香港迪士尼反斗奇兵大本營探險之旅2011-12-08 Part 3

今晚學法文可以話係一頭冒水~~問我野我都係擘大個口……哈哈~~下個禮拜哥兩堂自己放自己假先~~頭先放學番屋企睇缺宅男女…..琳琳d戲超真呀~~喊到我都覺得好唔開心….我都bit左幾滴眼淚出黎~~我見到三哥都有喊…..仲有唯唯打鵪鶉妹哥一巴….爽到我呀…睇咁多集忍足佢咁多集……舒服哂~~~(我睇婆媽劇都喊呀…..)



2011-12-08  Part 3(香港迪士尼樂園)食飽飽坐左陣….(其實坐到差唔多點幾兩點~~)….就出發去玩喇~~首先梗係同個靚城堡影相先啦~~~

呢張合照係由一個迪士尼負責影相既職員幫我地影架…我想講….影得好差呀..




職員話我地知經幻想世界入去會快d~~好鐘意旋轉木馬呀~~很灰姑娘feel~




行下行下…就見到卡通版大龍喇~~(但係..我唔記得佢個真名..大龍係我地自己作架~)




又行下行下….就見到有指示~~~




hey~~~~見到喇~~~見到喇~~~新開的反斗奇兵大本營呀~~~

胡迪番到家鄉喇~~~佢話佢好開心呀~~你睇佢笑到~~




反斗奇兵大本營係以安仔後花園做藍本…所以你會見到好多大型既玩具~~置身其中好似我都變小玩具咁呀~~~d大燈泡好得意呀~~~~

胡迪和安仔的字母板合照~~仲有人特登著畢業袍入黎影相架~~我都想呀~~




我好鐘意呢張相呀~~~因為d馬騮好得意呀~~~個景係個大桶入面~~




連胡迪都好鐘意馬騮仔~~但我唔記得d馬騮係反斗奇兵裏面既戲份係咩~~

之後見有人係大桶前面排隊….估係有卡通人物會出黎同大家影相…見等15分鐘我地咪跟住排~~之後問d工作人員係咩卡通人物出黎….原來係：翠絲同胡迪一齊呀~~~~~~以前胡迪同翠絲係好少好少一齊出黎俾大家合照架~~~通常都分開架~~知道左之後等都等得超開心~~之後我地仲帶小胡迪同大胡迪合照~~~大胡迪見到小胡迪超級開心~~~翠絲仲問我有無佢份…點知我話：無買你呀……跟住佢就扮嬲喇~~哈哈~~~我都戴哈波眼鏡影相~~~好鐘意d相呀~~好開心呀個畫面~~

今日癲架…
有個90後既男仔係我counter…
我同佢講左一輪佢有d文件唔得…不過話可以幫佢收左先
唔得先內部打俾佢….仲問佢想補交定想我收左先….
佢答我想收左先….
其間我都好有禮貌咁同佢講…
點知….
男仔：你係咪成日講野把聲都係咁倔架?
我：(我知自己把聲有d沉…不過)下?!天生架喎
我：咁你係咪想我將個聲線整高d同你講野?
男仔：唔係(笑住講)
我：咁一係我試下用輕柔d既聲線同你講野啦…..
之後我特登用懶溫柔既聲線同佢講野..
講左兩句…我自己都頂唔順…
痴線架!!
下次我擺定變聲器係counter度啦好未…
坐左七年半counter…第一次有人同我咁講
呢個世界係咪癲架….



報時：距離日本東京血拼美食之旅仲有58日~
報時：距離法國瑞士塵世美次旅仲有—-127日~
有點興奮~~hehe~~