毛里求斯渡假+馬達加斯加麵包樹之旅2017-06-03第十五天Part 1(天晴後陰天有微雨)

星期五...五點後哥更簡直係一個煉獄......好彩我既拍擋係衰婆和朗公子~放左工之後去慢跑5.06km~做完運動去左食三元~好耐無食~冬天食佢d肉丸粥係唔錯既~.....星期六...中午去左Terra度嘆啡~下午又在乖乖的排新加坡行程~夜晚去左上游打邊爐~~~~好野~終於打到~~凍冰冰最好就係打邊爐~阿娘去左旅行~我要好好照顧自己先得架~(hehehe)....去左上游....但差左好多....又貴左又少左...我諗....都唔會再掛住了~星期日中午去左食新故里中午Set~好味~~~~~~~下午plan大阪和新加坡行程~~好忙話~好似唔去旅行既時候就係要plan野~這叫幸福忙嗎~夜晚又叫左外賣燒烤~~星期一二都好忙好忙...無時間上黎寫blog~呢幾日淨係跑左一次步...跑左5.13km....仲有仲有!!!我地親愛的麥公子大婚~~~好開心!!!!!!戈巴正式加入7公大家庭喇~~可喜可賀~~~(哥日戈巴係台上面講野我仲眼濕濕添呀!!好衰架!!)...星期三...媽媽去完旅行番黎~~~無去做運動去左機場接佢~~晚飯食左小上海鍋貼~~~好好味呀~~~~星期四....正在煩緊出年去邊度好~(又係幸福忙~).....係呀...下星期會抽假喇~~~你地記得要幫我集氣抽到我想抽既假呀~~~~~幫我!!



2017-06-03
Day 15---Part 1(馬達加斯加,安達西貝 Madagascar,Andasibe->安塔那那利佛 Antananarivo->毛里求斯 Mauritius)
噚日好夜先訓...呢日又一早出門口喇~(起身既時候驚覺原來衣櫃入面....係有張80年代冬天一定吸既厚被.......好喇...我地轉轉個話題先......)呢日既行程都好緊湊~~緊湊都要食過早餐先既~~早餐都係無咩食~~馬達加斯加d酒店早餐真係麻麻喇~呀哈哈哈~(以笑遮醜狀)

毛里求斯渡假+馬達加斯加麵包樹之旅2017-06-02第十四天Part 2(大霧及後天晴酷熱)

星期二....好開心早上食左我好鐘意既豬扒撈米加咖哩走青~~不過呢日d客唔多正常..個個都串串貢!!!!!有時睇一個人真係唔可以睇表面...你望佢以為粗魯...其實佢勁有禮貌!!...放工去運動..今日唔知搞咩...唔係好跑到....快行多~跑得20分鐘~加加埋埋5.03km~星期三.....工作順利~呢日中午仲去左飲茶~因為難得的同朗公子同埋衰婆同一更~食飽飽~...放工快行+慢跑5.15km...唔知點解呢兩日又好似唔夠氣咁~星期四....工作ok~今日休息~無跑步~~呢幾日都好凍凍呀~~~~最岩係咩呀???梗係打邊爐啦~~~周末點都要打一次~~~~



2017-06-02
Day 14---Part 2(馬達加斯加,穆龍達瓦 Madagascar,Morondava->安塔那那利佛 Antananarivo->安達西貝 Andasibe)
見仲有時間...去機場又太早....所以叫史奈達再車我地睇多個景點~佢就帶左我地黎呢度~因為溝通唔到~開頭都唔知佢帶我地睇咩既~

♥三見Supper Moment♥@Rock It Party 2017

星期五....超!勁!忙!!!!!說好的賽車要安全躲在家中呢???放左工等左好耐巴士去做運動.....今日慢跑左5.15km~做完獎下自己去左食唐吉訶德~超耐無食~原因係無啦啦好想食佢個藍芝士醬牛扒..我發現佢呢兩年都無加過價~~仲要d tapas都係咁好味~~~正呀~~~星期六....我一大早起左身..為咩呀??睇落面咪知囉~~~好怕醜呀又~~~...星期日...中午去試左Root~中午正好多喎(計埋價錢)...食飽飽去左做美白牙齒~整個下午都在plan大阪行程~~差唔多搞掂啦~~夜晚食左關東煮外賣~正~仲係fb睇埋Supper係Clockenflap既live~~~好正~~~~仲唱左首新歌!!!星期一.....雖然係星期一..但我心情大好~因為我番晏~~因為Sunny bb既氛圍仲包圍住我~~因為日本行程又差唔多搞掂~~~~~放左工去慢跑5.16km~~~~



我呀~星期六哥日又一早起身呀~買左麥叔叔...."行"去碼頭.....係呀....係行呀....因為賽車嘛..我又驚佢塞車又呢樣哥樣.....咪行去唔使煩囉~兩個禮拜之前呀~又俾我知道左Supper Moment會黎澳門表演呀~咁呀~我真係唔捨得唔接佢地船呀~其實我等左好耐...唔好問我幾耐.....總之我等等下耐到放棄左~(鼓起好大勇氣!)...諗住走時經過今次個表演場地漁人碼頭咪諗住望下個台係邊囉~~點知望完開下Supper個Instagram竟然更新左佢地剛係香港落船!!!!!!咁我梗係即刻折返啦~~~終於!!!!!!!!!!!!!!!!!!!!!!!!



佢地出到黎我即刻同CK講句生日快樂先啦~~~正日生日都要過黎澳門無得陪屋企人咁慘慘~~然後我話請佢地食杏仁餅~~(係咪好老土呀????我個人認為係幾老土但唔知點解我又做喎~)....之後阿達提出：你想唔想同我地4個影張相呀??........我心諗：下~~~~~~~~~~~點會唔想呀~~~~~~影一萬次都想啦~~~~~~~~~~~~(小鹿亂撞mode)...美男達你真係好人~~~~~~~好開心呀~~第三次同你地4個影相呀~~~~Sunny仲要話：拿~我地咁樣影~就好似黎一個交接儀式.................你真係可愛得過份<3....好靚呀張相~~多謝fay幫我地影~~介紹番先~呢間係澳門人都好鐘意食既最香杏仁餅呀~我平時唔鐘意食杏仁餅都覺得好食~依家超多人買的~係毛寶咁好人先會幫我買~(係呀~我仲送左我之前係台灣買既喉糖送俾Sunny bb~佢救過我兩次喉痛~遲下出台blog再介紹~)

毛里求斯渡假+馬達加斯加麵包樹之旅2017-06-02第十四天Part 1(大霧及後天晴酷熱)

星期二...唔知點解仲多野做過星期一...無命喇...........放工食飽飽做運動..慢跑5.37km~星期三....一起身發現自己頭重重....膊勁痛...流鼻鼻....我最唔想發生既事終於發生...覺得個人round round地...但我竟然仲出到門口上班去....見到樓下藥房咁早有開我即刻衝買感冒藥俾自己嘆....本身剛上班仲屎屎下.....點知食完藥一個鐘度我就龍精虎猛!為免加劇病情我呢日都係暫停運動好了~......星期四....朝早就靜蠅蠅....下午就都幾多野做~可能因為賽車第一日~對~一年一度的賽車又開始了~~~為左唔想塞車令到自己今日無哂時間...我決定將今日為法定休息日不做運動~~呀~~~點算呀~~~周末要來了~~~即係話見Sunny bb的時候到了~~~我好緊張呀~



2017-06-02
Day 14---Part 1(馬達加斯加,穆龍達瓦 Madagascar,Morondava->安塔那那利佛 Antananarivo->安達西貝 Andasibe)
呢日...我地又好早出發喇~因為前幾日.....去影包包星空時...衰公部相機影得唔夠皮~話想再去~同史奈達商量好..佢都同意呢日又4點出發(辛苦哂)......又黎到猴麵包樹大道(Allée des baobabs).....衰公再用佢部機試下再影...我地就借左大比哥部機嘛~我地都影....但呢日...唔知點解我地同衰公都影唔到......係漆黑一遍時有用燈照周圍環境...咁多塵飄飄下既???又影唔到多星喎...點解既點解既?(又影到包包接住粒星)

毛里求斯渡假+馬達加斯加麵包樹之旅2017-06-01第十三天(晴天)

星期五...呢日番工真開心...剝到成地花生殼..好耐無試過咁精彩...雖然都多野做...但係放工都有去運動....做完之後熱升健身谷既3位成員去左食Kokoro~~又炸雞又燉牛肋骨又飯卷真開心~~~~星期六.....中午去左飲呀~~同事結婚~我第一次中午去飲咋~仲見到好耐無見既i子~*3*~原來見到一個識左13年既人結婚真係會眼濕濕架喎~下午就好乖好乖咁樣排下大阪個行程啦~進展都唔錯既~~夜晚去左garment park~同埋去左華生堂飲湯~星期日..是我期待已久的燒烤日!!中午去左食starbucks先...之後會合其他人買野~由於呢日落雨~所以我地揀左個室內場燒~~要俾$500一個爐12個人..咩都唔包~全部野我地自己帶去~超多海鮮燒~有長腳蟹~奄仔蟹~蝦~扇貝~蟶子~蜆~魚~一堆扒呀丸呀腸呀漢堡扒呀~(唔係我認屎認屁呀..我燒既漢堡扒係一等一的好吃~).....蔬菜類呀~好好味呀!~~超開心~~~~~~~一年一度燒烤日~~完~星期一....起身哥時完全唔想起身..好想繼續訓唷!天色昏昏暗咁~工作還好~我今日食左好少野...早上一杯麥皮....中午食左半份三文治+一碗西洋菜湯(入面有兩塊響螺片既~).....下午放工前食埋哥半份三文治就去做運動~慢跑5.22km~~今日都跑左40分鐘架~加油~不過我個健身室會籍就快到期了~



2017-06-01
Day 13(馬達加斯加 Madagascar,Bekopaka->穆龍達瓦 Morondava)
好啦~今日離開呢區番去穆龍達瓦(Morondava)喇~即係意味住又要坐好耐車程了~食飽d先~想食飽d都唔得...因為都無咩好揀...但佢左下角類似叉燒既物體幾好食~同埋今日有右上角既菜粥狀物體...乜你地都興食粥架?好驚喜~不過淡淡地~