日本瘋狂之旅20081002---第七天part2(大大大晴呀哈哈哈)

噢………雖則今日係星期日呀……….但係真係好難捱…….今日朝早完全唔知醒…….因為我原來完全無較鬧鐘囉………唔知想點………..直至sasa打電話黎同我講話我地下一組就要做presentation……我先如夢初醒咋….即刻彈起身….番到去…..好彩有佢地頂住……….d ee狂問我地問題…..超衰d人…..好彩有d好勁既人擋住咋…….點知出去點番名時趷腳佬又諸多留難我…….又話遲多過一個鐘學校要當absent呀…乜乜物物呀….我第一次求趷腳佬咋………如果一年之前我係絕對唔會求佢………..仲會串佢….求佢既原因係………因為再當我缺席我就會唔夠出席率喇…….haha……又以為又過一關….點知佢下晏秋後算帳…….話我地有一堂無番……無交一堂堂課要我地交番…明明d堂課一組組做…..佢地又寫埋我地個名…..有乜理由唔計我地呀……….佢話你哥堂無番就當我無做…..食屎啦…..我地哥組有個人成份功課都無掂過啦…..人地仲無番過學做presentation呀……咁佢又有無分呀…..佢真係靠害……由於今日太過當黑喇…………..所以今晚要食番好少少啦…..得我一個人食…..孤獨既天秤座當然就係買番屋企食啦…..仲唔熱氣既唔食……..一包鹽酥雞…一個牛肉薄餅包…一杯最愛的comebuy蜂蜜蘆薈…………食飽d呀要…因為天氣真係好凍喇!!!!!!!!!!!!!!



又黎日本之旅喇……..繼續係有我地既universal studio呀~~哥日太陽好到呢…全日維持係高溫水平…..因為東京好多日都係陰天……..所以都曾經擔心過去玩樂園時落雨就無癮啦……….好彩咋………如果唔係我哥日就無咁風騷喇….好難得阿寶出黎影相喇………..上次阿寶去唔到迪士尼今次去番呢個新地方補數啦!!!!!!!!!!!!仲有難得的一家人合照呀~

見到芝麻街好開心……….諗住同佢地影相………點知…………係要俾錢的(成千yen呀)…..你地好唔好意思收小朋友錢同佢地影相呀……………….唯有叫阿寶遙距咁同佢地哥三隻臭公仔影相啦………………….

佢地離開哥個地方一路行時有小朋友叫佢地影相….佢地竟然唔停低不特止…仲要用跑的!!!呢張係唔使錢的…但只影到背面………..影住佢地跑走

是日之中午飯………係哥度食野真係好貴呢……仲唔飽呀……..

我地去既時候係臨近萬聖節呢…所以周圍都有呢d裝飾…..但我覺得佢d精品都無迪士尼哥d咁靚…….完全謀殺唔到我個荷包呀

又到扮鬼扮馬時間……..呢個我唔夠你黎呀毛寶………所以整你出黎啦……..回到未來既博士………….好靚呀個假髮………

有藍毛毛同紅毛毛呀

我都好鐘意呢個呀…….因為一帶上去我就自動自覺變左做速龍喇

係咪去旅行我就要擺d咁娘屎既鋪屎?真係好鴨呀………..

搞怪既街頭表演者………………

影呢個咁經典既大白鯊相也是要俾錢的…..無錢的人就要好似我地咁影啦

哈哈……..好娘屎終於玩到侏羅紀喇………..但最好玩既地方唔係睇佢d恐龍…………係最後哥條激流呀…………濕哂呀係

呢個係一個紀念品店外面既一條恐龍…但係唔好意思………..如果你要同佢影相…你都係要俾錢架…….呢個世界上係唔會有免費既午餐俾你食架!!!!!

玩完侏羅紀之後行出黎化身做恐龍大吃大渴喇

做完ok sir份功課我就可以得到暫時既解脫………

距離我既美國之旅倒數仲有四日…..

好驚呀…………….第一次個人出門