與三老小孩佐賀自駕遊之旅2024-10-20第二天(天晴大風後轉陰天)

9月6日...一窄醒已經11點XXXXD...中午食IES...夜晚食日玥外賣....9月7日...9月剛開學...淡到連大名鼎鼎既星期一都無人!!....9月8日...今日好驚險!!!我又又又唔記得較鬧鐘XXXXXD我係俾樓上隻狗吠醒XXXXXD遲左23分鐘起身XXXXD...但竟然咁都俾我趕得切做哂平時要做既野XXXXD...我樓上隻狗終於對我做番件好事...如果唔係我應該11點先會醒XXXD(依家即刻去開番個鬧鐘先)...9月9日...閒...9月算唔算全年最淡月份?...9月10日...今日教師節...D孩子一放假又帶動人流喇XXXD....9月11日...孩子一番學我地又閒閒的XXXXD....放工去左食AJAR HOME秋季餐牌~老夫人請食中秋飯加慶毛寶就快牛一~....9月12日..中午去左食奈和美~..衝去大名鼎鼎既taste 12號減價日..番屋企放低一堆…再衝800買護膚品買鞋~~探豬~~夜晚食享~~再去火樹銀花嘉年華~~(但我地唔係為左睇煙花係去食froyo~~~~….9月13日..中午食MGM甜點…下午又落左場大雨~夜晚叫燉湯~…9月14日…華~朝早一陣墟冚~下午又回歸寂靜~今朝俾樓上隻狗嘈..心情有啲爛;(…9月15日…無啦啦番工番到下午條大腿後筋勁痛....痛到腳都抬唔到...唔通我起身抽親?？(如果係既話我好廢)....9月16日...噚晚貼左膏布...訓覺連轉身都痛...今朝起身又好D...番公司去到正門遇到剛拖好地...差D跣死我......9月17日...今日唔舒服請左病假...9月18日....夜晚同左大學同學們係Raffles lounge幫毛寶慶生~...9月19日...中午食茶杯~去幫豬姐慶生~...又去TASTE突發88折掃貨~買定黎緊一周糧食~老夫人去左旅行無人湊我...夜晚煥記痴痴貢做節~(好味)



2024/10/20
Day2(日本,佐賀 Japan,Saga)
早~晨~~~係房咁樣望出去有少少似去左北歐咁XXXD(可能係對面間屋既關係XXXD

今日早餐~噚晚便利店買既~




華下~今日好似幾好天喎~但係經過噚晚起風之後覺得有少少凍~




各團友各自係房食完早餐就出發啦~






咁大約揸45分鐘車我地就黎到環境藝術之森~停車場一架車係500円=26hkd...Mapcode：182 054 435*27...我記得個mapcode我係直接搵停車場mapcode~






臨入場有部機可以自己買入場劵~成人700円=36.4hkd~




咁呢...呢度係一個賞楓名所黎既...但係呢~我地黎哥時就楓葉未轉紅既~所以就~唔算人多~上網睇呢度有個楓葉倒影可以影...一直諗緊點影....佢有間木屋仔叫風遊山莊...就係哥度影既~




但係個倒影點黎既呢?...我地一入去就有工作人員教我地...原來放部電話係佢地張黑漆枱上面影就得XXXXXXXD搞到D老小孩個個踎低哂度位影相XXXXD




仲有張櫈放係度俾你坐係度影帥照~








影完倒影就行下佢地個庭院~春天有櫻花深秋有紅葉冬天有雪景~....依家呢個時間點黎就...無乜特別既XXXXXD...拿拿拿~呢個時候黎咪唔怕人迫人囉XXXXXXD樂觀D先得架~如果紅葉季黎應該風遊山莊我都迫唔到入去~














臨走時見到...做咩你會係度既~~~~~




諗諗下你係咪覺得凍所以搵D樹葉包住自己呀；[...如果今日無太陽應該都幾凍~




巧~去食飯~大約45分鐘去到餐廳~




午飯黎左活魚料理漁火...今日要黎試呼子好出名既活造烏賊~由於之前係鳥取食到好lam lam脷...所以想帶佢地黎試下~其實呼子有其他同類型餐廳...但係其他要打去訂位...呢間可以網上訂位~同埋有正常枱櫈坐~唔使坐榻榻米~mapcode：182 752 355*83






佢有幾種set揀既...咁每個餐都有本體活造烏賊...再加其他野...有D餐有刺身有D有刺身飯...有D餐又細D既~由於好似要網上訂位時揀埋餐....所以我都唔記得大家叫咩餐了XXXXD...我地都興叫一大一小咁兩人share食~




由於上次鳥取太正...所以我地寄予厚望...點知.....呼子既烏賊質感偏硬...好硬.......咬到牙都軟XXXXD...上到黎同上次一樣...佢D肉會一閃一閃的~(鳥取哥次真係真係好好食)




佢地D燒賣真係好興整到淋淋爛爛XXXD




連D鬚鬚天婦羅都衰哂...炸得唔好味.....到底只係呢間麻麻..定呼子D烏賊都係咁?求證唔到~




甜品~




叫做試過下啦~




5個人食左26,840円=1,395.7hkd...每人279.1hkd...咁又唔貴既~






本身下午安排左要坐七釜遊覽船...但係...坐親呢D船都點呀~坐唔到呀!XXXXXD...明既~定律黎既~(D9流流吊車魔咒我地最近都係意大利先破到XXXXD)




估唔到餐廳行出黎就見到我地打算坐船出海睇既呼子七釜海蝕洞~咁坐唔到船仔去睇就遠影一下啦~呢個時候真係勁爆大風~






出發去下一站時係路上見到動物~依家睇番相忘了係咩動物XXXD




佢地哥D想叫人小心路人既馬路假人可摸以唔好整到咁真呀XXXD...次次我都係行到埋黎先見到係假既XXXXD






路過廁所位便利店~順便入去購物下先~又買防寒XXXD




有眼望望但無買既~








真係忍唔住唔買!!我鐘意食乳酸味既糖~佢仲要係粉糖~仲要係愉快動物餅型既糖!買!!!!




當時接近萬聖節~有好多萬聖節野出~~呢個snoopy好得意呀~~點解我會忍得住唔買咁犀利既?XXXD




買支齋啡再出發~




大約30分鐘黎到下一站~大浦之棚田~地址：唐津市肥前町大浦716...mapcode：458 599 542*03（停車場)








就係梯田咁囉~咁望確係無咩特別既XXXXD...因為要春天雨季黎先會有水...加埋日落睇先靚~可惜依家無水係梯田而天陰又大風陰天~到此一遊啦~




見到天陰陰咁好似想落雨~快D走咯~




由於中間無左坐船仔呢個景點~我地呢個旅行團決左增遊行街!!XXXXD.....去左AEON~...老實講...唔算多野岩睇...D野老老土土咁...但係團友都可以從中搵到自己岩既野買XXXXD






衫哥D我就唔岩架喇...呢間我就睇左最耐XXXXD昭和風糖果加小玩具呀~












但我最後買左新式糖果俾我朋朋XXXXD




可愛~(大公仔完全唔會諗住夾架XXXXD)




扭蛋又係吸引我~~呢幾個都好想扭~~~澳門扭蛋太貴~








今晚無訂餐廳要食D咩..本身諗住去食酒店附近既壽司郎....但少年我太年輕喇...我以為間壽司郎周圍乜都無又唔係好市中心咁以為無咩人...點知6點去到已經大排長龍!!嚇到我打道回府XXXXXD...唯有叫酒店room service...呢D係我同毛寶叫既...係中西餐既room service...叫左meat dumpling..832円=43.3hkd...以為係餃除點知係日式燒賣...意粉with salad and soup...2,420円=125.8hkd....海鮮粥...1,980円=103hkd....燒賣難食..意粉完全無味...海鮮粥腥既........好可怕XXXXXXD






今日收獲橋梁皮一隻~









2026/09/19的開心事：
今日幫豬姐影左好多張生日靚相~



報時：距離2人福岡亂行之旅仲有---6日~
報時：距離馬爾他慢遊猛食紅蝦之旅仲有---46日~~
報時：距離曼谷飲啡按摩猛食野之旅仲有---84日~
緊張呀!!!就黎出發喇~~~祈求一切順利~~
唔好打風落雨~