浪花日式烤肉

今日臨近放工…..連電腦都收埋工既時候…………….竟然有人可以遲兩個鐘頭到要我地幫佢辦番…………d人真係好過份囉…….點解唔可以準時d呀???兩個鐘喎遲?你地究竟去左邊?…………..另外今日有個人對我做左一個動作真係令我有d嬲…..但我只可以用一個講笑既形式去話番佢…..人際關係真係一個高深既學問囉…………………….放工滾水lok腳食左個m記又去上法文……..今日真的有點累了…..



我認我又自戀….攝於七月時既我…..希望無嚇親大家啦~ :P

hey~今日想講下第二間係新口岸既日本料理….叫浪花~係食日式烤肉既….因為之前聽過好多次d人話點好味點好味…..所以真係…..好想試~~~~地址係：新口岸皇朝宋玉生廣場布魯塞爾街148-262號恆基花園第4座BB鋪

環境呀……都可以既…..小店格局…不過燒肉店都係有一陣燒烤味係度架喇~同埋座位偏少……..一係早d黎…一係訂位啦~~

送既前菜~~~好好味~~~

呢個叫做和牛生拌牛肉絲—-120蚊……想試係因為之前係fb有人講過話好好味…..又估唔到黎到….又真係幾生喎~

連隻生蛋撈埋一齊食……其實個味道係幾好味…..不過稍嫌佢撈得個味道太重….因為好似食到好重既牛肉味….毛寶話：完全食唔到佢既牛肉鮮味!!

咁去得烤肉店….點都要食d烤肉卦….叫左A5日本和牛小扒—-150蚊….同埋鹽燒牛舌—-110蚊……心諗成舊水一碟牛…..應該有少少牛味俾我食到啦~~

不過…..食落又無咩特別喎………又唔覺得特別的好吃~我反而覺得佢舊牛好似雪左好耐咁……..唔知呀~可能我唔識野啦~

反而壽司好有驚喜喎~叫左帆立貝壽司—-38蚊….三文魚壽司—-18蚊….鰻魚壽司—-28蚊……..價錢ok喎~仲要我覺得好好味~~~有時我都間唔中諗起佢d壽司….d飯軟硬適中~~刺身新鮮~~~飯有微暖感~~~好吃好吃~~~鰻魚都燒得好出色~~~

不過呢餐每人食左250-270蚊左右…..但係我又覺得….日式烤肉店最好味既野係壽司會唔會有d反高潮呢~~~同埋價錢認真地唔平喎!!所以….下次考慮下先決定再黎唔黎!!





好野~~番埋聽日有一日公眾假期呀~~
所以話：12月真係可愛~~



報時：距離香港迪士尼反斗奇兵大本營探險之旅仲有—-1天~
今日已經買左孩喇~~~
星期四gogogo~~