法國瑞士塵世美之旅2012-05-20第二天Part 1(陰天及後大晴)

今日開完會….有d sad….因為d高層決定本身係內部做既野…..要我地counter做埋…..但做每個籌既時間…..不變…………………….點樣係本身已經唔係好夠時間做既情形下再加多兩樣野做呢??我諗要有d超級電腦配合下先得喎…..同埋本身專做呢兩樣野既同事俾左呢d野我地做之後….咁佢地又做咩呢??本身全部人都破口大罵……….後尾我自己諗明左…無論係點都係要行….無得say no….唯有接受~我地只係執行者……至於做唔做得到同會唔會遲籌….呢d都係決策者要煩既野~唔到我煩~~反而調適左自己心情之後今日做野都覺得開心d~~~~加上今日落落大雨~搞到人潮大減~仲唔係個天可憐我地~~~happy~



2012-05-20
Day 2—-Part 1(杜拜->法國巴黎)係杜拜機場食飽飯之後……坐係閘口發呆……上網…..勁眼既情形之下終於等到上機…..搭EK71航班….飛04:30….足足係機場等足5個鐘…….臨上機個職員查機票同護照時將我同毛寶本護照左睇右睇…..仲攞佢自己本簿仔睇左超耐…又同隔離個同事講左超耐(相信係睇緊我地係咪真係唔使簽證…堅驚~)好彩後尾順利上機~~呢程超慘..就係我同毛寶無得一齊坐哥程機….成7個鐘……我擰哂頭同毛寶講：我勁眼訓…又無你係隔離….我一上機即訓!…….點知一上機…..坐位幾闊~望望前面個電視….華!!!!!我從來未坐過一隻機個mon大過個iPad囉~~~~~下面個遙控仲成個PSP咁~~~~未起飛前…..我已經狂篤!!!!發現戲種超多而豐富…..仲幫你分埋類~ice呢個系統真係幾好~幾多戲睇~個mon真係超大囉~~~~(可能我now仔~)

第一餐….sandwich係checken tikka…..勁難食….重口味….中東騷味……實在飛機餐忠粉都係擺埋一邊…….反而我平時唔鐘意食既蛋糕又幾好味喎~

係兩個餐之間….我由本身超想訓覺…..到見到個藏戲量咁多既系統……….我7個鐘頭不停戲駁戲睇番我之前未睇過既戲~~~~~~第一套：再說一次我願意the vow(呢套好似岩岩先上完咋喎咁快有得睇唔係唔睇呀~~~都幾好睇~)….第二套：i don’t know how she does it(純粹係見sex and the city個SJP做先睇~輕鬆戲~)….第三套：雨果的巴黎奇幻歷險hugo(超好睇呀呢套~~好感人喎…我仲睇到眼濕濕的~原來之前做3D架….好後悔無睇~)….第二餐我揀左breakfast selection….有雞有香腸有薯餅有scrambled egg有煙肉…呢個又變番好正喎~~~佢個牛角包簡直正絕~

就係咁戲駁戲…..呢一晚………….我只係訓左…….半個鐘…………….就落機玩喇~~



我地朝早09:40到左巴黎戴高樂機場(CDG)~~~~過海關超快的~平時睇護照咪關員將個護照放係scanner度bit一野再吸印既….呢度係：打開…吸印….走得…………..望都無望我一眼……………….如果美國都可以係咁就好喇~不過等我件行李等左半個鐘囉~出到黎喇~~~我癲喇~~~我地係2C呢個terminal落….佢分terminal1同2….2又有2A 2B 2C哥d….頭都大….法國轉機都唔知點算~

黎到第一件事要做就係去要tourisme information度買張paris museum pass….分2日(€39=390hkd)……4日(€54=540hkd)……6日(€69=690hkd)咁樣唔同價錢…你知巴黎幾多博物館啦…..自己計下要去幾多個博物館(要museum pass覆蓋先得…有d唔包架…睇清楚!!)….加埋個價會唔會多過買museum pass既價錢…如果係就買狂谷哥幾日去就岩哂~

我地買左4日既pass….讚揚下museum pass先~~1.超過60個博物館免費入場…唔止博物館….其他例如凱旋門頂都可以上…..想知道有咩博物館可以免費去….睇睇呢個官網：http://en.parismuseumpass.com/rub-museums-monuments-by-name-5.htm…… 2.你有museum pass等如你去迪士尼有fast pass一樣….唔使排長龍入!!因為無pass你要排長龍入之餘….入到去仲要排隊買飛入場!!!!!!

買左既話要連續4日用….只要將你第一日入既日期寫低…同埋寫埋你個名就ok~本身諗住….好彩無做….因為佢咪有條barcode既….佢有時會bit機入場的~哈哈~

好喇~要搵車出市區喇~巴黎d地下鐵分兩種既….一種係Metro…..行郊區多數係RER….所以我地就搭RER出市區喇~

根據佢既指示行到黎呢個口就岩喇~(我地係2C呢個terminal架…其他terminal唔知係咪咁~)…….一路搭扶手電梯落去

見到呢個綠色門口入去買飛就ok喇~~講明先….我地兩個係唔識法文架~我地只係上過兩個月會話班玩下架咋~走到入去其實佢地都識識地英文既…不過你知巴黎站名啦….我屁識發音咩~發到音都係發d帶有鄉音既法文~建議你俾本書佢睇啦~

成功買左飛喇~出市區每人€9.25=92.5hkd~出發咯~

華….俾d心理準備大家….巴黎d地鐵….係唔會好似香港台灣d咁靚架………佢係…..好殘舊架………………………

仲有仲有提提你….等你唔好做now仔~巴黎地鐵大部份都係要你自己開門架~無論落車定上車都好…….分兩種開門….第一種就係按鈕…..第二種拉手制…..見到有制….千祈唔好戇居居企係度等落車…..你會後悔的~(有d係自動門~不過手動多~好彩毛寶有做資料搜集)

真係堅殘架…又迫….明知機場出黎有行李…又無擺行李既地方….搞到超迫囉!!!旅遊書提醒我地：地鐵車廂有好多賣藝既藝人…..如果你望佢地而佢地又同你對望….佢會行過黎問你攞錢的!!!偷望下好喇~留意下~(不過有一次有個賣藝藝人係車廂同其他搭客一路彈結他一齊唱：knock knock knocking on heavan’s door….勁有氣氛超好聽我警戒心咁強都明目張膽地望~)

有d舊d既地鐵車廂係太舊唔會有發聲廣播….所以盡量唔好訓著啦~~要自己數站落車!!!大概45分鐘….12個站度…就到左我地住哥間民宿附近個地鐵站”CHATELET LES HALLES”~

地鐵站都好殘~同我一樣~(我訓得半個鐘係咁上下啦~)

通常你一出地鐵站個人就慌喇…開始搵旅遊書呀…地圖呀…之類之類…一出時我都係左望右望~毛寶一句：岩喇~行呢邊啦……..我：what?!?!?你點知????……毛寶：我係google map實景行過一次架喇~我知點去……………….我：痴線架你……………………..大家依家知道google map幾有用啦????????????

一出黎既時候地下有d濕可能岩岩落完雨….天有d陰….有d涼….安慰自己：咁既天氣…好巴黎呀~



影下自由行神級俾大家睇睇!!!!毛寶：岩喇….呢度……再一直行……行到哥邊轉右

結果….電話攞都無攞過出黎睇…..唔使三分鐘搵到民宿哥個大廈入口….神級呀!!!!!!!準確無誤帶到我去哥到!!!多謝神級!!!!多謝google map!!!!毛寶真係達人!!!



去民宿期間經過既花檔~日日d花都咁靚~~

由於民宿主人要求下午兩點先check-in…所以我地係附近搵野食先(哥時係12:00)





今日見到貞貞~
佢見到我…突然話
貞：華….你d頭髮長左咁多既???
以~係咩~
但我地好似今個禮拜第三次見喇喎~:]
我要再長d~



今朝我做now闆請大家食早餐~
覺得唔一定人地請野食先開心既~
自己請人食野都好開心架~:]



報時：距離六公子出使韓國之旅仲有—-108日~