北歐四國午夜太陽之旅2011-06-18第六天Part2(見太陽喇~)

今日我真係無用呀……噚晚十點幾左右坐係張床度睇電視時又開始頭痛……不過都只係痛下眉心附近….又未算好痛……..食左粒偏頭痛藥……去訓覺….點知訓左一陣……個頭越黎越痛………痛到成個右邊頭都痛……….一直痛到條頸上面……..同埋扯住隻眼痛………..成晚都訓唔到…..媽媽見我咁…..四點幾即刻捉左我去睇醫生………又俾我撞番上次個好人醫生……..佢今次又疑似想俾三日病假我….不過見我星期六日放假佢先收手…………同埋佢開左d安眠藥俾我………等我可以訓得好d……….依家好番少少喇….不過對於自己又請病假我真係覺得唔係幾好意思…..唉………………..好彩媽媽早d捉我去睇醫生咋….我諗住天光先去睇….點知天光落左超大雨…大到根本行唔到……真好彩!!其實今個禮拜已經痛左兩次…..但願我永遠健健康康上班去



2011-06-18

Day 6—-Part 2[挪威(富林)->卑爾根]

搖下搖下就上到最高喇…其實又唔係話好高je~不過風景都幾靚架~

有丁點兒的哈利阿波feel~因為有火車~

火車會沿路番番去…..又經過之前哥條好猛烈既瀑布…..神奇既係…有個紅衣既人扮女鬼係個瀑布度行黎行去……問題係……點解要整隻女鬼???仲有個瀑布猛力咁大佢係點樣跑上去架??

見唔見到佢??佢係間好似石屋咁樣既野既隔離呀…..我諗佢一定成身濕哂



又到中途站….唔知點解呢次去旅行d中途站都係火車站??

紀念品店隔離仲有隻好大隻既山妖呀~:]..不過導遊話呢隻只係第二大~

d花開得好漂亮呀*3*



跟住又搖左3個鐘頭既車程就到左—-卑爾根(Bergen)

d彩色尖頂屋係佢地既特色黎架~我覺得好靚好靚呀~



到左卑爾根我地就去左食中午飯先…..好野~終於唔係食自助餐喇~呢個係導遊陳仔推介話呢個湯好好飲…..終於有一樣覺得佢推介既係好正~因為呢個磨菇湯係真係好好好好好好好好好好味呀~又唔怕太漏喎~

但係主菜都係食魚架……………………………..好彩唔難食……………..都係淡口味

甜品好驚喜…係好靚靚靚同好好好好味既雪糕~

飯後首先去參觀—-梵托夫木教堂…..好有東南亞色彩喎……..又無得入去睇…入去睇要自己俾錢….個導遊又無講呢個教堂既歷史….都係d團友自己睇到介紹話係維京時期起既………..如果唔係我地咩都唔知….個導遊淨係識話：係咪好似去左泰國呢??……不過都唔知點解要參觀呢個教堂…….又唔係話太靚..

見我咁早寫blog都唔慌有好野……..

希望快d搵到引致我頭痛既原因啦!!



其實呢幾日我都有幾樣野想食….

我想食…..

1.充滿豉油麻醬甜醬辣醬既淨腸粉

2.新加坡充滿醬既沙爹

3.很多芝士的東西

4.麥樂雞

5.炸魚條弼+充滿辣醬既炒麵(我食開哥檔雀仔園炒麵)

會唔會有少少貪心呀