法國瑞士塵世美之旅2012-05-22第四天Part 1(陰天及後轉晴)

今日都係咁多野做~~~我都知踏入六七八月都唔會有咩好野架喇…..鬼叫自己今年已經放左15日假咩….唯有死頂啦~~~~~同事們暑假都紛紛去旅行~都好~我無得去都叫有手信食~~~~~今日中午飯吃了chlo仔請我吃的台灣義美蜂蜜蛋糕….一直行過八佰伴都好想買黎食…..不過又係因為姑寒~~chle仔話因為佢呢兩日陪唔到我….所以搵蜂蜜蛋糕陪我….挺感動的~依家有人請我食喇~~我終於都食到~~覺得特別好吃~~清甜既蜂蜜配上蛋糕….好少女呀~~~~



2012-05-22
Day 4—-Part 1(法國巴黎)我地一早起身出發去凡爾賽宮(Chateau de Versailles)….由於之前買哥d十張特價飛個範圍唔包括去到凡爾賽宮…應該係比較郊區………所以就要再買過飛~~我地搵黎搵去都唔知邊度可以搵到去買凡爾賽宮既飛…我地狂搵之際…..此時隔離有個法籍帥哥主動走過黎…..問我地想去邊…..初時我都驚一驚…你知啦…地鐵喎…巴黎喎…唔係唔驚呀….警覺都高d啦~不過知佢後尾想幫我地買飛….於是我地同佢講我地想去凡爾賽宮……佢都搵左好一陣先搵到…..後尾我地買完前merci後merci beaucoup之後……毛寶說了一句：真係又香又靚仔又好人~…….睇得出佢係趕番工哥批…但都肯停低幫我地…我自問做唔到(趕番工時…)….重點係我地兩個都認為佢堅靚仔同堅香噴噴~佢係我地係法國第一個主動幫我地既人~…..睇到個地鐵車廂…真係舊到得人驚……

去凡爾賽宮坐RER C線去到總站Versailles-Rive Gauche就係….不過唔知點解坐到某一個站….停左….停好幾分鐘….播左一陣法文….我覺得好古怪…同毛寶講：係咪要我地落車呀????…..之後成架車都熄哂燈!!!!結果就係要我地落車轉另一架囉…..不過我唔知點解~唯有自己留意下啦搭哥時~大約搭左45分鐘度就到~網址：www.chateauversailles.fr



超多人係呢度落車~呢日係星期一…估唔到閒日都咁多人黎…毛寶話：你估成個世界淨係得我地放假出黎去旅行咩…………..你講得好岩…不過窒得我好應~一出就得兩個出口既jei….一係左面一係右面….

無論你出左面定右面….都係一樣咁行喇….過對面馬路之後轉右行….第一個街口轉左直行你就會見到凡爾賽宮就係你不遠處喇~或者簡單d講你跟住堆人潮行都得~因為真係好多人去!!!由於呢日有d凍…..我地本身諗住食包零食做早餐忍到中午先再食~點知….咁凍唔食野又點會產生到熱能呢~於是忍唔住之下行過見到呢間野岩岩開~~~走入去睇下有咩食~佢係食法式三文治的~

叫左我唯一可以拼到音既L’Italien….€4.8=48hkd…..等左好一陣子…原來佢唔係就咁夾麵包的….佢會烘熱個baguette再將d料放入去…..估唔到….出奇咁好味~~~~~d沙律菜經麵包既熱力發出香氣~起初以為咁重口味既野毛寶會嫌棄~點知大家一齊搶吃~~~真係好好味~有機會再食~食完成身都暖哂~~~

yo~食食下包我地都到左凡爾賽宮喇~~~~~~

根據個像上面既字…佢係路易14~你睇毛寶個樣得戚到好似發現新大陸咁~~

天氣陰陰…又有d大風~~凍凍~~

望住似好近…行左一陣先行到去~~~好似話以前個國王路易十四覺得其他大臣間屋靚過皇宮好多…佢唔抵得…..於是佢就要起一個全歐洲最大最雄偉既皇宮認下叻….跟住好似係起好耐…耐到好似起左五十年…..講完..我大約就得既就係咁~

可憐….有museum pass都係排同一條隊~條隊長到呀….你係呢張相見到既仲要轉多個彎先到我地排緊哥度…..不過好彩都算快~排左15分鐘度就入到去~原來依家五月屬旺季….要€20=200hkd入場費~~好彩有museum pass免費jei~~~~

終於入到去喇~最衰天氣咁啦…個天色又唔靚~不過佢唔落雨我都好多謝佢囉~

我地傻架…..唔好同我地一樣呀…..我地初初圖都無攞就亂咁行………又唔記低本旅遊書有咩推介一定要睇(毛寶有睇過講左個皇后張床一定要睇…其他都唔記得哂~~)我地一入去參觀…..咦…好靚咩….又話全歐洲最大最雄偉既………暗暗講：好似俄羅斯哥d靚d喎…..呢d咁似我地舊年係北歐睇哥d咁無睇頭既…(最後先知原來我地怪錯好人….呢度呢part係人地哥d俾客人住哥d~~~~~~或者會客室哥d~)

超大的地球儀~

影相熱點：美麗的長廊~(好嘔心呀個名我自己作架~~wakakaka~)

噚日放工毛寶上黎我屋企陪我玩左陣…睇住我吃菜….佢坐我隔離時我幽幽的問…我：唔知今晚有無人攞湯俾我飲呢….毛寶：(忍笑)…乜你個人咁架…..我：咁你媽媽d湯真係好好飲嘛….毛寶：媽媽都叫你出黎飲咯咁你自己又唔出黎….但最後毛寶還是靜靜的帶了佢媽媽煲的老黃瓜湯俾我飲…華…..好正呀….好家既感覺~謝謝呀~~~~毛寶媽媽的湯和我媽媽的湯是最好飲的~



Mr.個演唱會已經做完….係我公司外牆個廣告牌都無左…呢幾日番工見唔到佢地張相….不禁有d失望呢….
Mr.最新既EP Misterdays入面…..唔係大熱既昨天..或者人一世物一世….而我最喜歡的是這首…
”未來在宇宙盡頭"……連個名都有意境過人….[youtube http://www.youtube.com/watch?v=O2g3UIDuGJ4&version=3&f=videos&app=youtube_gdata]一起高興生命 兩個原來約定
因此相信走到盡頭 能碰到未來 能找到愛的
看這裡在歎息 到黑的太空
可拋低過去 貼著誰一起見證
看那裡掠過星 到光的瞬間
可捉到永遠 抱著誰一起記憶

要去我未去的 要飛出太空
於空中有愛 到盡頭一一佔領
"要去我未去的 或者找到一個人 到未來吻我眼睛 "<—最喜歡的一句;]
(布志綸唱得好好聽呢~~~~~)



報時：距離六公子出使韓國之旅仲有—-94日~
好野~~~媽媽上機喇~~~
聽日中午我就可以同媽媽攬攬抱抱鍚鍚喇~~~~:]