2024/04/22
Day 3(紐西蘭, 基督城 New Zealand, Chrischurch->Greymouth)
早~天氣好好~起第都確確地定喉開始唔舒服...有少少咳~(我....唔...會...係....中...........)
叫左兩杯啡~一個唔記得咩Bagel...一個煙三文魚蛋sourdough早餐...味道正正常常~圖中全部共NZD$47.1=222.3hkd....同澳門差唔多~不過都幾飽~因為好大份下~
呢張相想表達既係：毛寶視角......坐佢對面既人(即係我)....食食下突然勁肚痛...平時我會忍下食埋先番酒店...但哥日勁急XXXXD...急急腳拋下毛寶跑番斜對面酒店即時釋放XXXXXD....(明明平時呢D似係另一個人先會咁做XXXXXD...我無講邊個呀~)
由於我辦完大事再跑番落去食埋哥半個早餐XXXXD...所以呢日遲左一個鐘出發~...入住酒店話有兩張劵換杯咖啡...換埋先走~但搞唔掂...唔岩我口味~
出發~好好天~
行行下又陰天~
差唔多到目的地又晴天XXXXD
到左今日第一個照點Castle Hill~離酒店大約1.5小時車程~呢度係偷野黑點...上網睇過好幾個人都係呢度俾人爆車窗搶野(如果有喼會成個喼攞走哥種)...睇D人寫俾人偷野多數去到日落時段...無乜遊客得幾架車時...就架架車車窗都被爆.....今日仲好早..好多車泊係度....都泊到密質質...少少安心~但無放低戒心~就算有賊望入架車佢一粒塵都見唔到!
Castle Hill係睇巨石陣~
我地行上去由左邊開始行...沿佢條路徑繞左巨石陣一圈~影下行下~幾舒服~(不過巨石陣呢D景我覺得襯陰天多D)
因為毛寶要隨時幫我影相...所以佢索性孭埋我個書包XXXD一人孭兩個書包XXXXD...影相加埋行大約用左1小時~
下一個景點係相距Castle Hill 5分鐘車程既Cave Stream~毛寶過好似有少少難行....佢話行過去望下危險就唔行~睇個圖佢戴哂頭燈咁...又要涉水而行.....errr.....
望緊個牌要點行時...望下前面...華...前面好似咁烏雲咁既??
咁影又幾靚喎~暫時呢段路仲係幾好行~
行到落黎呢度...我望住毛寶：要入洞又爬又涉水...我唔得架!....毛寶：我無叫你行!XXXXXD.....
然後行去另一邊~我覺得毛寶好勁...好似好識行咁XXXD
然後我都唔知佢點解識行黎呢度...有個閘既...開左個閘...入口就見到個牌Danger Rockfalls...你都咪話唔驚XXXXD
目測還好...而且我地後面都有遊客入...好啦...咁行下小心D啦~我地行行下...喂..原來幾難行喎...佢又斜...然後又多碎石XXXXD...我一路行一路SIR左幾下落斜XXXXXD....行得勁慢...後過我地既遊客fit一聲已經行左落去XXXXD...最後我地要攞每人兩碌行山杖先行到落去XXXXXD
行到落下面仲要涉溪過對面~~~呢part又唔難行~
行到落黎望番上去...好靚~
前面有個cave...行入去望下先~
行到入去又覺得無咩特別~成個耳仔窿咁~
行入個窿再望番出去...0我~~~個cave呢個景點係咁睇架個景~~就係要反向企係個窿入面影番出去~~好靚呀~成個天然畫框咁~~加上個cave入面有水...做到倒影效果~~影加來回行大約1小時15分~
番上車食少少野先~食完早餐就無食野喇~依家都成兩點幾喇~就係前幾日係超級市場補給既energy bar~~喂~~好好食呀~而且一D都唔甜呀~~
呢個旅程係驚到連補給熱水樽都唔夠膽放出黎XXXD
食左野又再出發~陰陰地天~
揸左大約40分鐘黎到Devil's Punch Bowl Fall.....其實泊好車就見到佢~(對我黎講其實個景點可以完XXXD)
都....要行下既~行囉~你行我行囉~入去前見到個牌寫住kiwi zone....話唔俾帶狗仔入...驚狗仔咬kiwi...下!?!?...會見到kiwi架????興奮~(最後係無見到既XXXXD)
一路行其實都一路見到條瀑布既~但係講明...呢個景係勁多樓級!!單程要行30分鐘~~~
呢個景真係行到好攰~今日夠哂運動量~~~走既時候都差唔多日落囉~喂!又話奉行天黑前要去到酒店既?!XXXXD
今晚住既酒店叫Copthorne Hotel Greymouth...經hotels.com訂...一晚房價1,396hkd(內含加左89hkd免費取消同埋244hkd雙人早餐錢)....雖然一入房見間房既裝修流流地汗(Hotels.com望相無咁老土XXXXD)...廁所都舊....但係加埋早餐個價錢都幾合理既~都係訓一晚je~(要讚讚係酒店check in職員好友善~)
今晚呢個區冷冷的...朝早我地食左個大早餐~中午食左energy bar~所以依家無乜熱能喇XXXXXD...即刻跑去食飯~(係渣車去既XXXD)...今晚晚餐毛寶揀左呢間Buccleugh's on High....間餐廳係一間叫The Recreation Hotel Greymouth入面~
揀呢間餐廳係因為有一樣其中想試既食材(加上餐廳同我地酒店係幾分鐘車程~)
然後見到.....蛤?!...呢度有Bluff Oyster????....布拉夫生蠔(Bluff Oyster)係紐西蘭獨有的野生品種被譽為「南太平洋的魚子醬」~~我地其中一個行程就係要特登踩落Bluff!!要在地咁食Bluff Oyster!!因為從來未食過呢個品種~想試下野生生蠔係咩味~~但未落到Bluff已經見到佢!!!睇佢介紹最尾一句：So please enjoy these mouth-watering oysters and consider yourself lucky to have them on the menu tonight~叫!
我地叫左兩杯Fresh smoothies and juices...每杯NZD$8.5=40.1hkd....唔記得叫左咩味...總之兩杯都唔同味...但係兩杯都完全無味XXXXXXD(咳仲飲凍野)
頭盤叫左兩樣....其中一樣係Scallops..NZD$28=132.2hkd....煎得幾好調味亦唔錯~~
叫左半打Bluff oyster濕濕個口先...半打NZD$22.5=106.2hkd....每隻17.7hkd...都唔貴...咁珍貴既野生生蠔都係17.7hkd一隻?實在太驚奇....初試Bluff Oyster....wow~係我鐘意既礦物金屬味~~毛寶話佢其中一隻有D苦~每人3隻濕下個口先~去到Bluff先mark大口狂吃~~
我地黎呢間餐廳重點試既係Whitebait白色魚仔....NZD$46.5=219.5hkd...係西岸特產~~所以要來試試...望落有少少似我地D白飯魚仔~咁佢地整法睇餐牌係：Using our own secret recipe..........其實係溝埋D蛋煎個蛋餅?但又唔完全係蛋...有生粉水?(好土炮XXXD).....喂!講真!好難食XXXXXXXD....個餅質感怪又完全無味XXXD完全唔推XXXXXD....但係Whitebait呢間就得呢個整法....
仲叫左Duck...NZD$44.5=210hkd....鴨肉底係一大堆沙律....個鴨超爆勁好食!!!鴨肉生熟度剛好~~鴨味濃...底下沙律也好好吃~驚喜~呢餐食左NZD$147=693.8hkd~還好啦都食左好多野又叫野飲~
飯後仲有個行程....去紐西蘭呢D地大物博既國家旅行夠膽排4個行程!!...呢個旅行團真係行程豐富XXXXXD...就係...去一個唔使錢既地方睇瑩火蟲(Glow-Worm Dell)XXXXXXD....泊好車行上去...行上去條唔長...但周圍爆黑...一滴光都無XXXXD....我以為無人點知都有D人氣...不過上到去大家都靜靜的無開任何光~唔算好多好多螢火蟲但藍色光好靚~我部電話盡左力影到一滴藍光XXXXXD
番到酒店發現...我唔止咳...我喉開始俾刀𠝹過咁痛...同埋開始變男聲XXXXXXXD....(華....唔好傳染俾毛寶呀；[ )毛寶既靚靚~
2025/11/08的開心事：
今日臨走時我覺得...
豬係有唔捨得我同佢拉姨(即係毛寶)
自我幻想中....
我地猛講話我地會去一個大型狩獵會XXXD
要下個月先再見XXXXD
報時:距離南極阿根廷之旅2025仲有---4日~
期待左一年零4個月既旅行要出發喇~~
心情勁爆緊張....暫時係我去過既最長既一個旅行~
希望一切順利~~~平平安安~
睇到想睇既~食到想食既~買到想買既~做到想做既~
祝福我啦~~~~~
番黎見~~~~~~~~
沒有留言:
張貼留言