由柏仔睇到佢變柏佬生日會2010

好恐怖….真係無諗過今日仲多野做過噚日……今日簡直係恐怖…………..d scs同tnr多到呀………..做到流哂汗….噚日仲好有幹勁做野…就算多…..都保持到開朗既心境…..但係今日真係唔掂呀……….差唔多全部首次……….頗為嚇人….做到下晏四點幾時仲做得快到隻左手抽筋……..我諗要帶定按摩膏番公司去先得……………



華…..好耐之前既相喇….成個月之前喇…..之前掛住寫去旅行d野…….仲未post上黎~個主人翁係佢囉~係呢隻狗仔囉~咩事呢??

柏仔：下?!咩事呀?????咩事班人起哂哄咁又搞到我無得去街呀??咦有個蛋糕喎………….咩料呀??我又唔識字喎……………………..

柏仔：聞下先…….幾香喎….邊個生日呀?

其實佢擺明偷聽到係佢生日啦….又扮唔望唔睇個蛋糕………………

柏仔：快d食啦…..我仲去街街架….唔好阻住我呀………….

柏仔：我好想食呀…(不過佢真係好乖喎..未話俾佢食佢真係哄咁埋都無偷食)

大個仔喇柏仔…生日快樂~身體健康~八歲定九歲話??都唔記得左~~唔緊要啦…..記得要健健康康咁陪住我地呀~我地個蛋糕係聖安娜買…真係狗仔食既蛋糕黎~我哥日都有食…唔馬虎架…因為d士多巴梨好鬼甜架…..柏仔仲食得超快…應該佢覺得幾好味~…..仲分左一舊攞番去俾拖肥食~好耐無見過佢囉



仲有隻馬騮~~呢隻馬騮好爛玩架~

我唔鐘意臭小朋友…但係玩??歡迎歡迎….爆鐘意同一歲以下小朋友玩~

睇我個樣好似d猩猩得到佢好想要既食物咁~



呢條友仔…初頭見到支雪條就喊…食左一啖之後不停叫：姐姐~姐姐~

哈哈~你有罪證係我手喇~話俾你媽咪知~~~~



無花無假….一人一狗落力逗隻馬騮開心~~~~~~~~~~~~

又另外一次……仲耐過上面d相

隻馬騮岩岩訓醒…..個樣幾唔happy~~~~~~~~~~

柏仔：車…你地兩個以前上黎淨係識同我玩架…..以家淨係排住同bb玩…好巴閉咩…….我最鐘意係露台食煙同望風景架喇……唔使你地同我玩呀

哈哈~係囉…你睇下佢幾落寞……邊有唔理你je~依家咪同你影下相相囉~



呢架車…如果上黎馬騮係度實見到既~不過高得咁快唔知坐得幾耐~

仲有….條leggings好靚呀~~~~~~~~



跟住我想影下訓左係度既柏仔正面…..一禁制…佢即刻衝上黎…變成咁~

不過幾有藝術feel喎~你個0靚仔幾識sip位呀~



俾個正面睇下~都幾靚仔呀~錫哂你喇~

跟住我地又同番bb玩….之後我地講：同你去街街好無呀??????

柏仔又一(火羅)爆事件…..佢以為我地同佢講去街…..即刻係房跑出黎望住我地……形成一幅咁有趣既圖畫……我地同柏仔講：我地唔係同你講呀………………….你睇下佢個樣幾尷尬幾瘀……哈哈~話時話…..馬騮你隻腳點解可以整到咁高既??媽咪同你玩開體操架???







今日有個人好爛gag….唔知佢係咪gag father

我：今日下晏又會無啦啦落雨既??

小i：係囉….仲有….d雨係臭臭地架…

我：下?!d雨臭??係咩我唔覺喎…雨會臭既咩??

小i：會架…係架係真係臭架

此時有一個好有型既男同事行近….

男同事：哈哈….咁就真係”雨臭”未乾呀~

華!!!!!!!!!!!!!!!!!!!!!!!!!!!!佢個gag爛到呀………………………我同小i企係度爆笑~如果有追開呢個男同事既爛gag……齋睇文字就會知佢係邊個…….救命…好冷呀…………..



喂呀…

聽日唔好落雨啦….

人地聽日真係好想食肥仔記呀….

成個月朝早食唔到架喇….

聽日俾人地食下啦…..

牛雜雞奕米中辣~

唔該小i bb~