2023/10/19
Day 1(澳門 Macau->香港 Hong Kong->泰國,曼谷 Thailand,Bangkok)
終於講到黎疫情後第一次去既泰國之旅~~~由於疫情哥時我迷上左泰劇"只因我們天生一對"既CP BrightWin~所以我就同毛寶講：好想去泰國呀~....之下~毛寶就帶生日既我去泰國玩喇~(由於KK園區我地都帶住驚驚既心情出發)...哥日訂左的士去港珠澳搭機場巴士~我仲記得哥幾日澳門猛落雨XXXD...呢日都勁天陰...好彩上落的士都無落雨~
個位搬左去檢查行李之後既對面位~有幾間航空公司可以係澳門口岸check左in連行李都唔使攞番~直接手fing fing去航空公司櫃檯check in就得(記憶中有4間...其中兩間係HK express同國泰...另外兩間...唔記得XXXD...但我今次搭哥間無XXXD)
等緊上車期間都灑左陣大雨~又好彩上車時唔怕喎~
上左車又再落左幾陣大雨~呢種機場車都幾快去到機場...記憶中50分都到~幾好~
入到機場禁區又發生小插曲...係我地網上買左機場車飛之後...佢隔左陣就send e mail cancel左我地班車直接俾左下一班車俾我地...都唔緊要既...因為我地都係預多左時間鬆動D去機場...但黎到後再發現..就算佢再改晏左我地班車既時間...我地搭既哥班機既航空公司根本未有counter開....即係入到黎禁區都係齋等....呢度D冷氣仲要堅凍....好怪既連接方式........(佢改左我地時間哥班車已經係佢建議最少預留去機場搭既車...但黎到又無得check in..不過好彩佢改遲一班...如果唔係我地等得仲耐)
好不容易等左大半鐘終於施施然開櫃.....check左in之後攞左機票就去退稅櫃檯攞番120hkd既保安稅?唔記得名詞係咩XXXD總之記得搭呢D巴士就去攞番錢啦~
過左安檢攞埋錢就入到禁區啦~去食野先~
又係去番Gate 1個PP lounge望下先啦...華!咁好彩既既?人唔算多喎!入咯!
雖然香港個PP Lounge成日俾人話係公廁lounge...但係...我覺得D野食係入到口架....你地無食過澳門個PP lounge!澳門哥個又公廁又垃圾!(咁你仲去?)...咁唔使錢食野咪去下囉~個魚蛋米其實都ok喎~之前仲有片頭米~正~...仲有我最鐘意既假燒賣XXXXD加少少XO醬...好正~..喂...薯餅都ok喎~..好正常呀D野食~我滿足了~我垃圾口~
出到黎就咁多人排隊...都算好彩~
行去登機啦~妖!到gate再睇到佢又再delay!!我講又既原因係...我買左機票之後...佢已經send過一次e mail黎話回程delay...估唔到去程都黎個即場delay....咁點解去曼谷都要去香港飛?因為我出發哥時澳門都仲係唔係日日有機去曼谷....嗚嗚嗚(但依家一日有4班來回...誇張)
望下個gate塊牌少delay 25分鐘唯有行下種下花...最後由於知道阿Sam個媽咪同我地同一日搭機去美國...上機時間都差唔多...我地行去撞下佢同佢selfie一張XXXXD....我覺得佢真係好叻...經常單拖一個人去美國~我都係試過一次咋XXXXD
通常飛前半小時都boarding啦咪行番去我地個gate囉~我地今次揀搭泰航TG601....係12:45(原時間...後改13:10)由香港飛往泰國曼谷~~
疫情時追泰劇只因我們天生一對~愛上CP BrightWin~係網上搶左張雙人Rabbit Card(原價)...終於可以帶去泰國用~~(現已不喜歡XXXXD...佢地亦已自拆CP~)
我第一次搭泰航咋~~
呢~日~本~大~小~姐~生~日~..是次旅程費用已經係毛寶全部負責~~~但佢仲有整到生日禮物俾我~~好多謝寶寶~~係一張超迷你生日卡~~佢話寸金尺土呀~迷你卡最啱XXXXXXD...迷你卡仲要係立體架~好靚~多謝你~
佢自己delay 25分鐘13:10飛架嘛...最後...佢13:10先Boarding....排到起飛都其實又遲足一個鐘先飛.......唉~算啦...我地稱之為“泰式遲到”~...D座位都舊舊地~
好似幾多戲睇...但又唔係好多岩睇XXXD...我本身揀左唔會俾錢入場睇既little mermaid....但係睇左一陣就頂唔順XXXXXD....真係睇唔落去XXXXD...我細個好鐘意小魚仙...但.....唉算喇XXXD....我最後揀番睇我睇過N次既sex and the city 2~
派餐~我揀左雞~揀雞時佢同我講spicy ok?我ok~原來係咖哩雞.....其實幾好味...但越食越辣~辣到跳舞~派餐時淨係得酒加茶無果汁~飯後再走多次野飲就酒+茶+果汁....我要左白酒~其實個飯好食~但係太辣....我好似未食過咁辣既飛機餐XXXD
我地今次坐中間同通道位~
本身14:25到...聽唔到因咩原因空中盤多10分鐘先降落Delay到15:30先到........過海關勁多人..................
攞左行李我地決定係機場換少少錢先...不過機場換個匯率實差d.....港幣得4.16(市區換係4.6)...我地其實攞美金換(如果計番其實美金個匯率好D等如港幣換4.3)...好驚喜佢竟然收舊美金...好開心...因為我手上有好幾張舊美金出面已經唔收....如果可以唔換就最好出市區先換~因為我地真係一蚊都無~所以換左~(我決定D舊美金攞去曼谷逐次換哂佢~)..咁今篇用4.3匯率講...即4.3฿=1hkd~
出左禁區就去搵我地係KKday訂車人名牌~係...驚坐的士俾人車左去KK園區做網騙情人...所以係約定車穩陣D~~而且同的士差唔多仲坐得舒服D~今次降落機場係BKK~佢有兩個機場~BKK係新機場....遠市區D~DMK就舊機場~但就近曼谷市區D~
行到去3-4號門中間就會見到一埋KKday同Klook或其他旅行社既集合點....搵番對應既約車公司再搵番自己個名話俾佢知....佢就會對下你d預約資訊同影預約資訊既相(都幾認真..因為再搭過其他兩個地方都無影XXXD齋講確認就上車)....同埋我發現真係幾多人Book車~
確認左預約佢會叫你企埋一邊佢call車...有車佢就帶你去樓上上車....我地哥日都有幾group人一齊去侯車點~都安心~大約都係等10分鐘度~
單程136hkd..BKK至曼谷市區酒店~~其實訂車都ok~因為唔使同司機溝通XXXD有時俾酒店名佢睇都唔識~訂左車一早入哂酒店資訊一上車就GO~不過上車前我同毛寶諗住穩陣D影埋車牌send俾屋企人...點知我地行到埋車佢架車個車尾廂已經係已打開狀態XXD(車牌係車尾廂蓋XXXD)....行動失敗火速上車XXXD
係去酒店既路上已經搵菇打~好毒L呀我地~
好啦~大約1個鐘多少少就到酒店~如果唔係酒店街口塞車會快多15分鐘XXXXD今次我地住Skyview Hotel Bangkok~住3晚共2,548.23hkd...平均每晚849.4hkd...每人每晚424.7hkd~都幾夠大~不過到12點幾仲聽到好大聲Disco音樂聲XXXD隔音麻麻~同埋佢個冷氣都幾大聲...仲要隔一陣就啪一聲嚇醒我XXXD...幾晚都訓得麻麻~
安頓好就跑出去食飯~行去街口搭BTS~我地酒店最近既站係Phrom Phong站~我地都幾鐘意住Phrom Phong站~因為去邊都方便XXXXD同埋唔係好鐘意D勁多人既站...但呢度又唔會靜到你覺得危險....雖然出發前都好驚KK園區...但係人在當地...又感覺係幾安全...但我唔係否定呢單野....不過出入小心D唔好單丁行啦...酒吧同辟靜偏遠地方我地都唔會去~
行上站時見到...之前好鐘意哥間豬手飯仲係度!!
由於見到增值張rabbit card個counter爆勁多人...所以都係買番單程飛先XXXXD
搭3個站去到Phloen Chit站一落樓梯...就見到我當時最愛最愛既P'Bai~~Bright呀~(現在不愛只有恨)
Phloen Chit站5號出口行空橋就會直達Central Embassy~
今次又係直衝5樓去walk in食建興酒家食本小姐的生日大餐~
食咩蟹好呢~~
最黎我地揀左黑胡椒炒蟹...฿280/100g(65.1hkd/100g)...咁我地隻蟹就係฿1,680＝390.7hkd~都幾大隻~但係佢地呢個炒法隻味麻麻~因為我以為好似新加坡哥種咁...但係.....errrr...新加坡個炒法好食好多XXXD但隻蟹D肉係正既~...仲叫左個蒜蓉炒含羞菜(細)...฿200＝46.5hkd...D菜好味~
叫左蒸螄蚶(細)...฿200＝46.5hkd...好平...上次叫燒螄蚶但覺得燒到勁老~今次叫蒸~好半生熟~好血淋淋咁~好大隻好正~
仲叫左隻Jumbo size既燒河蝦...佢分大細既...我地叫左最大哥隻係฿1,350＝314hkd...都唔平~一隻已經300幾hkd...但又真係好大隻~~~佢燒得好好!!用蝦身點番佢D蝦膏食...超鮮味~
仲有叫燒魷魚(S)...฿240＝55.8hkd...好味~點佢個辣汁好正~叫到成枱餸~~
呢餐食左฿4,280＝995.3hkd~多謝毛寶寶~好開心好好味~
見到Open House但又未行得住~因為依家要衝番酒店附近按摩~
毛寶笑話呢間野係我同佢開XXXXXD
又番去酒店再行過少少既Asia Herbs Association...我一早係IG預約左8點半~~
同埋毛寶話今次要請我做foot massage+head and shoulder既4手按摩兩小時!!好開心~~我記得現場仲加左腳部Herbal ball~2小時既4手按摩係฿2,450＝569.8hkd~兩個鐘好抵玩~即係我頭肩同腳各自有兩小時既呵護~~好期待~
望下個登記區同休息區...咦...無人既....之前呢D時間爆勁多人...所以我先特登約定時間~
以前會用紙填你有咩要求(大細力哥D)...依家用pad架喇~
填完form就帶我地去隔離著拖鞋飲杯香茅茶~不過之前係用即棄拖...家陣...(見佢有紫外線消毒機既..唔知堅定流XXXXD)...用即棄就...令人安心D囉....
入更衣室換衫~~~喂~~~~套衫好醜呀XXXXXXD....好似著完要去做苦工咁XXXXXD..套衫醜到想報警XXXXXD
洗臭腳~
好喇~正式上馬喇~~~佢地張櫈真無好舒服...訓幾耐條腰都唔怕攰~~~好...第一次試4手....即係咁.....如果你未試過又好想試...咁就試下啦~~但我個人唔係好推介(毛寶意見一致)...因為..其實我地兩個都係按腳哥個好舒服好舒服好舒服...舒服到想訓...但...我地兩個按頭肩哥個勁hea.........hea到腳好舒服時...個肩唔舒服到我抽離左.....按肩哥個經常打擾我舒服的腳XXXXXD...所以我同自己講...以後都唔揀4手XXXXD怕了~
按完就嘆杯茶~(有4款茶揀)....次次按完聲都變埋XXXXD
按完梗係要去7仔8下~佢D一包包既護膚品化妝品真係好目不暇給XXXD
我D追泰星fd同我講...呢兩隻醬係哥期好hit....一松露一芝士...我兩隻都買哂黎試...老實講...兩隻都好難食XXXXXD係方便咁解囉XXXD
呀~~~~搵到喇!!!Bright代言既喉糖~~當時買左一大堆番澳門派街坊XXXXD有無效呀?無乜XXXXXD...依家淨左一大堆係屋企XXXD
按完摩都餓喇~要食少少野喇~一定要食夾餅~~฿32＝7.4hkd...如果澳門有同埋咁平我會成日食黎做早餐XXXXD
番到酒店...華...又幾驚喜喎~多謝哂~都幾有心~
今次買左牛角包面既ham and cheese~好好味~
當日仲收到豬子賀壽圖XXXXXXXD發緊夢都掛住拍蘿友XXXXD粗手仔~好可愛~愛豬子~(又發癲喇我)
08/02/2025年的開心事：
幫豬子影左好多張靚相~
報時：距離公子復活節曼谷之旅仲有---68日~
報時：與老小孩s北海道賞花自駕遊之旅仲有---112日~
沒有留言:
張貼留言