2010-04-20
Day 3—-Part 2(墾丁->高雄->台中)
yeah~繼續講夜市既野食先~哈哈…講起都開心~
到左第三檔喇—->繼光香香雞…..crystal大力推薦
都ok好食呀……香香辣辣咁~不過同我心目中想食既雞…還有一點距離~(奄尖)
第四檔—->香酥臭豆腐…….話你聽…..抖唔到氣
同你講…….好味到抖唔到氣囉…..10蚊港幣度有咁大盒….認真大件夾抵食囉…..係真係好好好好好好好好味….未食過咁好食既臭豆腐……好好味….原來同芫茜…….係咁夾……….依家合埋眼……..都好似聞到臭豆腐既氣息~
第五檔—->大腸包小腸…..我開頭都唔知係乜野黎既
所謂既大腸原來係用腸衣入d糯米落去…..變做糯米腸……然後就係糯米腸入面再包條香腸….我覺得麻麻地啦…..因為我唔鐘意食糯米….仲有我叫左wasabi味…..點知好攻鼻….咳咳咳咳
第六檔—->旋轉烤蝦….叫做懶人蝦…..佢用機器烤熟d蝦…點解叫懶人蝦….因為佢烤到係可以連殼食…..唔使剝殼…..
仲有四隻唔同味~都幾好食幾過癮~不過就乾左少少囉….睇住d蝦轉下轉下~
第七檔—->健美先生滷味…麻麻地啦
第八檔—->巧蕉王~將香蕉沾滿朱古力再加七彩糖針
朱古力同香蕉不嬲都夾~不過我比較欣賞朱古力加花生既組合多d~呢檔隔晚都有再食~
第九檔—->懶人蝦….咦..原來唔係得頭先哥一檔….
呢個阿叔人手燒既~仲有好鬼多隻味….睇下我頭上面~…..仲有呀呢個阿叔人手燒無咁乾不特止…..d蝦味仲鮮d tim~一次過買兩包食……都係隔晚再幫襯~
第十檔—->身後既紅色醬爆…..裏面包住芝屎既豬扒
開頭食唔到芝屎淨係食到豬扒….覺得麻麻好食….原來d芝屎流哂落豬扒底…..當食到芝屎同豬扒既結合….正~不過我個人認為…..新益間大排檔都有相同既野…..人地仲加埋火腿tim……..新益哥塊一定整得好食過佢~
第十一檔—->鹽酥goo….呢檔唔好多形容….浪費我時間
同淡水食過既鹽酥goo比…..差好遠
第十二檔—->北京茶燻……一個字….正!
我發現呢d茶燻呀….滷水呀…..同d蔬菜好鬼夾…..呢個茶燻配青瓜………..omg~wonderful……….仲有呀….每串都係十蚊台幣(港幣2.5蚊)….使唔使咁平呀????終於食夠皮…….其實我地當時仲未飽~
又有新野試過喇….我係7仔見到太詭異….地瓜….牛奶???
飲後感……如果你係鐘意食煨番薯既朋友……一定鐘意飲…..完全係煨番薯味囉~其實幾香濃喎~我幾buy~依家先知係7仔出~
之後行左陣街….見到有檔賣散銀包….好得意~d青蛙同兔仔一開個口條拉鏈…..裏面有牙囉…..好鬼抵死架!!!!!!我揀左藍底白色波點小青蛙….我好鐘意呀~多謝寶寶送俾我~~~*3*
睇唔睇到???人地呢d先叫做卡娃依妹妹黎架嘛~又nice~
好鐘意台灣7仔既公仔….好鬼得意呀~~~~
寫完呢篇野…….我又開始懷念台灣既野食….同埋….好肚餓呀…..
今日我問一個人…..
我：喂…你收到我張postcard未呀??
某男人：之前收到啦
某女人：我屋企人噚日番左去舊屋幫我攞左..我都收到
我：????咁點解你唔話俾我知你收到????
某男人：唔記得左嘛
我：又唔話俾我知….
某男人：唔使講架喇…..已經習慣左你去旅行就有得收到postcard….一定有得收到
我：#%^%%
我真係有d嬲架….我唔係嬲你地唔同我講多謝之類……個問題係….我每一次番黎都好驚會寄失d poatcard…..所以當我收到時我又會諗…..死啦你地收唔收到呢???我又唔想親口問你地…..因為又驚無哂收到信既哥種喜悅……到真係等到耐到我忍唔住開口問…..你地先會同我講收到………唉……本身我去旅行寄postcard既意義在於係一份比起其他人送俾你地比較特別既手信……..都有人話我寫既內容有d無聊同埋空泛……但當你去旅行玩完一日攰奶奶既時候…..仲要寫成七,八張postcard時….我相信你寫既內容未必會比我充實同有趣……今次除左小i真係係我面前攞出我寄俾佢既明信片同埋好開心咁講過之外…..都無人提過下佢喇………..所以我決定左…去旅行唔再寄postcard俾你地喇….哼…..鬼叫你地激嬲我呀…..橫掂你地都唔在乎我寄俾你地d野架啦….人地隻手都寫到攰架…….哼~
好一個習慣性
其實有時我可以氹下自己開心je….點解我成日要咁在意你地開心定唔開心…..
有時做左d野未必一定有人識欣賞
只係習慣左我會氹你地……
我都話…我係一個典型既天秤座…只係我唔鐘意整潔je
放左工帶住憂鬱既心情…..
小i陪我….去搵左一串麻辣包解開我既憂鬱
依家發覺….效力不大…….
幸好番屋企仲有爸爸既蕃茄薯仔湯
我今日實在提唔起勁咁講
報時—-距離上海世博仲有：15日….唉
還要多謝邊爐小組成員送我桃哈多一大包~
沒有留言:
張貼留言