.....唔錯呀個味~~不過比起第一日呢個個質地硬左少少~




又叫Grilled Beef....$12,000CLP=135.7hkd...好味~




仲有Fried Shrimps...$6,000CLP=67.9hkd....估唔到炸蝦都咁彈牙~~~~~加埋個泰式汁真係驚喜~~好味~




as a Main Course既Fish Soup...$11,000CLP=124.4hkd....之前叫過~信心保證~今日照舊成餐飯都10幾隻牛屎烏蠅嬲住我地食飯~恐怖~而且呢餐飯識左另一個黎自美國既女生~佢叫Beca~不過明顯佢飲左好多酒~~~自high中~




食飽飯經過一間紀念品店~入去睇睇~




呢間d野係靚少少自然亦貴少少~第一次見粉色系既Moai~~~突然間覺得你地好少女呀~~~~




我都唔小心敗左個袋~(又一個袋~買左兩個Moai布袋喇但仲未捨得用)




3支我既飛佛鉛筆~




仲有Moai薄荷糖~~好靚仔呀~~~








2016/09/12的開心事：
貞和毛寶今日一齊放工探我班呀~倍感安慰~



報時：距離"七公子"帥帥出使東京之旅2016仲有---18日~
報時：距離冰島環島自駕遊之旅2016仲有---54日~~~~~~
報時：距離合家歡台北聖誕之旅2016仲有---108日~
好驚呀!!!!!仲有兩個禮拜左右就同公子去日本喇!!!!!!!
好緊張呀!!!唔知呢班人又食得有幾瘋呢~