香港大閘蟹一天遊2011-11-26 Part 1

hello everybody~~~原來我有成五日無上黎寫blog~~懶懶地~~~又因為凍凍地~~~~最大原因係因為我上個禮拜有d忙~~星期三去左公司既聖誕聯歡會(本身無話去..後尾見媽媽去旅行無飯食…咁就去下啦~~哈哈~~)…..唉…又再一年抽唔到獎喇…..今年大獎係iPad2……我個號碼係135…..當老細係台上讀大獎得主係….1….3….既時候…我簡直抖唔到氣……………….最後佢係話：1………..3……………7囉….成個泄哂氣………….唉…又擦身而過~星期四去左迪迪尼玩新既園區—-反斗奇兵大本營~~哥日好好玩~~不過遲d先post相上黎~~星期五又去左杯杯既飲宴~~(仲有媽媽番左黎呀~~~~~~~)………星期六日又食好野~~~~好忙呀~~哈哈~~今日想擺d好新既相出黎呀~~~(兩個禮拜之前的~~)



2011-11-26  Part 1(香港)
今日想講下上個月去左香港食大閘蟹~~~~~點解無啦啦會去香港食大閘蟹???因為見11月出左雙糧……..媽媽又好耐無去過香港……咪同佢過去行下囉~~~你知啦…秋天係食大閘蟹既好時節嘛~~~不過澳門又無咩餐館話食大閘蟹好靚或者有咩大閘蟹餐好食…..所以咪請媽媽過香港試下囉~~~哥朝搭9點9船過香港….超級大浪…..差d想嘔呀………第一站就去到尖沙咀新港中心三樓既鼎太豐食個中午飯先~~~點解要去鼎太豐呀…………因為媽媽話好想好想試囉~~所以就陪佢去食下~

我地去到哥時都唔使等位….我地大約12點去到…..不過佢裏面都幾大~~~



不過我係絕對唔會試澳門既鼎太豐架喇….因為係垃圾!!

呢個係四喜烤麩~都整得幾好味架~~

佢d小籠包都有幾個種類…..有黑松露小籠包(成168蚊6個….太貴了…無叫)….仲有雞肉小籠包(雞肉咪好鞋??)同埋絲瓜蝦仁小籠包(無肉都得???)……睇落都係叫d穩陣d既好~~媽媽話想食下蟹粉小籠包….78蚊6個….以蟹粉小籠包黎講….個價錢算係平~

都算係有d肉汁既~~~都幾好味~(起碼好食過我係上海食既南翔小籠包~)

尚算皮薄餡靚既~



酸辣湯都ok~同叫左個清炒芥蘭都可以~

後尾媽媽話唔夠飽….想叫多個小籠包食下….於是就試下無肉哥個絲瓜蝦仁小籠包…..不過….都係有肉既好食d….因為我覺得有d怪….又無肉汁飛出黎….都係豬肉既小籠包正d~

呢餐好似食左二百幾蚊……我覺得都算幾貴…….哈哈~味道…還可以…不過下次我都係食到無野好食先會再去食~

heheheh~~~~~~~~~~~~~~~跟住同媽咪行左過去海港城影下相~~~因為見到有人post出黎今年海港城既燈飾係toy story既一班主角~~~~好靚呀~~~~點解我想post d咁新既相出黎係因為聖誕節就到喇~~~~好想一齊感受下聖誕既氣氛呀~~~~~~~~~~~~~~~

三眼仔呀~~胡迪~~火腿~~彈弓狗通通係哂度~~~~

不過我最鐘意既…..係佢~~~~好可愛呀~~~~~

個門口都整得好鬼靚架~~~~~~~我都忍唔住同媽媽影左好多相呀~~~

我好鐘意呢d積木…同好鐘意積木既字~~因為我好想成為一個好funny既人~~~

我地點幾鐘係度影……因為可能d人去哂食飯….所以我地影哥時無咩人…..又可以影到靚相~~~我地好叻呀~~~~~~~~~~~~~~



好可愛既大蠟筆呀~~~~好似入左巨人國咁~~唔知係咪因為迪士尼既新園區所以海港城都擺佢地做燈飾呢今年???

大家記得唔好錯過呀~~~因為行上去仲有一棵由三眼仔做成既超得意聖誕樹架!!!!!!

仲同媽媽係海港城坐低係pacific coffee飲左杯咖啡~~睇下包裝~~聖誕節真的離我們很近了~~~~我好鐘意聖誕節…..係聖誕節…總有一萬個理由俾自己買野~~好開心呀~~我係海港城買左個背囊俾媽媽做聖誕禮物俾佢去旅行用~~~

之後諗住媽媽去銅鑼灣~~諗住個地鐵站太遠咪想係海港附近個碼頭搭渡輪過海再轉車…..點知我阿媽開心到癲….一路搭渡輪..一路同我講：我好開心呀…多謝你呀阿mui….我好耐無搭過喇…成十年喇…….好開心呀我~………………………..哈哈…跟住仲同佢搭叮叮電車~~就係呢兩樣咁傳統既交通工具已經氹到佢咁開心….呢條女真係易氹~~~





今日ok喎~~
番工唔係唔多野做…..
不過用去遊樂場玩既心態去做囉~~~
結果咁又收工喇~~



hehehee~~~
好開心呀~~~~
不過都係遲幾日先講啦~~